ƐZƖ Linda yɔ, wiɖiyi ño-koobu nɔɔyʋ lakasɩ nasɩyɩ ɖʋ-ŋ ɖɩwɩzɩyɛ na? Pɩlabɩ pʋtɔdɩyɛ se nabɛyɛ yeba nɛ po-koobiya lakasɩ nasɩyɩ ɖʋ-wɛ ɖɩwɩzɩyɛ nɛ peyele labʋ fezuu taa tʋma ɛzɩ ɖooo lɛ yɔ. Wiɖiyi pɩtalɩ-ŋ mbʋ?

Pɩpɩzɩɣ nɛ pɩlabɩ-ɖʋ kaɖɛ se ɖikpeɣ ɖo-koobu weyi ɛɖʋ-ɖʋ ɖɩwɩzɩyɛ yɔ. Toovenim taa lɛ, pɩcɛyaa se Krɩstʋ mba ɩsɔɔlɩ ɖama. (Yohanɛɛsɩ 13:34, 35) Wɩzasɩ nzɩ ɖɩnɩɣ alɩwaatʋ ndʋ ɖo-koobu maɣmaɣ ɖʋʋ-ɖʋ ɖɩwɩzɩyɛ yɔ sɩ-wayɩ fɛyɩ.—Keɣa 54:13, 14.

Ɛlɛ Bibl yɔɔdaa se nabʋyʋ taa Krɩstʋ tʋ ‘nɔɔyʋ taa pɩzɩɣ nɛ pɩwɛɛnɩ lɛlʋ.’ (Koloosi mba 3:13) Paa mbʋ yɔ, ye wɛtʋ ndʋ tɩtalɩ ɖa-maɣmaɣ na yɔ, pɩpɩzɩɣ nɛ pɩwɛɛ-ɖʋ kaɖɛ se ɖɩlʋbɩnɩ-tʋ. Ɛbɛ pɩzɩɣ nɛ pɩsɩnɩ-ɖʋ nɛ ɖɩlʋbɩnɩ wɛtʋ ndʋ? Iyele nɛ ɖɩtazɩ Bibl paɣtʋ kila naadozo anɛ a-taa:

Ðajaa weyi ɛwɛ ɛsɔdaa yɔ, ɛnaɣ mbʋ payɩ pɩlakɩ yɔ. Yehowa naɣ mbʋ payɩ pɩlakɩ yɔ, pɩkpɛndɩnɩ mulum lakasɩ nzɩ sɩ-taa ɖɩwɛɛ yɔ nɛ wɩzasɩ nzɩ ɖɩnɩɣ yɔ. (Ebree mba 4:13) Kɔzɩ kɔzɩ lɛ, alɩwaatʋ ndʋ ɖɩlakɩ kʋñɔŋ yɔ, Yehowa nɩɣ ɖe-siziŋ. (Izaayii 63:9) Ɛɛkaɣ yebu se “kʋñɔŋ yaa siziŋ nɩʋ” yaa nabʋyʋ ‘ɩyasɩ-ɖʋ nɛ ɛ-sɔɔlɩm;’ halɩ pɩkpɛndɩnɩ koobu nɔɔyʋ lakasɩ. (Roma mba 8:35, 38, 39) Pʋyɔɔ lɛ, ɖa ɖɔɖɔ ɖitaayele nɛ nabʋyʋ yaa nɔɔyʋ yasɩ ɖa nɛ Yehowa ɖɛ-hɛkʋ taa.

Kpaɣʋ nɛ kpeɣu wɛ ndɩ nɛ ɛyʋ huuzuu ɛsa kɩwɛɛkɩm yɔɔ yɔ. Ye ɖikpeɣ mba paɖʋʋ-ɖʋ ɖɩwɩzɩyɛ yɔ, pɩtɩwɩlɩ se ɖɩmaɣzɩɣ se mbʋ palabɩ-ɖʋ yɔ, pɩtɩlɩɩ pʋyʋ; pɩtɩkɛ kɩwɛɛkɩm sɔsɔm yaa pɩtɩwɩlɩ se ɖa-taa wɛ leleŋ nɛ pa-lakasɩ nzɩ. Tɔzɩ se Yehowa taa ɛɛlakɩ leleŋ nɛ kɩwɛɛkɩm kpa, ɛlɛ ye kɩwɛɛkɩm laɖʋ ekpiɖaa yɔ, ekpeɣ-i. (Keɣa 102:12, 13; Habakuuki 1:13) Yehowa ñɩnɩɣ se ɖɩmaɣzɩnɩ-ɩ pʋyɔɔ eseɣtiɣ-ɖʋ se ɖikpeɣ lalaa. “Ɛɛcakɩnɩ nɔɔyʋ tam.”—Keɣa 102:9; Maatiyee 6:14.

