GALANI MA KA LINDA!
2023: Gole le ku Dziyidzika mu Nkumbulo—Baibili Ikatini?
Mu gole le 2023, zwithu zwi no shingikala mu shango yose zo lakidza chi no legwa ne Baibili iti to chila mu “mazhuba e bupelo.” (2 Timoti 3:1) Bona zwithu zwi no shingikala ngwenu se kwa zwi yendidzana ne cha ka legwa ne Baibili kuti cho shingikala mu nako ya ti no chila mu ili.
Baibili ne zwithu zwi no shingikala mu shango yose
“Ngwa kose ne makwayi e ngwa.”—Matewu 24:6.
“Ku sa wanana ku no pelela ne nghwa pakati kwe bathu ko paphidzika mu ndawo njinji dze shango.” a
Bona misholo “Ndiyani u Nowo Sireletsa Bathu ba si Masole?” ne “Mari a no Shingisiwa mu Chisole mu Shango Yose a no Pinda $2 Trillion.”
“Kutengenyeka kwe shango mu mituthu yakasiyana.”—Mako 13:8.
“Chinga kwe ku tangisa kwe gole le 2023, kwa ka be ne ku tengenyeka kwe shango kuli 13 kwe chilizanyo chi no pinda magnitude 7 shango yose, palo i no pinda dzose dza ka tongo shingikala.” b
“Zwinoshingikala zwinotjisa.”—Luka 21:11.
“Chibaka che ku paphidzika kwe ku pisa mu shango cha chi pela; chibaka che ku pisa kwa ka pindilila cha chi swika.”—António Guterres, UN secretary-general. c
Bona nsholo “Chilimo Chi no Pisa Kwa ka Pindilila mu Shango Yose Che 2023.”
“Kowobe yapo bhamba.”—Matewu 24:7.
“2023: Gole lingwe le mathatha mu na ba si nga khone jisa misha ya bo.” d
Bona nsholo “Ku Thaela Kwe Zojiwa mu Shango Yose ko Paphidziwa ne Ngwa ne ku Shanduka kwe Chimo che Climate ye Shango.”
“Misi yakabangalala.”—2 Timoti 3:1.
“Nthu a li nngopela mu na ba li 8 mu shango yose ba no chila ne bugwele gwe thaloganyo.” e
Ti nga lingilila kuti kowo shingikalani ne 2024?
A kuna u nga ziba dumbu kuti 2024 i no be ya ka tini. Ngono zwi no shingikala mu shango zo lakidza kuti Bushe Gwe Ndzimu, gowo misila bushe gwe shango gu bo gu pedzisa mathatha ose ne ku dziyidzika mu nkumbulo.—Daniele 2:44; Zumbunulo 21:4.
Mu chibaka cha ngwenu, ha ti dziyidzika mu nkumbulo ti nga batshiwa ne Ndzimu. Baibili i noti:
“Ha nditja, ndogalabgwe mu muli.”—Pisalema 56:3.
Ti nga lakidza chini kuti to themba Ndzimu? To ku koka kuti u zwidiye kwa ka paphidzika ne kwe thembiso ye Baibili ino leba ne kwe shango ino be i sina ku dziyidzika. Zwidiye ne kwe course ye ku zwidiya Baibili mahala ku bona se kwa iwe ne be nsha uwo mu nga batshiwa ne ku ziba chi no thembesiwa ne Baibili.
a Foreign Affairs, “A World at War: What Is Behind the Global Explosion of Violent Conflict?” by Emma Beals and Peter Salisbury, October 30, 2023.
b Earthquake News, “Year 2023: Number of Major Earthquakes on Course for Record,” May, 2023.
c United Nations, “Secretary-General’s Opening Remarks at Press Conference on Climate,” July 27, 2023.
d World Food Programme, “A Global Food Crisis.”
e World Health Organization, “World Mental Health Day 2023,” October 10, 2023.
Kakale u Nga Shathila ku Bona
ZWIDIYO ZWE BAIBILI ZWI NO SHETEKA
Bushe gwe Ndzimu i ni?
Mu buchilo gose gwa Jesu gwe ku rera, wa ka diya ne kwe Bushe gwe Ndzimu ku pindisa chingwe ne chingwe cha a ka be e leba ne kwacho. Mu makole manjinji, batobeli babe ba ka tembezelela kuti Bushe igogu gu zhe.
NE KWEDU
Kumbila Kumbiwa
Lebeleka ne kwe buzo ye Baibili, kene zwidiye kunjinji ne kwe Bafakazi ba Jehova.
