TƆM KƖKPƐLƖKƖTƲ 46
Ɛbɛ yɔɔ pɩwɛɛ se ŋha ña-tɩ Ɛsɔ nɛ pamɩyɩsɩ-ŋ lɩm?
Ŋhaɣ ña-tɩ Ɛsɔ alɩwaatʋ ndʋ ŋtɩmɩɣ nɛ ŋheyi-i se e-ɖeke ŋsɛɣ nɛ ɛ-sɔɔlɩm labʋ kaɣnɩ cɛyʋʋ ñe-wezuu caɣʋ taa nɛ pɩkɩlɩ yɔ. (Keɣa 40:8) Pʋwayɩ lɛ, pamɩyɩsɩɣ-ŋ lɩm nɛ paa weyi ɛna se ŋkpaɣ ña-tɩ nɛ ŋha Ɛsɔ. Lɩmaɣza sɔsɔna wena ŋkaɣ kpaɣʋ ñe-wezuu caɣʋ taa yɔ a-taa payɩ lɛ, nɖɩ ɖɩ-tɔm kɩlɩ cɛyʋʋ yɔ, nɖɩ lɛ se ŋkpaɣ ña-tɩ nɛ ŋha Yehowa. Pɩkɛ lɩmaɣzɩyɛ sɔsɔɖɛ nɖɩ ɖɩkaɣ lɛɣzʋʋ ñe-wezuu caɣʋ yɔ. Ɛbɛ pɩwɛɛ se piseɣti-ŋ nɛ ŋkpaɣ lɩmaɣzɩyɛ nɖɩ?
1. Ɛbɛ seɣtiɣ ɛyʋ se ɛkpaɣ ɛ-tɩ nɛ ɛha Ɛsɔ?
Sɔɔlɩm seɣtiɣni-ɖʋ se ɖɩkpaɣ ɖa-tɩ nɛ ɖɩha Yehowa. (1 Yohanɛɛsɩ 4:10, 19) Bibl seɣtiɣ-ɖʋ se: «Pɩwɛɛ se ŋsɔɔlɩ ñɛ-Ɛsɔ Yehowa nɛ ña-laŋɩyɛ pilim, nɛ ña-kalɩzaɣ pilim, nɛ ña-maɣzɩm pilim nɛ ño-ɖoŋ pilim.» (Maarɩkɩ 12:30) Pɩtɩkɛ ɖɔ-yɔɔdaɣ ɖeke yɔɔ ɖɩtɩŋɩɣna nɛ ɖɩwɩlɩɣ se ɖɩsɔɔlɩ Ɛsɔ ɛlɛ ɖɩtɩŋɩɣnɩ ɖɔɖɔ ɖa-lakasɩ yɔɔ nɛ ɖɩwɩlɩɣ se ɖɩsɔɔlɩ-ɩ. Ye halʋ nɛ abalʋ pɔsɔɔlɩ ɖama toovenim yɔ, piseɣtiɣ-wɛ se pɔɖɔkɩ nesi, mbʋ ɖɔɖɔ sɔɔlɩm mbʋ ɖɩsɔɔlɩnɩ Yehowa yɔ piseɣtiɣ-ɖʋ se ɖɩha-ɩ ɖa-tɩ nɛ pamɩyɩsɩ-ɖʋ lɩm.