Ye ɖɩɩcakɩnɩ lalaa yɔ, pɩwazɩɣ ɖa-maɣmaɣ. Ɛzɩma tɩyɛ? Ðɩkpaɣ kɩɖaʋ kʋnɛ: Kpaɣ se ŋɖɔkɩ pɩyɛ nɖɩ ɖɩtɩkɩlɩ yuŋ yɔ ñe-nesi taa. Pɩtʋʋ fɛyɩ se ŋkaɣ pɩzʋʋ nɛ ŋɖɔkɩ pɩyɛ nɖɩ ñe-nesi taa alɩwaatʋ pazɩ. Ɛlɛ ye ŋɖɔkɩ-ɖɩ mbʋ alɩwaatʋ sakɩyɛ yɔ, ɛbɛ kaɣ labʋ? Alɩwaatʋ ɛzɩma ŋkaɣ pɩzʋʋ nɛ ŋɖɔkɩ-ɖɩ mbʋ? Cɛcɛsɩ pazɩ na? Ñɩɣyʋʋ kʋɖʋmʋʋ na? Yaa pɩcɛzɩɣ mbʋ? Pɩtʋʋ fɛyɩ se alɩwaatʋ wɛɛ nɛ tɩɖɛɣ lɛ, pɩkaɣ nɩʋ ñe-nesi siŋŋ. Toovenim, pɩyɛ nɖɩ ɖɩ-yuŋ tɩlɛɣzɩ. Ɛlɛ alɩwaatʋ wɛɣ nɛ tɩɖɛɣ lɛ, pɩyɛ nɖɩ ɖɩwɛɣ yuŋ ñe-nesi taa nɛ pɩkɩlɩ. Ye ɖɩcakɩnɩ lalaa yɔ, mbʋ pɩlakɩ ɖɔɖɔ. Ye ɖɩcaɣnɩ nɔɔyʋ yɔ, alɩwaatʋ wɛɣ nɛ tɩɖɛɣ lɛ, pɩkɔŋnɩ-ɖʋ kaɖɛ nɛ pɩkɩlɩ. Ye mbʋ Yehowa wɛnɩ toovenim se  eheyi-ɖʋ se ɖɩtaacaɣnɩ lalaa. Toovenim, ye ɖɩɩcakɩnɩ lalaa yɔ, pɩwazɩɣ ɖa-maɣmaɣ.—Aduwa 11:17.

Ɛbɛ sɩnɩ Linda nɛ eyele caɣnʋʋ e-koobu weyi ɛ-lakasɩ ɖʋ-ɩ ɖɩwɩzɩyɛ yɔ? Mbʋ pɩsɩnɩ-ɩ yɔ pɩ-taa lɛɛbʋ yɔ: Ɛkpaɣ alɩwaatʋ nɛ ɛmaɣzɩ masɩ nzɩ siseɣtiɣ-ɖʋ se ɖɩkpaɣ nɛ ɖikpeɣ yɔ sɩ-yɔɔ. (Keɣa 129:3, 4) Kɔzɩ kɔzɩ lɛ, Linda kpaɣ nɛ ekpeɣ mbʋ pʋyɔɔ yɔ, ɛnawa se ye ɖikpeɣ lalaa yɔ, Yehowa kpakɩɣ nɛ ekpeɣ-ɖʋ ɖɔɖɔ. (Efɛɛzɩ mba 4:32–5:2) Lɩmaɣza kɩbana ana apɩzaa nɛ asɩnɩ Linda, pʋyɔɔ ɛyɔɔdaa se: “Pɩlakaɣ-m ɛzɩ Yehowa maɣmaɣ wɛna nɛ ɛyɔɔdʋʋnɩ-m yɔ.”

Linda kɔm nɛ eyele caɣnʋʋ e-koobu. Ɛkpaɣ nɛ ekpeɣ-i nɛ lɛɛlɛɛyɔ lɛ pa-naalɛ pɛkɛ taabalaa kɩbama. Linda wobi pɩ-yɔɔ nɛ ɛsɛɣ Yehowa. Ña-taa pɩzɩɣ nɛ pɩtɛ se Yehowa kaɣ-ŋ sɩnʋʋ mbʋ ɖɔɖɔ.