Jesu u no ziba kuti kwa ka tini ku sokola ne ntata ye bugebenga kose ne ku sa thamigwa ndulamo. Waka bongwa nlandu a si nlandu, wa ka logwa kuzhe kwe nlawo, a ka sekesiwa a sina nlandu, a ka bongwa nlandu ne zila i saka lulwama, ne ku bulawa ne zila i no hwisa zogwadza. Nenguba a ka a sina nlandu wa ka duma ne kuda “kupa buchilo gugwe ku tengunula bathu banji.” (Matewu 20:28; Johani 15:13) Ngwenu se She we Bushe gwe Ndzimu u no dwa e thama kuti ku be ne ndulamo mu shango yose ne ku pedzisa bugebenga cha chose.​—Izaya 42:3.

 Baibili i no thalusa kuti shango i no be ya ka tini ha Jesu e busa:

•   “Babi banowobe basitjipo. Kene ukalingisisa pa magalo awe unowobe asipo ipapo. Koga bana moyo nnyolo banowothuwa shango, ngono banowoshatha bana mbakiso njinji.’​—Pisalema 37:10, 11.

 Tinga lakidza chini kuti to bokela kose kwa ta ka tlhamigwa na Jesu ne cha a cho ti thamila? Muna Luka 22:19, Jesu wa ka dwa batobeli babe ku ti ba kumbule lufu gugwe. Ndizo wali gole ne gole mu zhuba la a ka fa nalo Bafakazi ba Jehova be shangana bose. To ku laletsa kuti u zhe ku kumbula naswi lufu gwa Jesu ne Sunday, March 24, 2024.

Shaka pano batigwa chikumbuludzo