TƆM KƖKPƐLƖKƖTƲ 14
Ɛzɩma pɩwɛɛ se ɖɩsɛɛ Ɛsɔ nɛ pɩkɛdɩnɩ-ɩ?
Ɛzɩ ɖɩnaʋ tɔm kɩkpɛlɩkɩtʋ ndʋ tɩɖɛwa yɔ tɩ-taa yɔ, pɩtɩkɛ Ɛsɔ sɛtʋ agbaa tɩŋa tɔm kɛdɩnɩnɩ Ɛsɔ. Paa mbʋ yɔ, ɖɩpɩzɩɣ nɛ ɖɩsɛɛ ɖa-Lɩzɩyʋ ɛzɩ ɛsɔɔlʋʋ yɔ nɛ pɩha-ɩ taa leleŋ. «Ɛsɔ sɛtʋ ndʋ [yaa Ɛsɔ sɛtʋ ɛgbɛyɛ]» nɖɩ tɔm kɛdɩɣnɩ-ɩ? (Yakubu 1:27) Iyele nɛ ɖɩna tɔm ndʋ Bibl wɩlɩɣ yɔ.
1. Ɛbɛ pɩwɛɛ se pɩkɛ ɖɛ-Ɛsɔ sɛtʋ tigiɖe?
Bibl pɩwɛɛ se kɩkɛ ɖɛ-Ɛsɔ sɛtʋ tigiɖe. Yesu heyi Ɛsɔ adɩma naayɛ taa se: «Ñɔ-tɔm kɛ toovenim.» (Yohanɛɛsɩ 17:17) Ɛsɔ sɛtʋ agbaa naayɛ ɩɩlakɩnɩ tʋmɩyɛ toovenim tɔm ndʋ Ɛsɔ fezuu ɖiyaa nɛ pama Bibl taa yɔ. Akpaɣ ɛyaa wɩlɩtʋ nɛ pɔ-sɔnzɩ tɔm nɛ alɛɣzɩ toovenim tɔm ndʋ ti-lone taa. Mba «pɛkɛzɩɣ Ɛsɔ paɣtʋ hɔɔlʋʋ» yɔ, pɔ-tɔm ɛɛkɛdɩɣnɩ Yehowa. (Kalɩ Maarɩkɩ 7:9.) Ɛlɛ ye ɖɩkalɩɣ Bibl nɛ ɖɩlakɩnɩ kɩ-lɔŋ tasʋʋ tʋmɩyɛ yɔ, ɖɔ-tɔm kɛdɩɣnɩ Ɛsɔ.
2. Ɛzɩma pɩwɛɛ se ɖɩsɛɛ Yehowa?
Yehowa kɛnɩ ɖa-Lɩzɩyʋ nɛ pʋyɔɔ lɛ, e-ɖeke pɩmʋnaa se ɖɩsɛɛ. (Natʋ 4:11) Pʋ-tɔbʋʋ lɛ se pɩwɛɛ se ɖɩsɔɔlɩ-ɩ nɛ ɖɩsɛɛ e-ɖeke koŋ nɛ pɩfɛyɩ se ɖɩlabɩnɩ tʋmɩyɛ sɩʋ kpelisi nɛ kɩlɛmɩŋ ɖɛ-Ɛsɔ sɛtʋ taa.—Kalɩ Izaayii 42:8.
Pɩpɔzʋʋ se ɖɛ-Ɛsɔ sɛtʋ ɛkɛ ‘kiɖeɖetu nɛ tɩkɛdɩnɩ’ Yehowa. (Roma mba 12:1) Pʋ-tɔbʋʋ lɛ se pɩwɛɛ se ɖe-wezuu caɣʋ ɛla nɔɔ kʋɖʋmaɣ nɛ paɣtʋ ndʋ ɛɖʋwa pɩlɩɩnɩ wezuu kɩbaŋʋ caɣʋ yɔɔ yɔ. Kɩɖaʋ nakʋyʋ yɔ: Mba pɔsɔɔlɩ Yehowa yɔ, pañaŋ paɣtʋ ndʋ ɛɖʋ nesi ɖɔkʋʋ hɔɔlʋʋ taa yɔ. Nɛ peseɣ ɖɔɖɔ lakasɩ kɩdɛkɛdɩsɩ ɛzɩ sɩgaa ñɔʋ, tabakʋʋyaɣ ñɔʋ nɛ sʋlʋm kpaŋʋʋ mbʋ yɔ. a
3. Ɛbɛ yɔɔ pɩwɛɛ se ɖa nɛ Krɩstʋ ñɩma lalaa ɖɩkpɛndɩ nɛ ɖɩsɛɛ Yehowa?
