Wɛtʋ ndʋ ŋñɩnɩɣ se ña-taabalʋ ɛwɛɛna? Pɩtʋʋ fɛyɩ se pɩkɛdɩɣnɩ-ŋ se ɛwɛɛ siɣsiɣ, ɛwɛɛnɩ camɩyɛ lakasɩ nɛ ɛkɛ ɖɔɖɔ kʋjɔʋ tʋ. Yehowa wɛnɩ wɛtʋ ndʋ tɩ-tɩŋa (Ejl 34:6; Tʋm 14:17) Ŋtɩmɩɣnɩ-ɩ lɛ, ewelisiɣni-ŋ. Ɛsɩɣnɩ-ŋ kaɖɛ alɩwaatʋ taa. (Keɣa 17:20, 36) Ekpeɣ-ŋ ña-kɩwɛɛkɩm. (1Yo 1:9) Pɩtʋʋ fɛyɩ se Yehowa kɛ taabalʋ weyi ɛ-wayɩ fɛyɩ yɔ!

Ɛbɛ pɩwɛɛ se ŋla nɛ ŋkɛ Yehowa taabalʋ? Kalɩ Bibl nɛ ŋtɩlɩ-ɩ camɩyɛ. Heyi-i ña-kɩcɛyɩm. (Keɣsi 61:8; 141:3) Wɩlɩ se ɛ-Pɩyalʋ, e-Kewiyaɣ, tamaɣ ŋga ɛlabɩ cee wayɩ yɔɔ yɔ nɛ mbʋ mbʋ payɩ pɩcɛyɩ ɛ-ɛsɩndaa yɔ, pɩcɛyɩ ɖɔɖɔ ñɛ-ɛsɩndaa. Heyi lalaa ɛ-tɔm. (Wp 32:3) Ye ŋñɔnɩ Yehowa kpam yɔ, ɛkɛɣnɩ ña-taabalʋ tam.—Keɣa 72:25, 26, 28.

CƆNƖ VIDEO PIYA EVELISI—“ƖÐƖŊ NƐ ƖNA [YEHOWA] WƐ ÐEU ƐZƖMA YƆ” NƐ PƲWAYƖ LƐ, ŊCOSI TƆM TƲNƐ TƖ-YƆƆ:

• Ɛzɩma ŋpɩzɩɣ nɛ ŋñɔɔzɩ ña-tɩ nɛ ŋha ña-tɩ nɛ pamɩyɩsɩ-ŋ lɩm?

• Ɛzɩma ɛgbɛyɛ taa ñɩma lalaa pɩzɩɣ nɛ pasɩnɩ-ŋ nɛ ŋsɛɛ Yehowa?

• Ɛzɩma tɩyɛ tɔm susuu sɩɣnɩ-ŋ se ŋcɛyɩsɩ ña nɛ Yehowa mɩ-taabalɩyɛ?

• Tʋma ndɩ ndɩ wena ŋwɛnɩ waɖɛ se ŋla Yehowa sɛtʋ taa?

• Ɛbɛ yɔɔ ŋsɔɔlɩ Yehowa?