Cɛtɩm: Yehowa Aseɣɖe Tɩnaa ɩɩtɔkɩ Paska mbʋ pʋyɔɔ yɔ patɩkɛ Krɩstʋ mba.

 Toovenim tɔm: Ðitisiɣ se Yesu kɛnɩ ɖa-ñʋʋ yaɖʋ, nɛ ɖɩñakɩ pana nɛ ‘ɖɩtɩŋ ɛ-nɩŋgbanzɩ taa ɖeyi ɖeyi.’—1 Pɩyɛɛrɩ 2:21; Luka 2:11.

Cɛtɩm: Iitisiɣ se pefezi Yesu nɛ sɩɖaa taa.

 Toovenim tɔm: Ðitisiɣ Yesu femtu yɔɔ, nɛ ɖɩnawa se Krɩstʋ ñɩma tisuu tigiɖe lɛ, nɛ ɖɩñɩkɩɣ ɖɔɖɔ niye tɩ-yɔɔ ɖɔ-tɔm susuu taa.—1 Kɔrɛntɩ mba 15:3, 4, 12-15.

Cɛtɩm: Iiyeki se mi-piya ɩnɩɩ Paska kazandʋ leleŋ.

 Toovenim tɔm: Ðɩsɔɔlɩ ɖe-piya pɩdɩɩfɛyɩ nɛ ɖɩkpakɩɣ ɖa-alɩwaatʋ nɛ ɖɩfalɩsɩɣ-sɩ nɛ ɖɩsɩɣnɩ-sɩ se sihiɣ taa leleŋ si-wezuu caɣʋ taa.—Tiiti 2:4.

•   Paska kazandʋ tɩlɩɩnɩ Bibl taa.

•   Yesu ɖʋ-ɖʋ paɣtʋ se ɖɩtɔzʋʋ ɛ-sɩm yɔɔ, pɩtɩkɛ e-femtu yɔɔ. Ðɩlakɩ Yesu sɩm yɔɔ tɔzʋʋ sɔnzɩ paa pɩnaɣ ŋga, kɩyakʋ ŋgʋ Bibl wɩlɩɣ se palabɩ-sɩ yɔ kɩ-yɔɔ.—Luka 22:19, 20.

•   Ðɩnawa se Paska kazandʋ lɩnɩ caanaʋ sɔnzɩ nzɩ sɩɩnaa layaa lakaɣ se lʋlʋʋ ehuu yɔ sɩ-cɔlɔ, pʋyɔɔ lɛ, tɩɩkɛdɩɣnɩ Ɛsɔ. Yehowa heyiɣ-ɖʋ se ɛkɛ Ɛsɔ weyi «ɛñɩnɩɣ se pɔñɔɔnɩ e-ɖeke koŋ yɔ» nɛ ɛtɩsɔɔlɩ se ɖisidiɣ sɛtʋ ndʋ ɖɩhaɣ-ɩ yɔ nɛ lakasɩ nzɩ sɩɩkɛdɩɣnɩ-ɩ yɔ.—Ejipiti Lɩʋ 20:5; 1 Awiya 18:21.

 Ðɩɩpɩtɩɣ se lɩmaɣza wena ɖɩkpaɣaa se ɖɩɩtɔkɩ Paska kazandʋ yɔ, alabɩ nɔɔ kʋɖʋmaɣ nɛ Bibl wɩlɩtʋ. Bibl seɣtiɣ-ɖʋ se ɖɩtaatɩŋɩɣ ɛyaa sɔnzɩ yem, ɛlɛ ɖɩlabɩnɩ tʋmɩyɛ «lɔŋsɩnɖɛ nɖɩ ɖɩwazɩɣ yɔ nɛ lɛɣtʋ ndʋ tɩsɩɣnɩ ɛyʋ se ɛmaɣzɩ ɛ-ñʋʋ taa camɩyɛ yɔ.» (Aduwa 3:21; Maatiyee 15:3) Ðiheyiɣ ɛyaa lalaa lɩmaɣza wena ɖɩwɛna pɩlɩɩnɩ Paska yɔɔ yɔ alɩwaatʋ ndʋ pɔpɔzʋʋ-ɖʋ tɔm yɔ, ɛlɛ ɖɩñaŋ ɖɔɖɔ waɖɛ nɖɩ paa weyi ɛwɛna se ɛla mbʋ ɛsɔɔlaa yɔ.—1 Pɩyɛɛrɩ 3:15, 16.