2. Wala wena Yehowa haɣ ɛ-Aseɣɖe Tɩnaa mba pamɩyɩsɩ-wɛ lɩm yɔ?
Alɩwaatʋ ndʋ pamɩyɩsɩɣ-ŋ lɩm yɔ, ŋsʋʋ Yehowa hɔʋ ŋgʋ kɩwɛ koboyaɣ taa yɔ kɩ-taa. Pɩhaɣ-ŋ waɖɛ nɛ ŋna ɛzɩma ɛwɩlɩɣ-ŋ sɔɔlɩm hɔɔlɩŋ ndɩ ndɩ taa yɔ. Piyeki nɛ ŋñɔtɩnɩ-ɩ nɛ pɩkɩlɩ. (Kalɩ Malakii 3:16-18.) Pɩtasɩna se Yehowa pɩsɩɣ ña-Caa lɛ, ŋkaɣ wɛnʋʋ ɖɔɖɔ koobiya halaa nɛ abalaa mba pɔsɔɔlɩ-ɩ nɛ pɔsɔɔlɩ-ŋ ɖɔɖɔ yɔ ɛjaɖɛ kpeekpe yɔɔ. (Kalɩ Maarɩkɩ 10:29, 30.) Ɛlɛ pɩpɔzʋʋ se ŋkpɛzɩ nɩŋgbanzɩ nasɩyɩ pʋcɔ nɛ pamɩyɩsɩ-ŋ lɩm. Pɩpɔzʋʋ se ŋkpɛlɩkɩ nɛ ŋtɩlɩ Yehowa, ŋsɔɔlɩ-ɩ nɛ ŋwɛɛnɩ tisuu ɛ-Pɩyalʋ yɔɔ. Kɛdɛzaɣ ɖeɖe lɛ, pɩpɔzʋʋ se ŋha ña-tɩ Yehowa. Ye ŋkpɛzɩ nɩŋgbanzɩ nzɩ nɛ pamɩyɩsɩ-ŋ lɩm yɔ, pɩwɩlɩɣ se ŋpaɣzɩ ɖɔm nʋmɔʋ ŋgʋ kɩkaɣ yebu nɛ ŋnɩɩ wezuu leleŋ tam yɔ kɩ-taa. Ðɩkalɩɣ Ɛsɔtɔm taa se: «Lɩm mɩyɩsʋʋ mbʋ . . . pɩyakɩ mɩ-ñʋʋ ɖɔɖɔ lɛɛlɛɛyɔ.»—1 Pɩyɛɛrɩ 3:21.
TAZƖ NƐ PILIMI
Tazɩ nɛ ŋna mbʋ pʋyɔɔ pɩcɛyaa se ŋha ña-tɩ Yehowa nɛ pamɩyɩsɩ-ŋ lɩm yɔ.
3. Pɩpɔzʋʋ se ɖa-taa paa weyi lɛ ɛlɩzɩ weyi ɛsɔɔlaa se ɛsɛɣ yɔ
Caanaʋ taa Izrayɛɛlɩ ɛjaɖɛ taa, nabɛyɛ maɣzaɣ se papɩzɩɣ nɛ pɛsɛɛ Yehowa nɛ pɛtɛ pɛsɛɛ ɖɔɖɔ cɛtɩm ɛsɔ Baalɩ. Ɛlɛ Yehowa tiyi ɛ-nayʋ Eliya se ɛlɛ ɛñɔɔzɩ pa-lɩmaɣza. Ɩkalɩ 1 Awiya 18:21, nɛ pʋwayɩ lɛ ɩtazɩ tɔm tʋnɛ tɩ-taa:
-
Lɩmaɣza wena pɩɩwɛɛ se Izrayɛɛlɩ mba ɩkpaɣ?
Ɛzɩ Izrayɛɛlɩ mba yɔ, pɩpɔzʋʋ se ɖa ɖɔɖɔ ɖɩlɩzɩ weyi ɖɩsɔɔlaa se ɖɩsɛɣ yɔ. Ɩkalɩ Luka 16:13, nɛ pʋwayɩ lɛ ɩtazɩ tɔm tʋnɛ tɩ-taa:
-
Ɛbɛ yɔɔ ɖɩɩpɩzɩɣ nɛ ɖɩsɛɛ Yehowa nɛ ɖɩtɛ ɖɩsɛɛ ɖɔɖɔ nɔɔyʋ yaa nabʋyʋ?
-
Ɛzɩma ɖɩpɩzɩɣ nɛ ɖɩwɩlɩ Yehowa se ɛnʋ ɖɩlɩzaa se ɖɩsɛɣ?
4. Maɣzɩ sɔɔlɩm mbʋ Yehowa wɛnɩ ñɔ-yɔɔ yɔ pɩ-yɔɔ
Yehowa labɩ-ɖʋ kʋjɔŋ kɩbaŋ sakɩyɛ. Kʋjɔʋ ŋgʋ ɖɩpɩzɩɣ nɛ ɖɩlabɩ-ɩ? Ɩcɔnɩ VIDEO.
