Ta wana ili kuti bathu banjinji ba no ngina kereke kale ba no shathila ku lebesana nekwe khani dze Baibili. Ne kwa ka jalo, to hlonipha fanilo nthu ya a nayo ye ku be ne dumilo i si nga fanane ne yedu, kakale a ti to patika bathu ku teedza nlaetsa wedu.

 Ha ti lebesana ne kwe budumili, to gwisa ku tobela gumbuludzo le Baibili le ku ti ti thame ti jalo ne “bunyolo” nenge “kuteta” ungwe nthu. (1 Pita 3:15) To ziba kuti bangwe ba nowo lamba nlaetsa wa ta ka u bata. (Matewu 10:14) Ngono, a ti to khona ziba kuti a bathu ba nowo amuchila kene chini ti sa thu ti ka lebesana nabo. Kakale to ziba kuti zwimo zwe bathu zo shanduka.

 Ku lakidzila, mu zhuba lingwe nthu u nga nna a ka be a ka manikana kwazo kwa a si nga khone lebeleka naswi, ngono iko mu chibaka chingwe eko shathila lebesana naswi. Kakale bathu ba nga wigwa ne mathatha ne zwimo zwa ba ka fanila lingisana nazo, ngono be be shaka ku hwa nlaetsa we Baibili. Ndizo ti thama kuti ti gwilile ku bathu ku no lebeleka nabo kakale.