Se gole le 2023 li tangisa, tose ta ka lingilila kuti zwithu zwi ti yendile zwibuyanana, iswi ne be misha yedu. Ini ti nga be ne thembo?

 Baibili i no lakidza ndebo mbuya ne kwe kuti mathatha a ti no lingisana nawo ha a to galila cha chose kakale a no dwa e pela. Dumbu, chi mu Baibili “tjakakwaligwa kutidiya, . . . nenge kukulumbidziwa nge hwalo kuti tibe ne kugalabgwe.”—Baroma 15:4.

•   Ku zwidiya kwa ka paphidzika ne kwe thembiso dze Baibili, bala nsholo u noti “A Real Hope for a Better Tomorrow.”

 Thembo i mu Baibili i no fanana ne “midzi ye butjilo gwedu.” (Bahebera 6:19) Thembo iyeyi i nga ti simisa. I nga ti thusa ku mililana ne mathatha a ti nawo ngwenu, ku linga zwithu zwibuyanana ne kube ne ku shatha ku singa pele. Ku lakidzila:

•   Bona sekwa thembo i mu Baibili ya ka batsha nlume wa ka be e gwisana ne ku ngwa kwa ka pindilila. Lingilila vidiyo ye Nda ka be Nda Nyadziwa ne Buchilo Gwangu.

•   Bona sekwa thembo i mu Baibili i nga ti batsha ha ti figwa. Lingilila vidiyo ye Ku Nyaladza ba ka Figwa.

 Bathu banjinji ba no shaka kuti zwithu zwa ka lulwama zwi shingikale, ngono ha ba to themba kuti zowo shingikala. Baibili i no thembesa chi no leyana na ichecho. Ne kutini? Ne kuti thembeso dze Baibili dzo dwa ku na Jehova Ndzimu a iye, “usingatongo nyepa.” (Tito 1:2) Ndi Jehova koga u na masimba e ku shingikadza thembiso dzidze dzose; u nga thama ‘tjimwe ne tjimwe tjaanoda.’—Pisalema 135:5, 6.

 To ku koka ku batshiwa ne thembo i no thembeka i mu Baibili. U nga simisa thembo iyo ne ku “lingisisa mu Hwalo.” (Mishingo 17:11) Zwibonele ichecho ne ku lika nginilila course ye mahala ye ku batshiwa ku zwidiya Baibili. Tangisa 2023 u na thembo!