Ðɩkatɩɣ kala ndɩ ndɩ ɖe-wezuu caɣʋ taa kɛdɛzaɣ kɩyakɩŋ ɩnɛ ɩ-taa. Ðɩwɛɣ nɛ ɖɩñɔtʋʋnɩ ɛjaɖɛ ɖɩnɛ ɖɩ-tɛm lɛ, pɩtʋʋ fɛyɩ se awɛɣ nɛ atɛzɩɣ ɖoŋ kpaʋ. Pɩtɩla ɖɩkaɣ wɛʋ kɛdɛɖaɣ taa hɔɔlɩŋ ndɩ ndɩ taa. (Hab 3:16-18) Ɛbɛ pɩzɩɣ nɛ pɩsɩnɩ-ɖʋ nɛ ɖɩtaalɔ lidaʋ alɩwaatʋ ndʋ ɖɩkatɩɣ kala liidiye nʋmɔʋ taa yɔ? Pɩcɛyaa se ɖiwolo pɩ-yɔɔ nɛ ɖɩtaɣ ɖɛ-Ɛsɔ Yehowa liu. Eheyi ɛ-sɛyaa se ɛcɔŋnɩ pa-kɩcɛyɩm ɖeɖe. Paa wɛtʋ ndʋ taa ɖɩwɛɛ yɔ, ɛpɩzɩɣ nɛ ɛsɩnɩ-ɖʋ.—Keɣa 36:18, 19; Ebr 13:5, 6.

Mbʋ ŋpɩzɩɣ nɛ ŋla yɔ:

• Tendi Yehowa se eɖiyi-ŋ, ɛha-ŋ lɔŋsɩnɖɛ nɛ ɛɖʋ-ŋ nesi.—Keɣa 61:9.

• Tisi faaa nɛ ŋla tʋmɩyɛ nɖɩ wiɖiyi ŋtɩlabɩ-ɖɩ yɔ.—g-F 1/10 8-9, aɖakasɩ

• Wolo pɩ-yɔɔ nɛ ŋlakɩ fezuu taa tʋma wena ŋlakaɣ yɔ, ɛzɩ Bibl kalʋʋ paa evemiye nɖɩ, kediɣzisi wobu nɛ tɔm susuu mbʋ yɔ

CƆNƖ VIDEO MA ÑA-ÐƖƔA NƐ KASƖŊ CƖŊGƖLƖM—“ÑE-LIU ƐSƖBƖNƖ MBƲ ŊWƐNƖ LƐƐLƐƐYƆ YƆ,” NƐ PƲWAYƖ LƐ ŊCOSI TƆM PƆZƲƲ PƲNƐ PƖ-YƆƆ:

• Kala wena hɔŋ nɩɩyɩ kataa?

• Ɛbɛ tɔm kɩlɩ cɛyʋʋ wezuu caɣʋ taa?

• Ɛzɩma ɖɩpɩzɩɣ nɛ ɖɩɖʋ nesi mba pakatɩɣ kala liidiye nʋmɔʋ taa yɔ?