Bathu mu shango yose ba no dzikitadzila ku pisa kwa ka pindilila ku sathu ku ka be po mu makole manjinji ne zwiyetikalo zwi no yendidzana ne ku pisa kwa ka pindilila. Ela njele mbiko dzi no tobela:

•   “June iwoyu ndiwo u no pisa kwazo ku pinda mingwedzi yose chinga kwa bathu kwa ba ka tangisa ku bika chimo che ku pisa kwe zhuba mu shango yose, mu makole a li 174 a ka pinda.”—BeNational Oceanic and Atmospheric Administration, U.S. Department of Commerce, July 13, 2023.

•   “Shango dze Italy, Spain, France, Germany ne Poland dza ka lingisana ne ku pisa ku kulukulu kwazo. Kwa ka lingiligwa kuti dzi-temperature dzi nga na dzi ka bata 48°C mu dzi-island dze Sicily ne Sardinia. Dzi-temperature idzedzi dzi ngabe dzi ka be idzo dzi pezhugwi kwazo ku pinda dza ka tongo bikiwa ku Europe.”—European Space Agency, July 13, 2023.

•   “Ha ku nga dwilila ku pisa mu shango, ku nga lingiligwa kuti kowo be ne vula i no na i li njinji kwazo, i no pelela ne mikubila i no chinya ku kulukulu.”—Stefan Uhlenbrook, director of hydrology, water and cryosphere ku World Meteorological Organization, July 17, 2023.

 A ku bikiwa kunjinji kwe ku pisa ku pezhugwi ko ku tshwenya? Bona kuti Baibili i ka tini ne kwe khani iyeyi i no tshwenya.

 Ee. Ku pisa ku pezhugwi ne zwimo zwingwe zwe wedara zo yendidzana ne zwiyeto zwa ka lebegwa mbeli ne Baibili ne kwe chibaka cha ti no chila mu chili. Ha ti lakidzila, Jesu wa ka porofita kuti towo bona “zwinoshingikala zwinotjisa,” kene “zwi no shingikala zwi no chenamisa.” (Luka 21:11; Good News Translation) Dzi-temperature dzi pezhugwi kwazo mu shango yose dzo thama kuti bathu banjinji ba tshusiwe ne kuti bathu ba nowo chinya shango.

 Aa. Ndzimu wa ka thama kuti shango i be yedu cha chose; ha a nga lechedze kuti bathu ba i chinye. (Pisalema 115:16; Nreri 1:4) Dumbu u no thembesa kuti ‘u nowo chinya ba no chinya shango.’—Zumbunulo 11:18.

 Baibili i no lakidza kuti Ndzimu u nowo bakilila shango kuti i si tongo chinyiwa ne ngozi dze lubumbo.

•   “[Ndzimu] bakadzikamisa dutu, ne matuthu e gungwa akadzikama.” (Pisalema 107:29) Ndzimu u na masimba e ku laula masimba e lubumbo. U na bukhoni gwe ku lulwamisa ngozi dze lubumbo dzi no zhisa wedara dza ka bipa dzi no sokodza bathu.

•   “Mokumba shango mukayidilidzila, moyifumisa kwazo.” (Pisalema 65:9) Ndzimu u nowo segofatsa shango kuti i be paradaisi.

 Ku zwidiya ne kwe thembiso ye Baibili ye ku baakanya shango, bona nsholo u no ti “Who Will Save the Earth?”