Paa weyi ɛpɩzɩɣ nɛ ɛwɛɛ laŋwɛɛkɩyɛ taa nabʋyʋ taa. Ye nɔɔyʋ ɛwɛ laŋwɛɛkɩyɛ taa yɔ pɩɩwɩlɩɣ se ɛkɛ kʋdɔndʋ fezuu taa. Toovenim taa lɛ Yehowa lɩzaa nɛ ɛwɩlɩ se nabʋyʋ kaayeba nɛ ɛ-maɣmaɣ ɛwɛɛ laŋwɛɛkɩyɛ taa. (Kiɖ 6:​5, 6) Ɛlɛ ye ɖɩwɛ laŋwɛɛkɩyɛ sɔsɔɖɛ naɖɩyɛ taa yaa ye ɖɩwɛ laŋwɛɛkɩyɛ taa paa ɛzɩmtaa, ɛbɛ pɩwɛɛ se ɖɩla?

Pɩsɩnɩ Yehowa yɔɔ nɛ ɛsɩnɩ-ŋ. Yehowa sɔɔlaa se ɖɩwɛɛnɩ lɩmaɣza taa alaafɩya. Ɛnaɣ alɩwaatʋ ndʋ tɩ-taa ɖɩwɛ taa leleŋ taa nɛ alɩwaatʋ ndʋ tɩ-taa ɖɩwɛ laŋwɛɛkɩyɛ taa yɔ. Ɛnɩɣ ɖɔ-tɔm taa alɩwaatʋ ndʋ ɖɩwɛ laŋwɛɛkɩyɛ taa yɔ. (Ke 7:9b) Mbʋ pɩ-tɔm kɩlɩ cɛyʋʋ yɔ mbʋ yɔ: ɛmaɣzɩɣ ɖɔ-yɔɔ siŋŋ nɛ ɛsɩɣnɩ-ɖʋ se ɖɩlʋbɩnɩ nɩɣzɛ, halɩ pɩkpɛndɩnɩ lɩmaɣza taa kʋdɔŋ.—Ke 34:18.

Kandɩyɩ ña-lɩmaɣza yɔɔ camɩyɛ. Lɩmaɣza kɩdɛkɛda pɩzɩɣ ayele nɛ ŋŋwɛɣ taa leleŋ taa nɛ halɩ apɩzɩɣ nɛ acamɩ ñɛ-Ɛsɔ sɛtʋ. Pʋyɔɔ pɩcɛyaa se ɖɩkandɩyɩ ɛyʋ weyi ɖɩkɛnɩ ɖa-laŋɩyɛ taa yɔ ɛ-yɔɔ.—Adu 4:23.

CƆNƖ VIDEO ÐO-KOOBIYA WƐ LAŊHƐZƖYƐ TAA PAA PAKATƖƔ KALA YƆ, NƐ PƲWAYƖ LƐ ŊCOSI TƆM TƲNƐ TƖ-YƆƆ:

• Nɩŋgbanzɩ nzɩ Nikki kpɛzaa nɛ ɛpɩzɩ nɛ ɛlʋbɩnɩ kaɖɛ nɖɩ ɖɩ-taa ɛwɛɛ yɔ?

  Tɔm ndʋ ŋcosuu yɔ

• Ɛbɛ yɔɔ Nikki maɣzaa se pɩpɔzʋʋ se eyele nɛ ɖɔkɔtɔ nɔɔyʋ sɩnɩ-ɩ?—Mat 9:12

  Tɔm ndʋ ŋcosuu yɔ

• Ɛzɩma tɩyɛ Nikki kaañɔnɩ Yehowa?

  Tɔm ndʋ ŋcosuu yɔ