Politiki laɖaa mba pɛfɛyɩ toovenim yɔ pa-lakasɩ yeba nɛ pitii ɛyaa yɔɔɔ alɩwaatʋ sakɩyɛ, nɛ lɛɛlɛɛyɔ lɛ ɛyaa sɔɔlaa se pɛwɛɛnɩ komina ñʋndɩnaa mba papɩzɩɣ nɛ pataa-wɛ liu yɔ. Palabɩ akɔnta nakʋyʋ kedeŋa hɔɔlɩŋ sakɩyɛ taa nɛ posusi kɩ-taa tɔm pɩnaɣ 2023 taa. Akɔnta ŋgʋ kɩwɩlaa se komina ñʋndɩnaa kɛnɩ mba ɛyaa sakɩyɛ ɩɩkɩlɩɣ taʋ liu yɔ. a

 Bibl yɔɔdʋʋ komina nakʋyʋ tɔm, nɛ komina ŋgʋ kɩ-ñʋʋdʋ kɛ weyi ɛwɛ toovenim nɛ papɩzɩɣ nɛ pataa-ɩ liu tam yɔ. Komina ŋgʋ lɛ Ɛsɔ Kewiyaɣ nɛ kɩ-Ñʋʋdʋ lɛ Yesu Krɩstʋ.—Izaayii 9:7.

 Yesu tɩŋnɩ ɛ-lakasɩ yɔɔ nɛ ɛwɩlɩ se ɛmaɣzɩɣ ɛyaa kɩcɛyɩm yɔɔ siŋŋ. (Maatiyee 9:35, 36) Ɛkɛ Ɛsɔ Kewiyaɣ Wiyaʋ nɛ piileɖiɣ lɛ, ɛkaɣ kɔnʋʋ siɣsiɣ wɛtʋ nɛ laŋhɛzɩyɛ mba payɩ petisiɣ se eɖiyi-wɛ yɔ pɔ-yɔɔ.—Keɣsi 72:12-14.