Ye pɩwɛ-ɖʋ kaɖɛ se ɖihiɣ tomnaɣ yɔɔ tʋmɩyɛ yɔ, pɩpɩzɩɣ pɩwɛɛ-ɖʋ ɖɔɖɔ kaɖɛ se ɖɩsɩɩ Kewiyaɣ nɛ Ɛsɔ siɣsiɣ wɛtʋ kajalaɣ lone taa ɖe-wezuu caɣʋ taa. Pɩpɩzɩɣ pituyi-ɖʋ nɛ ɖitisi tʋmɩyɛ nɖɩ ɖiyeki nɛ pɩwɛɛ-ɖʋ kaɖɛ se ɖɩsɛɛ Yehowa yɔ, yaa tʋmɩyɛ nɖɩ ɖiyeki nɛ ɖɩmaanɩ Bibl paɣtʋ kila yɔɔ yɔ. Ɛlɛ ɖa-taa pɩzɩɣ nɛ pɩtɛ se Yehowa kpazɩɣ “ɖoŋ mba petisiɣ ɛ-yɔɔ nɛ pɛtɛŋ pa-taa yɔ.” (4Aw 16:9) Nabʋyʋ ɛɛpɩzɩɣ nɛ pɩɖɩɣ nʋmɔʋ ɖa-Caa sɔɔlɩm tʋ se ɛsɩnɩ-ɖʋ nɛ ɛha-ɖʋ ɖɔɖɔ mbʋ payɩ pɩpɔzʋʋ-ɖʋ yɔ. (Rom 8:32) Ye mbʋ, alɩwaatʋ ndʋ ɖɩñɩnɩɣ tʋmɩyɛ yɔ, pɩwɛɛ se ɖɩtaa liu Yehowa nɛ ɖɩɖɛzɩ ɛ-tʋmɩyɛ nɔɔ.—Keɣa 15:8.

CƆNƖ VIDEO LA YEHOWA TƲMƖYƐ NƐ ÑA-KALƖZAƔ PILIM, NƐ PƲWAYƖ LƐ ŊCOSI TƆM TƲNƐ TƖ-YƆƆ:

• Ɛbɛ yɔɔ Jason kizaa se pataataa ɛ-nɔɔ num?

• Ɛzɩma ɖɩpɩzɩɣ nɛ ɖɩlabɩnɩ tʋmɩyɛ Koloosi mba 3:23?

• Ɛzɩma kɩɖaʋ kɩbaŋʋ ŋgʋ Jason hawa yɔ, kitukuni Thomas laŋɩyɛ?

• Ɛzɩma ɖɩpɩzɩɣ nɛ ɖɩlabɩnɩ tʋmɩyɛ Maatiyee 6:22?