GALANI MA KA LINDA!
Nghwa Dze Chipolotiki—Baibili i no Tini?
Nghwa dze chipolotiki dzi zhele mu shango yose.
Ku bulawa kwe mapolotiki a li 39 kwa ka pinda kose kwa ka tongo be po mu dzithopo dze Mexico dze 2023-2024 kwa ka tshusa bathu kwazo.
Europe ya ka be ne dzinghwa dzi njinji dze chipolotiki, kwa ka pelela ne kuti prime minister we Slovakia a shake bulawa ne May 15, 2024.
Ne July 13, United States ya ka tshusiwa ne ku shaka ku bulawa kwa Donald Trump wa ka tongo be president.
Ini ku na nghwa dze chipolotiki dzi ngapangapa? Dzowo pela kene Baibili i no tini?
Ku nyanyayidzana kwe chipolotiki kwa ka lebegwa mbeli
Baibili ya ka lebela mbeli kuti mu chibaka cha ngwenu, ku no dwa “mazhuba e bupelo,” bathu ba njinji ba nowo be ne nkumbulo we ku da nghwa ne ku nyanyayidzana
“Koga uhwisise woku, kowobe nge misi yakabangalala mu mazhuba e bupelo. Ngobe bathu banowobe nge kuzwida ne kuda mari . . . ne kuzwiloba ifuba ne kuzwikudza ne kutukana ne kusahwa bazwadzi babo . . . ne kusatenda ne kusayengemala, . . . ne kusabe nge ludo, . . . ne kusazwiibhatigwana ne kutjinya bamwe mazina ne kusazwiibhata ne kube ne bushongola ne kusada bubuya .”—2 Timoti 3:1-4.
Baibili ya ka lebela mbeli kuti kowo be ne ku sa hwa nlayo kwe bathu be shandukila mibuso mu chibaka ichecho. (Luka 21:9, footnote) Ne kwa ka jalo nghwa dze chipolotiki ne ku nyanyayidzana ha zwi towo galila chose.
Ku pedzisiwa kwe nghwa dze chipolotiki
Baibili i no chenesa kuti Ndzimu u nowo pedzisa mibuso ye bathu e i misila ne bushe gugwe gwe kudzimu.
“Ndzimu we kudzimu u no bumba mbuso . . . U nowo kunda mibuso iyeyo yose u ka i pezdisa, koga iwo u nowo galila cha chose.”—Daniyele 2:44.
Bushe gwe Ndzimu gowo batshanya bathu kuti ku be ne mbakiso mu shango yose.
Mbusi wago, Jesu Kirisiti, u no dangwa “She we Mbakiso,” u nowo thama kuti ku be ne mbakiso i singa pele.”—Izaya 9:6, 7.
Na ngwenu ba no busiwa na igo ba no zwidiya se kwa ba nga chila ne mbakiso. Ndizo Baibili i ti: “Bathu banowothula mathumo abo beathama zwikara zwe mapadza, ne makanu abo bezwithama mipanga inosunulila miti. Itjaba atjitjawosengela tjimwe itjaba mathumo kene kuli kuzwidiyila ngwa.”—Izaya 2:3, 4.
Ku zwidiya kwa ka paphidzika bala nsholo u noti “What Will God’s Kingdom Accomplish?” lingilila video ye Bushe gwe Ndzimu i ni?