Pɩpɔzʋʋ se hola aleɣya laɖʋ ewolo pɩ-yɔɔ nɛ ɛhayɩsɩɣ ɛ-tɩ nɛ ɛwɛɛ niye camɩyɛ. Mbʋ ɖɔɖɔ pɩwɛɛ se ɖɩñaɣ pana nɛ ɖɩfalɩsɩ tɔm taa nɩʋ ɖoŋ weyi ɖɩwɛna yɔ. (Ebr 5:14) Paa pituyuu-ɖʋ se ɖɩla ɛzɩ lalaa yɔ, pɩpɔzʋʋ se ɖɩkpɛlɩkɩ ɛzɩma ɖɩkpaɣ ɖa-maɣmaɣ ɖa-lɩmaɣza yɔ. Ɛbɛ yɔɔ? Mbʋ pʋyɔɔ yɔ paa weyi ɛkaɣ labʋ akɔnta pɩlɩɩnɩ lɩmaɣza wena ɛkpakɩɣ yɔ a-yɔɔ.—Rom 14:12.

Pɩfɛyɩ se ɖɩmaɣzɩ se ɛzɩma pamɩyɩsɩ-ɖʋ lɩm pɩlakɩ pɩnzɩ sakɩyɛ yɔ pʋyɔɔ lɛ, paa pɩɩla ɛzɩma yɔ ɖɩkaɣ kpaɣʋ lɩmaɣza camɩyɛ. Pɩsa nɛ ɖɩkpaɣ lɩmaɣza kɩbana lɛ, pɩcɛyaa se ɖɩñɔɔnɩ Yehowa, ɛ-tɔm nɛ ɛ-ɛgbɛyɛ.—Yoz 1:7, 8; Adu 3:5, 6; Mt 24:45.

CƆNƖ VIDEO “WƐƐNƖ ƐHƲYƐ KƖBANÐƐ”, NƐ PƲWAYƖ LƐ ŊCOSI TƆM TƲNƐ TƖ-YƆƆ:

• Lɩmaɣzɩyɛ nɖɩ pɩɩwɛɛ se Emma ɛkpaɣ?

• Ɛbɛ yɔɔ pɩfɛyɩ se ɖiheyiɣ lalaa ɖa-lɩmaɣza hɔɔlɩŋ weyi ɩ-taa pɩpɔzʋʋ se paa weyi ewelisini ɛ-ɛhʋyɛ yɔ?

• Lɔŋ kɩbaŋ weyi koobu nɔɔyʋ nɛ ɛ-halʋ patasɩ Emma?

• Le Emma lɩ tɔm ndʋ tɩpɩzɩɣ nɛ tɩsɩnɩ-ɩ wɛtʋ ndʋ tɩ-taa ɛwɛɛ yɔ tɩ-yɔɔ?