Se kwa ta ka bona mu nghwa ye Ukraine, batungamili be dzikereke dze bukirisiti ba no sendedzela bathu kuti be be ne chiabe mu dzinghwa. Bona se kwa bangwe be batungamili ibaba be tola litabi gungwe, bangwe be tola gungwe:

•   Se kwa kwa ka bikiwa mu The Jerusalem Post, March 16, 2022, Metropolitan Epiphanius I ye Kyiv ya ka leba kuti “To teta ne boka kwazo ba no bakilila shango yabo ye Ukraine mu na ba no shaka ku i chinya . . . Towo dwilila ti mu da, ti mu tembezelela, ne ku mu batsha misi yose.”

•   Reuters ye, April 3, 2022 ya ka bika kuti: “Ntungamili we Russian Orthodox Church wa ka yendisa ndongoloso ya ka shalulika ye kereke, e i yendisila masole e Russia ne Sunday kwa a ka ba sendedzela ku bakilila shango yabo, ‘koga sekwa bathu be Russia ba nga thama’ ha Moscow i dwilila ne campaign ye masole ku Ukraine.”

 A Bakirisiti ba ka fanila ku be ne chiabe mu nghwa? Baibili ikatini?

 Baibili i no lakidza kuti ba no tobela Jesu Kirisiti ne malebeswa ha ba to be ne chiabe mu nghwa.

•   “Bgwiliza bukanu gugo mu magalo ago, ngobe bose banoshingisa bukanu banowofa nge bukanu.”—Matewu 26:52.

   Nthu u no dumilila nghwa kene u no gwa mu nghwa, a dumbu u nowo be e hwa matama a Jesu?

•   “Ndomupa nlayo ntshwa nditi, ‘Mudane. Koga sekwa ndakamuda, namwibo mudane.’ Bathu bose banowoziba kuti mu badiyiwa bangu ha mudana.”—Johani 13:34, 35.

   Nthu u no tola litabi mu nghwa, a u nowo be e lakidza ludo Jesu gwa a ka ti badiyiwa kene batobeli babe ba nowo zigwa nago?

 Ku ziba kwaka paphidzika, bala nsholo u noti: “A Ntwa e Tsamaisana le Bokeresete?”

 A ko wika kuti Bakirisiti ba si shanganile mu nghwa ngwenu? Ee. Baibili ya ka lebela mbeli kuti mu nako yedu, chibaka chi no dangwa “mazhuba e bupelo,” kowo be ne bathu ku dwa mu zwichaba zose ba singawo “zwidiyila ngwa,” ku dumilana ne zwidiyo zwa Jesu.—Izaya 2:2, 4.

•   Ku ziba kwa ka paphidzika, bala misholo ye Tora ya Tebelo inoti “Modimo o Leba Ntwa Jang?”

 Chinyolocho, Jehova a “Ndzimu we kunyalala,” u nowo shingisa mbuso uwe we kudzimu ku chidza bathu “mukutshambilidzwa nenge kuhwisiwa zogwadza.”—Bafilipi 4:9; Pisalema 72:14.

•   Ku bona ichecho, lingilila vidiyo inoti Bushe Gwe Ndzimu i ni?