Nʋmɔŋ weyi ɩ-yɔɔ Yehowa tɩŋɩɣna nɛ ɛwɩlɩɣ-ŋ ɛ-sɔɔlɩm? Ɩkalɩ Keɣa 104:14, 15 nɛ 1 Yohanɛɛsɩ 4:9, 10; nɛ pʋwayɩ lɛ ɩtazɩ tɔm tʋnɛ tɩ-taa:
-
Kʋjɔŋ weyi Yehowa labɩ-ŋ yɔ ɩ-taa lɛ, ŋgʋ kɩlɩ-ŋ kɛdɩnʋʋ?
-
Kʋjɔŋ ɛnɩ iyeba nɛ ŋwɛɛnɩ lɩmaɣza wena Yehowa yɔɔ?
Ye palabɩ-ɖʋ kʋjɔʋ nakʋyʋ nɛ kɩ-tɔm kɛdɩnɩ-ɖʋ toovenim yɔ, ɖɩñɩnɩɣ se ɖɩwɩlɩ ɖɛ-ɛsɩmɩyɛ weyi ɛlabɩ-ɖʋ kʋ yɔ. Ɩkalɩ Wayɩ Wayɩ Paɣtʋ 16:17, nɛ pʋwayɩ lɛ ɩtazɩ tɔm tʋnɛ tɩ-taa:
-
Ŋmaɣzɩɣ mbʋ payɩ Yehowa labɩ-ŋ yɔ pɩ-yɔɔ lɛ, ɛbɛ piseɣtiɣ-ŋ se ŋla?
5. Ye ŋha ña-tɩ Yehowa yɔ, ŋhikiɣ wazasɩ sakɩyɛ
Ɛyaa sakɩyɛ maɣzɩɣ se hɩɖɛ sɛʋ, tʋmɩyɛ kɩbanɖɛ yaa liidiye yekina nɛ pehiɣ koboyaɣ. Pɩkɛ toovenim na? Ɩcɔnɩ VIDEO, nɛ pʋwayɩ lɛ ɩtazɩ tɔm tʋnɛ tɩ-taa.
-
Pombo maɖʋ weyi pɔyɔɔdɩ ɛ-tɔm video taa yɔ, ɛɛsɔɔlɩ pombo mabʋ tɔm. Paa mbʋ yɔ, ɛbɛ yɔɔ eyebi tʋmɩyɛ nɖɩ?
-
Ɛkpaɣ lɩmaɣzɩyɛ se Yehowa tɔm ɛkɩlɩnɩ cɛyʋʋ e-wezuu caɣʋ taa, pɩtaakɛ pombo. Ŋmaɣzɩɣ se ɛkpaɣ lɩmaɣzɩyɛ kɩbanɖɛ na? Ɛbɛ yɔɔ?
Pʋcɔ nɛ apostoloo Pɔɔlɩ pɩsɩɣ Krɩstʋ tʋ lɛ, ɛñɩnaɣ se ɛla tʋmɩyɛ sɔsɔɖɛ naɖɩyɛ. Ɛkpɛlɩkɩ Yuuda mba paɣtʋ, wɩlɩyʋ sɔsɔ nɔɔyʋ cɔlɔ. Ɛlɛ eyebi pɩtɩŋa payɩ se pɩsa nɛ ɛpɩsɩ Krɩstʋ tʋ. Ɛzɩ ɛkɔma nɛ ekpiɖi pɩ-yɔɔ pʋwayɩ? Ɩkalɩ Filiipi mba 3:8, nɛ pʋwayɩ lɛ ɩtazɩ tɔm tʋnɛ tɩ-taa:
-
Ɛbɛ yɔɔ Pɔɔlɩ yɔɔdaa se mbʋ payɩ ɛɛlaba pʋcɔ nɛ ɛpɩsɩɣ Krɩstʋ tʋ yɔ, pɩwɛ «ɛzɩ mbʋ pɔlɔ huɖe yɔɔ yɔ»?