Kediɣzisi nzɩ ɖɩlakɩ kpɩtaʋ taa yɔ, sɩhaɣ-ɖʋ waɖɛ se ‘ɖɩsa Yehowa samaɣ taa yaa ɛgbɛyɛ taa.’ (Keɣa 111:1, 2) Nʋmɔŋ weyi ɩ-yɔɔ ɖɩtɩŋɩɣna nɛ ɖɩlakɩ mbʋ yɔ, ɩ-taa lɛɛkʋ lɛ samtʋ hendu ndʋ ɖiteɣ Ɛsɔ yɔ. (Kalɩ Keɣa 104:33) Yehowa pɔzʋʋ-ɖʋ se ɖiwolo kediɣzisi mbʋ pʋyɔɔ yɔ, ɛsɔɔlɩ-ɖʋ nɛ ɛnawa se kediɣzisi sɩɣnɩ-ɖʋ se ɖɩnɩɩ wezuu leleŋ tam. Ða nɛ ɖo-koobiya ɖikpeɣliɣ lɛ, pakpazɩɣ-ɖʋ ɖoŋ nɛ ɖa ɖɔɖɔ ɖɩkpazɩɣ-wɛ ɖoŋ.
TAZƖ NƐ PILIMI
Tazɩ nɛ ŋna mbʋ pʋyɔɔ Yehowa tɩsɔɔlɩ se palabɩnɩ tʋmɩyɛ sɩʋ kpelisi ɛ-sɛtʋ taa yɔ. Ŋkaɣ naʋ ɖɔɖɔ nʋmɔŋ sɔsɔŋ weyi ɩ-yɔɔ ɖɩpɩzɩɣ ɖɩtɩŋna nɛ ɖɩsa Ɛsɔ nɛ ɖɩsɛɛ-ɩ yɔ.
4. Pɩfɛyɩ se ɖɩlabɩnɩ tʋmɩyɛ sɩʋ kpelisi ɖɛ-Ɛsɔ sɛtʋ taa
Ɛzɩma ɖɩlaba nɛ ɖɩna se lakasɩ nzɩ sɩɩkɛdɩɣnɩ Ɛsɔ? Ɩcɔnɩ VIDEO, nɛ pʋwayɩ lɛ ɩtazɩ tɔm tʋnɛ tɩ-taa.
-
Bibl alɩwaatʋ taa, Ɛsɔ sɛyaa nabɛyɛ ñɩnaɣ se patɩŋnɩ sɩʋ kpelisi yɔɔ nɛ pɛsɛɛ-ɩ lɛ, ɛbɛ laba?
Ɛyaa nabɛyɛ maɣzɩɣ se sɩʋ kpelisi sɩɣnɩ-wɛ se pɔñɔtɩnɩ Ɛsɔ nɛ pɩkɩlɩ. Ɛlɛ toovenim taa lɛ, ɛzɩ piiposuu-wɛ kiposuu nɛ Ɛsɔ? Ɩkalɩ Ejipiti lɩʋ 20:4-6 nɛ Keɣa 106:35, 36; nɛ pʋwayɩ lɛ ɩtazɩ tɔm tʋnɛ tɩ-taa:
-
Wondu ndʋ yaa kɩlɛmɩŋ weyi ɛyaa lakɩnɩ tʋmɩyɛ pɛ-Ɛsɔ sɛtʋ taa?
-
Yehowa maɣzɩɣ suwe wondu ndʋ tɩ-yɔɔ?
-
Nɛ ña yɔ, ŋmaɣzɩɣ suwe tɩ-yɔɔ?
5. Ye ɖɩsɛɣ Yehowa ɖeke yɔ, pɩlɩzɩɣ-ɖʋ cɛtɩm yomiye taa
Ye ɖɩsɛɣ Yehowa ɛzɩ ɛsɔɔlʋʋ yɔ, ɛzɩma pɩpɩzɩɣ nɛ pɩlɩzɩ-ɖʋ cɛtɩm yomiye taa? Ɩcɔnɩ VIDEO.
Ɩkalɩ Keɣa 91:14, nɛ pʋwayɩ lɛ ɩtazɩ tɔm tʋnɛ tɩ-taa:
-
Ye ɖɩwɩlaa se ɖɩsɔɔlɩ Yehowa nɛ ɖɩsɛɣ e-ɖeke yɔ, ɛlabɩ-ɖʋ tamaɣ se ɛkaɣ-ɖʋ labʋ we?
6. Ðɩsɛɣ Yehowa ɛgbɛyɛ taa kediɣzisi taa
Ðiwoki kediɣzisi lɛ, ɖiteɣ hendu nɛ ɖicosuu tɔm nɛ ɖɩsaŋnɩ Yehowa nɛ ɖɩkpazɩɣ ɖama ɖoŋ. Ɩkalɩ Keɣa 22:22, nɛ pʋwayɩ lɛ ɩtazɩ tɔm tʋnɛ tɩ-taa:
-
Ŋnɩɣ lalaa cosuu tɔm kediɣzisi taa lɛ, pɩkɛdɩɣnɩ-ŋ?
