HƆƆLƲƲ 3
Kpaɣnɩ Ejipiti lɩʋ nɛ piwolo Izrayɛɛlɩ kajalaɣ wiyaʋ alɩwaatʋ
Moyizi lɩzɩ Izrayɛɛlɩ piya Egipiti yomiye taa nɛ ewoni-wɛ Sinayii Pʋʋ cɔlɔ. Peeɖe Ɛsɔ ha-wɛ ɛ-paɣtʋ. Pʋwayɩ lɛ, Moyizi tiyi ɛyaa 12 se powolo pɔcɔŋ Kanaŋ tɛtʋ. Nɛ papɩsaa pɔkɔɔ lɛ, pa-taa 10 kɛdɩ tɔm kɩdɛkɛdɩtʋ tɛtʋ ndʋ tɩ-yɔɔ nɛ samaɣ paɣzɩ wiu se kapɩsɩɣ Egipiti. Mbʋ labɩna nɛ Yehowa hɔ pa-nɩŋgbaaŋ nɛ ɛtɔ se poyotuu kañɩmbusuu taa pɩnzɩ 40; mbʋ pʋyɔɔ yɔ pataawɛnɩ tisuu ɛ-yɔɔ.
Pʋwayɩ lɛ, Ɛsɔ lɩzɩ Yosue se ɛsʋnɩ Izrayɛɛlɩ piya Kanaŋ tɛtʋ taa. Yehowa sɩnɩ-sɩ pɩtɩŋnɩ maamaaci lakasɩ sakɩyɛ yɔɔ nɛ papɩzɩ pamʋ tɛtʋ ndʋ Kanaŋ mba nesi tɛɛ. Ɛlabɩ Yɔrdaŋ Pɔɔ lɩm yele kpem, Yeriikoo kolonzi tɔlɩ nɛ wɩsɩ sɩŋ si-ɖeɖe kɩyakʋ pilim. Pɩnzɩ loɖo wayɩ lɛ, pamʋ tɛtʋ ndʋ tɩ-tɩŋa Kanaŋ mba nesi tɛɛ.
Yosue nɛ tɔm hʋyaa lɛlaa pɔcɔnɩ Izrayɛɛlɩ piya yɔɔ pɩnzɩ 356. Ðɩkɔŋ kpɛlɩkʋʋ pa-taa sakɩyɛ ɛzɩ Baraakɩ, Gideyɔɔ, Yeftee, Samsɔɔ nɛ Samɩyɛɛlɩ yɔ, pɔ-tɔm. Ðɩkɔŋ naʋ ɖɔɖɔ halaa nabɛyɛ ɛzɩ Rahaabɩ, Debora, Yayɛɛlɩ, Ruti, Nawomii nɛ Daliila yɔ, pɔ-tɔm. Mbʋ mbʋ pɔyɔɔdʋʋ pɩ-tɔm Hɔɔlʋʋ NAADOZO taa yɔ, pɩkpɛndɩ pɩnzɩ 396.
HƆƆLƲƲ KƲNƐ KƖ-TAA
KƐDAƔ 38
Cɔŋɩyaa 12
Pa-taa hiu yɔɔdɩ tɔm kʋɖʋmtʋ ɛlɛ naalɛ ñɔyɔɔdɩ ndʋ tɩwɛ ndɩ yɔ. A-tɔm yɔɔ izrayɛɛlɩ mba tisiɣ?
KƐDAƔ 39
Aarɔɔnɩ ɖaʋ kpaɣ hɛtʋ
Ɛzɩma ɖaʋ ŋgʋ kɩwɩlaa kɩpɩzɩɣ nɛ kɩkpaɣ hɛtʋ nɛ kɩlʋlɩ pee wena apɩwa yɔ ɖoo kʋyʋma taa?
STORY 41
Ðʋm weyi palabɩnɩ ñɩɣyʋʋ kɩsɛmʋʋ yɔ
Ɛbɛ yɔɔ Ɛsɔ tiyi ɖʋmaa mba pɛwɛ sɔtʋ yɔ se pañasɩ Izrayɛɛlɩ mba?
KƐDAƔ 48
Gabaɔŋ mba lɛɣtʋ
Pepeɣzi Yozuwee nɛ Izrayɛɛlɩ mba nɛ paba la tamaɣ, ɛlɛ pɔɖɔm pa-tamaɣ yɔɔ.
KƐDAƔ 50
Halaa naalɛ mba pɛwɛ abalɩtʋ yɔ
Baaraakɩ ɖiyini Izrayɛɛlɩ sɔɔjanaa nɛ ewoni you taa, ye mbʋ ɛbɛ yɔɔ pɛcɛlɩɣ Yayɛɛlɩ samtʋ?
KƐDAƔ 55
Abalɩbɩɣa cikpelaɣ lakɩ Ɛsɔ tʋmɩyɛ
Ɛsɔ tɩŋnɩ pɩɣa Samɩyɛɛlɩ yɔɔ nɛ eheyi tɔm sɔsɔtʋ Cɔjɔ Sɔsɔ Elii.
