FALƖSƖ ÑA-TƖ NƐ ŊSUSI TƆM | HIƔ TAA LELEŊ TƆM SUSUU TAA NƐ PƖKƖLƖ
Yele nɛ koobiya lalaa sɩnɩ-ŋ
Yehowa tɩŋɩɣnɩ “koobiya kpeekpe” yɔɔ nɛ ɛsɩɣnɩ-ɖʋ. (1Pɩ 5:9) Papɩzɩɣ pasɩnɩ-ɖʋ nɛ ɖɩlʋbɩnɩ kala wena ɖɩkatɩɣ tɔm susuu taa yɔ. Kɩɖaʋ nakʋyʋ yɔ: Akiila, Prisiili, Silaasɩ, Timootee nɛ koobiya lalaa paasɩnɩ apostoloo Pɔɔlɩ.—Tʋm 18:1-5.
Ɛzɩma koobiya lalaa pɩzɩɣ nɛ pasɩnɩ-ŋ tɔm susuu taa? Papɩzɩɣ patasɩ-ŋ lɔŋ kɩbaŋ weyi ɩsɩɣnɩ-ŋ nɛ ŋcosi tɔm ndʋ ɛyaa yɔɔdʋʋ ɖoŋ ɖoŋ se pakaɖɩnɩ-ɖʋ yɔ tɩ-yɔɔ, ŋla pɩsɩ nɛ ŋna-ɩ waa yaa ña nɛ ɛyaa ɩpaɣzɩ Bibl kpɛlɩkʋʋ. Maɣzɩ ñɛ-ɛgbɛyɛ taa koobu nɔɔyʋ weyi ɛpɩzɩɣ nɛ ɛsɩnɩ-ŋ yɔ ɛ-yɔɔ; nɛ ŋpɔzɩ-ɩ se ɛsɩnɩ-ŋ. Pɩtʋʋ fɛyɩ se pɩkaɣ wazʋʋ mɩ-naalɛ nɛ piyele nɛ ihiɣ taa leleŋ nɛ pɩkɩlɩ.—Fil 1:25.
CƆNƖ VIDEO TISI NƐ YEHOWA SƖNƖ-Ŋ NƐ ŊHIƔ TAA LELEŊ KPƐLƖKƖYAA LABƲ TƲMƖYƐ TAA—ÐO-KOOBIYA, NƐ PƲWAYƖ LƐ ŊCOSI TƆM TƲNƐ TƖ-YƆƆ:
-
Ɛzɩma Neeta ñaɣ pana se eseɣti Rose nɛ ɛlɛ wolo kediɣzisi?
-
Ɛbɛ yɔɔ pɩwɛɛ se ɖɩyaa tɔm susuyaa lalaa se pasɩɩ-ɖʋ nɛ ɖiwolo ɖe-Bibl kpɛlɩkɩyaa cɔlɔ?
-
Ɛgbɛyɛ kpeekpe sɩɣnɩna nɛ ɛyʋ pɩsɩɣ tɔmkpɛlɩkɩyʋ
Ɛbɛ Rose nɛ Abigay pa-naalɛ pɔsɔɔlaa?
-
Tɔm susuu lɛɣtʋ ndʋ tɔm susuyaa lalaa pɩzɩɣ nɛ pɛkpɛlɩkɩ-ɖʋ?
