FALƖSƖ ÑA-TƖ NƐ ŊSUSI TƆM CAMƖYƐ | HIƔ TAA LELEŊ TƆM SUSUU TAA NƐ PƖKƖLƖ
Labɩnɩ tʋmɩyɛ tɔm ñɩnʋʋ wondu
Yehowa haɣ-ɖʋ wondu ndʋ tɩsɩɣnɩ-ɖʋ se ɖɩwɛɛ niye tɔm wɩlʋʋ taa yɔ ɛzɩ videowaa, traktɩwaa, Réveillez-vous! nɛ Feŋuu Tilimiye, hatʋ cabɩ takayɩsɩ, takayɩsɩ lɛɛsɩ pɩkpɛndɩnɩ wonuu ŋgʋ kɩ-tɔm kɩlɩ cɛyʋʋ yɔ, pʋ-tɔbʋʋ se Bibl. (2Tim 3:16) Ɛhaɣ-ɖʋ ɖɔɖɔ tɔm ñɩnʋʋ wondu ndʋ tɩsɩɣnɩ-ɖʋ se ɖɩpɩzɩ nɛ ɖɩlɩzɩ Masɩ taa camɩyɛ yɔ. Tɩ-taa natʋyʋ lɛ Watchtower Library, application JW Library®, ƖNTƐRNƐƐTƖ YƆƆ TAKAYƖSƖ ÐƖZƖYƐ™ nɛ Guide de recherche pour les Témoins de Jéhovah.
Ŋŋñɩnɩɣ fezuu taa ñɩm mbʋ pɩwɛ ɖa-ñɩm koozaɣ taa yɔ lɛ, ŋkaɣ hiɣu taa leleŋ siŋŋ. Ñaɣ pana nɛ ŋfalɩsɩ ñe-Bibl kpɛlɩkɩyaa nɛ patɩlɩ ɛzɩma palabɩnɩ tʋmɩyɛ wondu ndʋ yɔ. Ŋlabɩ mbʋ yɔ, alɩwaatʋ ndʋ pa-maɣmaɣ pañɩnɩɣ nɛ panaɣ Bibl yɔɔ tɔm ndʋ pɔpɔzʋʋ pa-tɩ yɔ, tɩ-yɔɔ cosuu yɔ, pɩhaɣ-wɛ taa leleŋ ɖɔɖɔ.
CƆNƖ VIDEO TISI NƐ YEHOWA SƖNƖ-Ŋ NƐ ŊHIƔ TAA LELEŊ KPƐLƖKƖYAA LABƲ TƲMƖYƐ TAA—TƆM ÑƖNƲƲ WONDU, NƐ PƲWAYƖ LƐ ŊCOSI TƆM TƲNƐ TƖ-YƆƆ:
-
Tɔm ndʋ Rose pɔzaa pɩlɩɩnɩ wondu kɩlɩzɩtʋ yɔɔ?
-
Le Neeta lɩ tɔm ndʋ Rose pɔzɩ-ɩ yɔ, tɩ-yɔɔ cosuu yɔɔ?
-
Ye ɖihiɣ fezuu taa ñɩm nɛ ɖɩwɩlɩɣ-pʋ lalaa yɔ, pɩhaɣ-ɖʋ taa leleŋ
Ɛzɩma ɛpɩzaa nɛ ɛlɩzɩ tɔm cosuu mbʋ pɩmʋnɩ Rose camɩyɛ yɔ?
-
Ðoŋ weyi tɔm ñɩnʋʋ wondu tʋmɩyɛ labɩnʋʋ wɛnɩ Neeta yɔɔ?
