Wiɖiyi Ɛyaa tɩŋa kaɣ wɛnʋʋ liidiye kɩmaŋ na?
Ɛyaa sakɩyɛ lɩɣ habɛɛ yɔɔ ajɛɛ ndɩ ndɩ taa nɛ palakɩ ñam ñam lakasɩ nɛ pawɩlɩɣ se pa-taa fɛyɩ leleŋ nɛ mulum lakasɩ nzɩ sɩwɛ tɔsʋʋ nʋmɔʋ taa yɔ. COVID-19 kʋdɔŋ sɔsɔʋ yeba nɛ wɛtʋ ndʋ tɩwɛɛ nɛ tɩkpaɣ ɖoŋ kpaʋ yɔɔ. Ɛzɩma ɛyaa taalɩɣ pa-ɖɩsɩ, wondu tɛɖɩɣ-wɛ, nɛ paapɩzɩɣ nɛ pɔcɔŋnɩ po-tomnaɣ taa alaafɩya yɔɔ yɔ, piyeba nɛ tʋkaɣ sɔsɔɔ wɛɛ ñɩm tɩnaa nɛ kʋñɔndɩnaa pɛ-hɛkʋ taa.
Kalaa wena awɛ tɔsʋʋ nʋmɔʋ taa ɛjaɖɛ kpeekpe yɔɔ yɔ, akaɣ sɩʋ tɩnaɣ wiɖiyi? Ɛɛɛ. Bibl yɔɔdʋʋ mbʋ Ɛsɔ kaɣ labʋ nɛ kʋñɔmɩŋ weyi ɖɩkatɩɣ sɔnɔ yɔ ɩsɩɩ tɩnaɣ yɔ, pɩ-tɔm.
Kala wena Ɛsɔ kaɣ yebu nɛ asɩɩ tɩnaɣ tɔsʋʋ nʋmɔʋ taa yɔ
Kaɖɛ: Tɔsʋʋ nʋmɔʋ taa lɛ, ɛyaa tɩla ɖʋtʋ ndʋ tiyeki se paa weyi ɛwɛɛnɩ mbʋ pɩpɔzʋʋ-ɩ yɔ.
Ɛzɩma pakaɣ kaɖɛ nɖɩ ɖi-ɖeɖe cɔnʋʋ yɔ: Ɛsɔ kaɣ lɛɣzʋʋ e-komina ɛyaa komina waa lone taa, nɛ ŋgʋ payaɣ se Ɛsɔ Kewiyaɣ. Kakaɣ wɛʋ ɛsɔdaa nɛ keɖiyi tɛtʋ kpeekpe.—Danɩyɛɛlɩ 2:44; Maatiyee 6:10.
Mbʋ pɩlɩɣ pɩ-taa yɔ: Ɛsɔ Kewiyaɣ kaɣnɩ kɛʋ komina ɛjaɖɛ kpeekpe yɔɔ nɛ kakaɣ cɔnʋʋ ɛyaa kɩcɛyɩm ɖeɖe ɖeyi ɖeyi ɛzɩ pɩpɔzʋʋ yɔ. Ɛyaa ɩɩtasɩɣ kɛʋ kʋñɔndɩnaa wiɖiyi kpa yaa paakaɣ nɩɣzʋʋ mbʋ pɩpɔzʋʋ-wɛ se pacaɣ wezuu yɔ pɩ-yɔɔ. (Keɣa 9A:8-10, 19) Ɛlɛ pakaɣ tɔʋ pe-nesi tɛɛ tʋma yɔɔ nɛ pa-tʋma kaɣ lʋlʋʋ pee sakɩyɛ nɛ pa nɛ pɔ-hɔŋ taa mba pakaɣ nɩʋ wezuu leleŋ. Bibl labɩ tamaɣ se: “Nɛ pakaɣ maʋ ɖɩsɩ nɛ pasʋʋ sɩ-taa nɛ pakaɣ sɔʋ viiñi tɩŋ nɛ pɔtɔɔ i-pee. Paakaɣ maʋ se nɔɔyʋ ɛsʋʋna, paakaɣ tɩŋ sɔʋ se nɔɔyʋ ɛtɔɔna.”—Izaayii 65:21, 22.
Kaɖɛ: Ɛyaa fɛyɩnɩ ɖoŋ nɩɩyɩ wɛtʋ ndʋ tiyeki nɛ panɩɣ siziŋ yaa pɛtɛɖɩɣ mbʋ pɩpɔzʋʋ-wɛ yɔ, tɩ-yɔɔ.
Ɛzɩma pakaɣ kaɖɛ nɖɩ ɖi-ɖeɖe cɔnʋʋ yɔ: Ɛsɔ kaɣ tɩŋnʋʋ e-Kewiyaɣ yɔɔ nɛ eyele nɛ mbʋ payɩ pɩlakɩ nɛ sɔndʋ kpaɣʋ ɛyaa nɛ pa-laŋa maɣ yɔ, pɩsɩɩ tɩnaɣ.
