HATƲ CABƖ takayaɣ kanɛ ka-kaɖʋwa tɩkɛna se kasɩnɩ-ŋ nɛ ŋnɩɩ mbʋ payɩ pɩ-yɔɔ Yehowa Aseɣɖe Tɩnaa tisiɣ yɔ pɩ-taa. Ɛlɛ ɖɩñaɣ pana se ɖɩlɩzɩ paɣtʋ kila wena a-yɔɔ Yehowa Aseɣɖe Tɩnaa tisiɣ yɔ a-taa naayɛ taa, nɛ ɖɩwɩlɩ kpayɩ kpayɩ hɔʋ ŋgʋ kɩwɛnɩ ɖoŋ ño-sukulibɩɣa yɔɔ ye ka-lʋlɩyʋ kʋɖʋm yaa pa-naalɛ pɛkɛ Yehowa Aseɣɖe Tɩnaa yɔ.

Yehowa Aseɣɖe Tɩnaa ñakɩ pana siŋŋ se pe-piya ɩɖɛɛnɩ ɛsɩndaa taa fezuu taa nɛ pɩ-tɔm cɛyɩ pɛ-ɛsɩndaa kpem. Nɛ pa-taa tɛma se alɩwaatʋ ndʋ sɩpɩɣ fezuu taa yɔ, pɩsɩɣnɩ-sɩ nɛ sɩpɩɩ hɔɔlɩŋ lɛɛŋ taa ɖɔɖɔ. Mbʋ pɩ-yɔɔ petisiɣ yɔ nɛ paɣtʋ kila wena a-yɔɔ pɔɖɔŋ yɔ piyeki nɛ pe-wezuu caɣʋ wɛɛnɩ tɔbʋʋ nɩʋ nɛ pɩsɩɣnɩ-wɛ se palʋbɩnɩ kala wena pakatɩɣ paa evemiye nɖɩ yɔ. Pɩtasɩ lɛ mbʋ pʋyɔɔ petisiɣ nɛ paɣtʋ kila wena a-yɔɔ pɔɖɔŋ yɔ pɩwɛɛ se piseɣti-wɛ nɛ pañaɣ pana se pɛkɛ sukulibiya kɩbanzɩ nɛ ɛyaa kɩbama pe-wezuu caɣʋ kpeekpe.

Aseɣɖe Tɩnaa ñakɩ pana se pɛwɛɛnɩ lɩmaɣza kɩbana wezuu caɣʋ yɔɔ, nɛ pʋyɔɔ lɛ sukuli labʋ tɔm cɛyɩ pɛ-ɛsɩndaa siŋŋ. Pʋyɔɔ lɛ pañɩnɩɣ kpem se pañaɣ pana ɛzɩma papɩzɩɣ yɔ nɛ ña nɛ wɛ ɩkpɛndɩ nɛ ɩla tʋmɩyɛ nɔɔ kʋɖʋmaɣ taa. Yehowa Aseɣɖe Tɩnaa kaɣ wobu pɩ-yɔɔ nɛ peseɣtiɣ pe-piya pa-ɖɩsɩ taa nɛ pa-Kpaamɩŋ taa ɛjaɖɛ kpeekpe yɔɔ se sɩla mbʋ pɩpɔzʋʋ yɔ nɛ pɩsa nɛ nɔɔ kʋɖʋmaɣ ŋga kɛɖɛɛnɩ ɛsɩndaa.