«Susi tɔm kɩbandʋ!»
2024 Yehowa Aseɣɖe Tɩnaa kigbeɣluu
Ŋŋhɛyɩɣ pʋcɔ nɛ ŋsʋʋ • Paacɔʋ liidiye
Lɩmaɣza sɔsɔna
Kemeɣa: Ŋkaɣ naʋ mbʋ pɩwɩlɩɣ se tɔm kɩbandʋ ndʋ Evaŋgilimwaa kɛdɩ Yesu yɔɔ yɔ tɩlabɩ nɔɔ kʋɖʋmaɣ keekee nɛ Yesu wezuu caɣʋ yɔ. Ŋkaɣ naʋ ɛzɩma Bibl kɛdɛsɩ nzɩ sɩpɩzɩɣ sɩwazɩ-ŋ ñe-wezuu caɣʋ taa sɔnɔ yɔ.
Mazaɣ: Suwe natʋ tɔm kaayɔɔdɩ Yesu lʋlʋʋ nɛ ɛ-pɩjatʋ yɔɔ? Nɛ natʋ tɔm ndʋ tɩlabɩ toovenim na?
Kujuka: Tɔm yɔɔdʋʋ mbʋ pɩ-ñʋʋ kɛ «Mbʋ pʋyɔɔ sɔɔndʋ ɛɛkpaɣ-ɖʋ nɛ tɔm kɩdɛkɛdɩtʋ nɩʋ yɔ» pɩ-taa, ŋkaɣ naʋ mbʋ pʋyɔɔ paa sɔnɔ tɔm kɩdɛkɛdɩtʋ ɛtɔyɩ ɛjaɖɛ yɔɔ yɔ, sɔɔndʋ ɛɛkpaɣ ɛyaa miiliyɔɔ sakɩyɛ nɛ cee wayɩ yɔ.
Filim
Yesu yɔɔ tɔm kɩbandʋ: Hɔɔlʋʋ 1
Ɛjaɖɛ ñalɩmɩyɛ toovenim ñɩnɖɛ
Piti lakasɩ nasɩyɩ yɔɔ pɩtɩŋnaa nɛ palʋlɩ Yesu, nɛ piti lakasɩ lɛɛsɩ sakɩyɛ tasɩ labʋ ɛ-lʋlʋʋ wayɩ. Wiyaʋ kañatʋ tʋ nɔɔyʋ ñɩnaɣ se ɛkʋ-ɩ lɛ ɛ-lʋlɩyaa kpaɣ-ɩ nɛ pɛɖɛɛ Ejipiti. Pʋwayɩ ɛ-tɔm ɖɩɣzɩ ɛ-alɩwaatʋ taa tɔm wɩlɩyaa sɔsaa nabɛyɛ. Pakaɣ pɩtɩŋa mbʋ yɔ nɛ tɔm lɛɛtʋ ɖɔɖɔ tɔm yɔɔdʋʋ hɔɔlɩŋ naalɛ tɛ filim ŋgʋ pakaɣ wɩlʋʋ Kemeɣa wiye nɛ Mazaɣ wiye yɔ kɩ-taa.
Cɔnɩ videowaa panɛ, pɔyɔɔdʋʋ pɩnaɣ kanɛ ke-kigbeɣluu tɔm
Ɛbɛ palakɩ ɖe-kigbeɣliŋ sɔsɔŋ taa?
Cɔna nɛ ŋna mbʋ palakɩ Yehowa Aseɣɖe Tɩnaa kigbeɣliŋ taa yɔ.
2024 Yehowa Aseɣɖe Tɩnaa kigbeɣluu: «Susi tɔm kɩbandʋ!»
Na mbʋ pɩ-tɔm ɖɩkaɣ yɔɔdʋʋ pɩnaɣ kanɛ ke-kigbeɣluu taa yɔ.
Filim taa lɩmaɣza sɔsɔna: Yesu yɔɔ tɔm kɩbandʋ
Ɛyaa sakɩyɛ sɩm piti lakasɩ nzɩ sɩ-yɔɔ pɩtɩŋnaa nɛ palʋlɩ Yesu yɔ. Ɛlɛ ɛbɛ kaalaba pʋcɔ nɛ palʋlɩ Yesu, nɛ ɛbɛ labɩ ɛ-lʋlʋʋ wayɩ?