Mbʋ pɩlɩɣ pɩ-taa yɔ: Ɛsɔ Kewiyaɣ tɛɛ lɛ, wɛtʋ ndʋ tiyeki nɛ ɛyaa nabɛyɛ yaa pɔ-hɔʋ taa ñɩma lesiɣ pa-ñɩm yɔ, tɩɩkaɣ tasʋʋ wɛʋ. (Keɣa 45:10; 71:16; Izaayii 33:24) Ɛsɔ tɔm se: “Nɛ mɛ-ɛyaa samaɣ kaɣ wɛʋ laŋhɛzɩyɛ taa nɛ lidaʋ coka tɛɛ nɛ kaalɛyɩtʋ taa.”—Izaayii 32:18.
Kaɖɛ: Ðoŋ ɖoŋ lɛ, ɛyaa mba pɛkɛ piɖeni men-ɖeke tɩnaa nɛ ɛsa naɣ naɣ tɩnaa yɔ pomuluu ɛyaa lalaa.
Ɛzɩma pakaɣ kaɖɛ nɖɩ ɖi-ɖeɖe cɔnʋʋ yɔ: Mba Ɛsɔ Kewiyaɣ kaɣ-wɛ ɖiyuu yɔ pakaɣ kpɛlɩkʋʋ ɛzɩma pawɩlɩ ɛyaa lalaa sɔɔlɩm siŋŋ nɛ pɛɖɛzɩ pɛ-kɛzɛsɩ nɔɔ yɔ.—Maatiyee 22:37-39.
Mbʋ pɩlɩɣ pɩ-taa yɔ: Ɛsɔ Kewiyaɣ tɛɛ lɛ, paa weyi ɛkaɣ maɣzɩnʋʋ Ɛsɔ sɔɔlɩm; sɔɔlɩm mbʋ, “pɩɩñɩnɩɣ pɩ-maɣmaɣ pɩ-kɛzɛsɩ.” (1 Kɔrɛntɩ mba 13:4, 5) Bibl yɔɔdʋʋ se: “Paakaɣ tasʋʋ labʋ kɩdɛkɛdɩm nɛ paakaɣ tasʋʋ kʋʋ man-pʋʋ kiɖeɖeu yɔɔ, mbʋ pʋyɔɔ yɔ patɩlɩ [Yehowa] a tɛtʋ kpeekpe taa camɩyɛ, ɛzɩ lɩm wadʋʋ pɔɔ taa yɔ.”—Izaayii 11:9.
Bibl wɩlɩɣ se ɖɩwɛ ɛjaɖɛ kɩdɛkɛdɩyɛ ɖɩnɛ ɖɩ-kɛdɛzaɣ kɩyakɩŋ taa nɛ piileɖiɣ lɛ, Ɛsɔ kaɣ yebu nɛ kala wena payɩ ɛyaa katɩɣ tɔsʋʋ nʋmɔʋ taa yɔ asɩɩ tɩnaɣ. b (Keɣa 11:6) Pʋcɔ nɛ tamaɣ ŋga kala lɛ, Bibl paɣtʋ kila pɩzɩɣ nɛ asɩnɩ-ŋ nɛ ŋlʋbɩnɩ kala wena ŋkatɩɣ tɔsʋʋ nʋmɔʋ taa lɛɛlɛɛyɔ yɔ. Kɩɖaʋ nakʋyʋ yɔ: Kalɩ tɔm ñʋŋ “Ɛzɩma ɖɩpɩzɩɣ ɖɩcaɣ wezuu ye ɖɩwɛ tanɩm taa yɔ?” nɛ “L’argent et vous.”
a Bibl taa lɛ, Ɛsɔ payaɣ se Yehowa yaa Yahve.—Ejipiti Lɩʋ 3:15.
b Pɩsa nɛ ŋtɩlɩ mbʋ pʋyɔɔ ŋpɩzɩɣ nɛ ŋtaa Bibl taa tɔm liu lɛ, kalɩ tɔm ñʋʋ “Bibl kɛ takayaɣ ŋga kɔyɔɔdʋʋ toovenim yɔ.”
Kalɩ ɖɔɖɔ....
FEŊUU TILIMIYE
Ɛbɛ Ɛsɔ Kewiyaɣ kaɣ labʋ?
Yesu nawa se Ɛsɔ Kewiyaɣ ɖeke kaɣnɩ yebu nɛ kʋñɔmɩŋ weyi ɩwɛ tɛtʋ yɔɔ yɔ ɩsɩɩ tɩnaɣ. Ɛbɛ Ɛsɔ Kewiyaɣ tɛm labʋ nɛ pɩhaɣ-ɖʋ lidaʋ?
BIBL MASƖ SƖNƐ SƖ-TƆBƲƲ LƐ SUWE?
Maatiyee 6:34 tɔbʋʋ nɩʋ—«Ɩtaanɩɣzɩ cee yɔɔ»
Yesu taañɩnɩɣ yɔɔdʋʋ se pɩfɛyɩ se ɖɩla ɖʋtʋ natʋyʋ cee yɔɔ.