-
Kɛzɛɣa ŋga ehiɣ pi-lone taa?
-
Ŋmaɣzɩɣ se Yehowa sɛtʋ nɛ tʋmɩyɛ naɖɩyɛ yem labʋ pɛ-hɛkʋ taa lɛ, ɛbɛ pɩzɩɣ nɛ pɩha-ŋ koboyaɣ nɛ pɩkɩlɩ?
Pɔɔlɩ pɩsɩ Krɩstʋ tʋ lɛ, mbʋ ehiɣaa yɔ pɩcɛzɩ mbʋ elesaa yɔ pɩdɩɩfɛyɩ.
NABƐYƐ YƆƆDƲƲ SE: «Pɩtɩcɛyɩ se ɛyʋ ɛkpaɣ ɛ-tɩ nɛ ɛha Ɛsɔ.»
-
Ɛbɛ yɔɔ ŋmaɣzɩɣ se pɩmʋnaa se ŋha ña-tɩ Yehowa?
TOBI LƐ
Sɔɔlɩm seɣtiɣni-ɖʋ se ɖɩha ɖa-tɩ Yehowa nɛ pamɩyɩsɩ-ɖʋ lɩm.
Tɔm taa tazʋʋ
-
Ɛbɛ yɔɔ Yehowa mʋnaa se ɖɩsɛɛ-ɩ nɛ sɔɔlɩm nɛ laŋɩyɛ pilim?
-
Ɛzɩma Yehowa wazɩɣ mba pamɩyɩsɩ-wɛ lɩm nɛ pɛkɛ ɛ-Aseɣɖe Tɩnaa yɔ?
-
Ŋsɔɔlaa se ŋkpaɣ ña-tɩ nɛ ŋha Yehowa?
WONDU LƐƐTƲ
Cɔnɩ video nɛ ŋna mbʋ pʋyɔɔ hendu teyu nɔɔyʋ nɛ pombo maɖʋ nɔɔyʋ palɩzaa se pahaɣ pa-tɩ Yehowa yɔ.
Piya evelisi pɔzʋʋ pa-tɩ se—Ɛbɛ mankaɣ labʋ me-wezuu caɣʋ taa?—Mbʋ palaba pɩɖɛɛ yɔ (6:54)
Kalɩ nɛ ŋna lɩmaɣza lɛɛna wena a-yɔɔ pɩpɔzʋʋ se ŋha ña-tɩ Ɛsɔ yɔ.
«Pourquoi se vouer à Jéhovah?» (La Tour de Garde, 15 janvier 2010)
Cɔnɩ video nɛ ŋna ɛzɩma mba paha pa-tɩ Yehowa yɔ, pɛwɛ taa leleŋ taa yɔ.
Kalɩ tɔm ñʋʋ «Pendant des années, je me suis demandé pourquoi on existe» nɛ ŋna mbʋ piseɣti halʋ nɔɔyʋ nɛ ɛtazɩ mbʋ pɩ-tɔm kɩlɩ cɛyʋʋ ɛ-ɛsɩndaa yɔ pɩ-taa yɔ.
«La Bible transforme des vies» (La Tour de Garde, 1er novembre 2012)
Kalɩ ɖɔɖɔ....
TƆM NDƲ ƐYAA PƆZƲƲ ÐOŊ ÐOŊ ÐƆ-YƆƆ YƆ
Ɛbɛ Bibl kpɛlɩkʋʋ kɛnaa?
Ŋpɩzɩɣ ŋlabɩnɩ tʋmɩyɛ paa Bibl ŋgʋ alɩwaatʋ ndʋ ña nɛ Yehowa Aseɣɖe Tɩnaa ɩkpɛlɩkɩɣ Bibl yɔ. Ŋpɩzɩɣ ŋyaa ñɔ-hɔʋ taa mba tɩŋa yaa ña-taabalaa mba ŋsɔɔlaa yɔ se pɔkɔɔ nɛ ña nɛ wɛ ɩkpɛlɩkɩ Bibl.
