Sean Gladwell/Moment via Getty Images
GALANI MA KA LINDA!
Mari a no Shingisiwa mu Chisole mu Shango Yose a no Pinda $2 Trillion—Baibili Ikatini?
Mari a no shingisiwa mu chisole mu shago yose a ka bata 2.24 trillion dollars (U.S.) ne 2022, kwazo kwazo ne ntata ye ku mililana ne ku thasegwa kwe Ukraine ne Russia. Ku yenda ne mbiko ya ka hulugwa ne April 2023 ne be Stockholm International Peace Research Institute (SIPRI) mu gole le 2022:
Mari a no shingisiwa ne chisole che Europe a ka paphidzika ne 13 per cent mu gole ilelo, ikoku ya ka be ku paphidzika ku no pinda kose kwaka shingikala shule kwe chibaka che ngwa ye ku sundana kwe America ne Soviet Union”
“Russia…ya ka paphidza mari ya i no shingisa ne ku nga be 9.2 per cent, ku dwa ku be ye bushano (5) ku no ti ye butatu (3) mu shango dzose dzi no shingisa mari mu chisole
United States i no dwilila ili iyo i no shingisa mari mu chisole ku pinda shango dzose “i no shingisa 39 per cent ye mari a no shingisiwa mu chisole che shango yose”
Dr Nan Tian nkwali we mbiko ye SIPRI wa ka ti: “Ku paphidzika kwe mari a no shingisiwa mu chisole mu makole i yawa, chilakidzilo che ku ti to gala mu shango i sa ka bakilika.
Baibili ya ka lebela mbeli kuti kowo be ne ku sundana pakati kwe mibuso mikulu ye shango yose, ngono Baibili i no senula thembo ye malebeswa ye mbakiso.
Ku paphidzika kwe ngwa ye chisole kwa ka lebegwa mbeli
Baibili i no dana chibaka cha ti no chila mu chili i ti “tjibaka che bupelo.”—Daniele 8:19.
Buka ya Daniele ya ka lebela mbeli kuti mu chibaka ichecho, kowo be ne mibuso i no phalidzana. Mibuso iyeyo i nowo laula shango yose ne “nginililana” (sundana) kene ku gwisana ku laula shango. Ku gwisana ikoku kwe chisole ko shanganyila ku shingisa “golide” injinji kene mari manjinji kwazo—Daniele 11:40, 42, 43.
Ku zwidiya kwaka paphidzika ne kwe buporofiti igogu gu no khata, lingilila vidiyo, Fulfilled Prophecy—Daniel Chapter 11.
Se kwa ku nowo wangwa mbakiso ye malebeswa
Baibili i no leba kuti Ndzimu u nowo dusa mibuso ye bathu. I kati: “Unobamba mbuso usitongoti ulipo ukakolomogwa kene kuli kutogwa nge bamwe bathu. Unowokunda mibuso iyeyo yose ukailobesa, koga iwo unowogalila tjatjose ”—Daniele 2:44.
Jehova a Ndzimu u no dwa e thama chi singa khoniwe ne bathu—ku zhisa mbakiso ye malebeswa. Chini? Bushe gugwe gwe Kudzimu gowo pedzisa zwibayani zose ne phipiti.—Pisalema 46:8, 9.
Ku zwidiya kwa ka paphidzika ne kwe chi nowo thamiwa ne Bushe gwe Ndzimu bala nsholo unoti“ Go Tla Nna le Kagiso fa Bogosi Jwa Modimo bo Busa.’”
a Jehova ndi lo zina le Ndzimu.—Pisalema 83:18.
Kakale u Nga Shathila ku Bona
ZWIDIYO ZWE BAIBILI ZWI NO SHETEKA
Bushe gwe Ndzimu i ni?
Mu buchilo gose gwa Jesu gwe ku rera, wa ka diya ne kwe Bushe gwe Ndzimu ku pindisa chingwe ne chingwe cha a ka be e leba ne kwacho. Mu makole manjinji, batobeli babe ba ka tembezelela kuti Bushe igogu gu zhe.
ZWIDIYO ZWE BAIBILI ZWI NO SHETEKA
Bushe Gwe Ndzimu Gwa ka Tangisa ku Busa ne 1914
Mu makole a no pinda 2 600 a ka pinda, Ndzimu wa ka thama kuti she una masimba a wolote, ngono mawoloto iyawo a no shingikala ngwenu.
ZWIDIYO ZWE BAIBILI
Tangisa Course Yedu ye ku Zwidiya Baibili
Amuchila zwidiyo zwe ku batshana ku zwidiya Baibili ne nngwe.
