Ndebo ye lubengo, bugebenga gu na lubengo, ku gwisa bathu be ludzi gu poga, ne ngwa ndidzo dzikhani dza ngwenu.

•    “Ngwa ye Israel ne Gaza ne bathu ba no pindilidza zwithu, zwa ka thama kuti ndebo ye lubengo i legwe kwazo mu social media.”​—The New York Times, November 15, 2023.

•    “Chinga kwa kwe October 7, kwa ka be ne ku paphidzika kwe lubengo, ndebo ye lubengo ne bugebenga gu na lubengo mu shango yose.”​—Dennis Francis, president of the United Nations General Assembly, November 3, 2023.

 Ndebo ye lubengo, ku gwisana, ne ngwa a te zwithu zwi no tangisa. Dumbu, Baibili i no leba ne se kwa bangwe ntolo ba ka be be “[leba] matama anobhaya se misebe” ne ba ka be be da ngwa ne bugebenga. (Pisalema 64:3; 120:7; 140:1) Ngono Baibili i no leba kuti lubengo gu no shingikala ngwenu gu pa chena.

 Baibili i no pa mabaka mabili e kuti ini lubengo gu li pangwe ne pangwe ngwenu.

1.  1. Ya ka lebelambeli chibaka chi no be “ludo gwe banji gowotothola.” (Matewu 24:12) Mu bumo gwe ludo, bathu pangwe ne pangwe ba no zwi bata ne zila i no kudza lubengo.​—2 Timoti 3:1-5.

2.  2. Chilizanyo che lubengo ngwenu cho lakidza se kwa Satani e sundidzila bathu ku be ne lubengo gwa ka pindilila. Baibili i noti “shango yose imu simba le mbiimbi.”​—1 Johani 5:19; Zumbunulo 12:9, 12.

 Ne kwa ka jalo, Babibili i no lakidza kuti Ndzimu u nowo pedzisa chi no thama lubengu. Pezhugwi kwa ikoko, u nowo pedzisa kudziyidzika kwa ka thangwa ne lubengo. Baibili i no thembesa kuti:

•    Ndzimu “unowobukusha mishodzi yose mu mesho abo, akutjawobe ne lufu kakale, akutjawobe ne buyendasi kene tjililo kene tjibhayo, ngoti zwe kutanga azwitjipo.”​—Zumbunulo 21:4.