HƆƆLƲƲ 5
Kpaɣnɩ Babilɔɔnɩ yomiye nɛ puwolo Yeruzalɛm kolonzi maʋ
Izrayɛɛlɩ piya kaawɛ Babilooni lɛ, pɩtakɩ pe-tisuu sakɩyɛ. Paapɛɖɩ Sadraakɩ, Mesaakɩ nɛ Abɛdɩnego miŋ momoɖe naɖɩyɛ taa, ɛlɛ Ɛsɔ lɩzɩ-wɛ ɖɩ-taa. Pʋwayɩ Meedii nɛ Pɛrsɩ mba wabɩ Babilooni lɛ, pakpa Danɩyɛɛlɩ pɛpɛɖɩ mʋʋzɩŋ pɔʋ taa, ɛlɛ Ɛsɔ huuzi mʋʋzɩŋ nɔsɩ nɛ ɛlɩzɩ-ɩ pɩ-taa.
Pɩkɔma lɛ, Pɛrsɩ wiyaʋ Siiruusi yele Izrayɛɛlɩ piya se sɩpɩsɩ sɩ-ɛjaɖɛ taa. Kpaɣnɩ pɩnaɣ ŋga pakpaɣ-wɛ nɛ pɛɖɛnɩ Babilooni yomiye taa nɛ pɩkɔɔ pɩtalɩ alɩwaatʋ ndʋ papɩsɩ pɛ-tɛ yɔ, pɩlabɩ pɩnzɩ 70 ɖeyi ɖeyi. Papɩsɩ Yerusalɛm lɛ, mbʋ pacalɩ labʋ yɔ lɛ se papaɣzɩ Yehowa kuduyuu maʋ. Ɛlɛ, pɩtɩla pʋyʋ lɛ, koyindinaa sɩnzɩ pa-tʋmɩyɛ. Pɩ-yɔɔ pɩlabɩ pɩnzɩ 22 pʋcɔ nɛ pɛtɛ Ɛsɔ kuduyuu maʋ.
Pʋwayɩ ɖɩkpɛlɩkɩɣ ɛzɩma Ɛzra kʋyaa nɛ ɛpɩsɩ Yerusalɛm se ɛñɔɔzɩ Ɛsɔ kuduyuu yɔ. Pɛtɛm Ɛsɔ kuduyuu maʋ nɛ pɩla ɛzɩ pɩnzɩ 47 pʋcɔ nɛ Ɛzra wolo nʋmɔʋ ŋgʋ. Ɛzra kɔm nɛ pɩla pɩnzɩ 13 lɛ, Nehemiya sɩnɩ-ɩ nɛ pakʋsɩ Yerusalɛm kolonzi nzɩ paayɔkaa yɔ. Mbʋ mbʋ pɔyɔɔdʋʋ pɩ-tɔm Hɔɔlʋʋ KAGBANZƖ taa yɔ, pɩkpɛndɩ pɩnzɩ 152.
HƆƆLƲƲ KƲNƐ KƖ-TAA
KƐDAƔ 77
Pekizaa se paaluŋuu
Abalaa panɛ pa-naadozo pɛwɛnɩ ñamtʋ, ɛzɩ Ɛsɔ kaɣ pa-ñʋʋ yabʋ miŋ momoɖe taa?
KƐDAƔ 79
Danɩyɛɛlɩ wɛ mʋʋzɩŋ pɔʋ taa
Pakʋ Danɩyɛɛlɩ tɔm se ɛmʋnɩ sɩm, ɛlɛ ɛzɩ ɛpɩzaɣ se ɛlɩɩ pɩ-taa?
KƐDAƔ 80
Ɛsɔ samaɣ kʋyɩ Babilɔɔnɩ
Pɛrɩsɩ Wiyaʋ Siiruusi yeba nɛ natʋ natʋyʋ la alɩwaatʋ ndʋ ewoba nɛ eyooni Babilɔɔnɩ yɔ nɛ lɛɛlɛɛyɔ ɖɔɖɔ, ɛɖaɣnɩ yebu nɛ natʋ lɛɛtʋ la.
KƐDAƔ 82
Mɔrɩdekayɩ nɛ Ɛstɛɛrɩ
Abiɖe Vasɩti kaaɖewa, ɛlɛ Wiyaʋ Asiyeruusi lɛɣzɩ e-lone taa Ɛstɛɛrɩ nɛ ɛlɛ pɩsɩ abiɖe kɩfaɖɛ. Ɛbɛ yɔɔ?
KƐDAƔ 83
Yeruzalɛm kolonzi
Alɩwaatʋ ndʋ tʋmlaɖaa wɛ kolonzi maʋ tʋmɩyɛ yɔɔ yɔ, pɩwɛɛ se pɔɖɔkɩ pa-sɩsɩ nɛ pɔ-tɔŋ wɩsɩ taa nɛ ɖoo taa.