-
Ŋsɔɔlaa se ŋñɔɔzɩ ña-tɩ nɛ ŋcosi tɔm kediɣzisi taa?
7. Yehowa sɔɔlaa se ɖɩyɔɔdɩ tɔm ndʋ ɖɩkpɛlɩkɩɣ yɔ tɩ-tɔm
Ðɩpɩzɩɣ nɛ ɖɩtɩŋnɩ nʋmɔŋ ndɩ ndɩ yɔɔ nɛ ɖiheyi lalaa tɔm ndʋ ɖɩkpɛlɩkɩɣ Bibl taa yɔ. Ɩkalɩ Keɣsi 9:1 nɛ 34:1, nɛ pʋwayɩ lɛ ɩtazɩ tɔm tʋnɛ tɩ-taa:
-
Toovenim tɔm ndʋ ŋkpɛlɩkɩ Bibl taa yɔ, tɩ-taa ndʋ ŋsɔɔlaa se ŋkɛdɩ nɔɔyʋ?
NABƐYƐ YƆƆDƲƲ SE: «Ñɩtɩ nɛ ŋwɛɛ Ɛsɔ sɛtʋ ɛgbɛyɛ naɖɩyɛ taa, ŋhikiɣ ñʋʋ yabʋ.»
-
Suwe ñamaɣzɩɣ?
TOBI LƐ
Ye ɖɩsɛɣ ɖa-Lɩzɩyʋ ɖeke, ɖɩsaŋɩ-ɩ kediɣzisi taa nɛ ɖiheyiɣ lalaa tɔm ndʋ ɖɩkpɛlɩkɩɣ yɔ, ɖɔ-tɔm kɛdɩɣnɩ-ɩ.
Tɔm taa tazʋʋ
-
Le Ɛsɔ heyi-ɖʋ ɛzɩma pɩwɛɛ se ɖɩsɛɛ-ɩ nɛ pɩkɛdɩnɩ-ɩ yɔ?
-
Ɛbɛ yɔɔ pɩwɛɛ se ɖɩsɛɛ Yehowa ɖeke koŋ?
-
Ɛbɛ yɔɔ pɩwɛɛ se ɖa nɛ mba pɔsɔɔlaa se pɔ-tɔm ɩkɛdɩnɩ Ɛsɔ yɔ ɖikpeɣliɣ?
WONDU LƐƐTƲ
Tɔm ñʋʋ «Je ne suis plus esclaves des idoles» kɛdɩɣ ɛzɩma halʋ nɔɔyʋ pɩzaa nɛ ɛlɩɩ sɩɩnaa latʋ yomiye taa yɔ.
«La Bible transforme des vies» (La Tour de Garde, 1er juillet, 2011)
Kalɩ nɛ ŋna mbʋ pɩpɩzɩɣ nɛ pɩsɩnɩ-ŋ nɛ ŋcosi tɔm ɛgbɛyɛ taa kediɣzisi taa yɔ.
Cɔna nɛ ŋna ɛzɩma ɛgbɛyɛ taa kediɣzisi wazɩ pɩɣa evelaɣ nakɛyɛ paa pɩtaawɛɛ-kɛ kɛlɛʋ se kowoki kediɣzisi nzɩ yɔ.
Ɛyaa sakɩyɛ maɣzɩɣ se kaamaŋgaɣ kɛ Krɩstʋ mba wonuu nakʋyʋ, ɛlɛ ɛzɩ pɩpɔzʋʋ se ɖɩlabɩnɩ-kʋ tʋmɩyɛ ɖɛ-Ɛsɔ sɛtʋ taa?
«Ɛbɛ yɔɔ Yehowa Aseɣɖe Tɩnaa ɩɩlakɩnɩ tʋmɩyɛ kaamaŋgaɣ pɛ-Ɛsɔ sɛtʋ taa?» (Intɛrnɛɛtɩ yɔɔ tɔm ñʋʋ)
a Ðɩkaɣ tazʋʋ lakasɩ nzɩ sɩ-taa, tɔm ñʋŋ weyi ɩwɛnɩ ɛsɩndaa yɔ ɩ-taa nɩɩyɩ taa.
Kalɩ ɖɔɖɔ....
TƆM NDƲ ƐYAA PƆZƲƲ ÐOŊ ÐOŊ ÐƆ-YƆƆ YƆ
Ɛbɛ Bibl kpɛlɩkʋʋ kɛnaa?
Ŋpɩzɩɣ ŋlabɩnɩ tʋmɩyɛ paa Bibl ŋgʋ alɩwaatʋ ndʋ ña nɛ Yehowa Aseɣɖe Tɩnaa ɩkpɛlɩkɩɣ Bibl yɔ. Ŋpɩzɩɣ ŋyaa ñɔ-hɔʋ taa mba tɩŋa yaa ña-taabalaa mba ŋsɔɔlaa yɔ se pɔkɔɔ nɛ ña nɛ wɛ ɩkpɛlɩkɩ Bibl.
