ƐZƖMA ÐƖPƖZƖƔ NƐ ÐƖPAƔZƖ KƐDAƔ YƆ
TƆM KƖKPƐLƖKƖTƲ 3
La kɩbandʋ
Paɣtʋ kiɖe: «Sɔɔlɩm [lakɩ] kɩbandʋ.»—1 Kɔr. 13:4.
Mbʋ Yesu laba yɔ
1. Cɔnɩ VIDEO, yaa kalɩ Yohanɛɛsɩ 9:1-7. Pʋwayɩ lɛ ŋmaɣzɩ tɔm tʋnɛ tɩ-yɔɔ:
-
Ɛbɛ Yesu calɩ labʋ? Ɛcalɩ waʋ abalʋ yʋlʋm ɛnʋ yaa tɔm kɩbandʋ ɛcalɩ-ɩ susuu?—Cɔnɩ Yoh. 9:35-38.
Ɛbɛ ɖɩkpɛlɩkɩɣ Yesu kɩɖaʋ taa?
2. Ye ɛyʋ eɖiɣzinaa se ɖɩmaɣzɩɣ ɛ-yɔɔ yɔ, pɩpɩzɩɣ piyele nɛ ɛsɔɔlɩ se ewelisi tɔm ndʋ ɖisusuu yɔ.
Maɣzɩnɩ Yesu
3. Nɩɩ ɛyʋ ɛnʋ e-siziŋ. Ñaɣ pana nɛ ŋnɩɩ ɛzɩma pɩlakɩ-ɩ yɔ pɩ-taa.
-
Pɔzɩ ña-tɩ se: «Pɩtɩla ɛbɛ kɛ ɛ-kɩcɛyɩm? Ɛbɛ pɩzɩɣ pɩsɩnɩ-ɩ? Nɛ ɛbɛ pɩzɩɣ nɛ pɩkɛdɩnɩ-ɩ?» Ye ŋlakɩ mbʋ yɔ, pɩpɩzɩɣ pɩsɩnɩ-ŋ nɛ ŋla kɩbandʋ nɛ laŋɩyɛ faaa.
-
Ye ɛyʋ nɔɔyʋ ɛyɔɔdʋʋnɩ-ŋ yɔ, welisini-i camɩyɛ nɛ ɛna se ŋmaɣzɩɣ mbʋ pɩcɛyɩɣ-ɩ yɔ pɩ-yɔɔ. Ye eheyiɣ-ŋ lɩmaɣza wena ɛwɛnɩ wɛtʋ natʋyʋ yɔɔ yɔ yaa eheyiɣ-ŋ kaɖɛ nɖɩ ɛwɛɛ nɛ ɛkatɩɣ yɔ ɖɩ-tɔm yɔ, taalɛɣzɩ kɛdaɣ.
4. Yɔɔdɩnɩ nɔɔ kɩbaŋa nɛ ñamtʋ. Ɛzɩma ŋyɔɔdʋʋnɩ ɛyʋ ɛnʋ yɔ, pɩkaɣ yebu nɛ eɖiɣzina se ŋnɩɣ e-siziŋ nɛ ŋsɔɔlɩ siŋŋ se ŋsɩnɩ-ɩ. Yɔɔdɩnɩ nɔɔ kɩbaŋa nɛ ŋlɩzɩ tɔm pee wena ŋlakɩnɩ tʋmɩyɛ yɔ camɩyɛ. Kpa ña-tɩ nɛ ŋtaayɔɔdɩ tɔm ndʋ tɩpɩzɩɣ nɛ tɩɖʋ-ɩ ɖɩwɩzɩyɛ yɔ.
5. Sɩnɩ lalaa. Ñɩnɩ nʋmɔŋ weyi ɩ-yɔɔ ɖeyi ɖeyi ŋpɩzɩɣ ŋtɩŋna nɛ ŋsɩnɩ ɛyʋ ɛnʋ yɔ. Ye ɖɩlakɩ ɛyaa kɩbandʋ yɔ, pɩpɩzɩɣ piyele nɛ pɔsɔɔlɩ se ɖa nɛ wɛ ɖɩla kɛdaɣ.
