“To dwa ti bona ngozi ye chimo che lubumbo. Toropo wulu dzo ngwila mu vula. Ku pisa kwe zhuba kwa ka pindilila. Vula dze matutu dzi no tshusa. Ku sheteka kwe vula kwa ka andama. Ku pela kwe dzimiliyoni dze njudzi dza ka siyasiyana dze miti ne phuka. Ha te ili ku pindilidza zwithu. Ndi cha ti no budziwa ne sainsi, chi nowo be belelo le milayo ye ku shingisa masimba e lubumbo.”—Cha ka legwa na António Guterres, secretary-general we United Nations, ne kwe mbiko ye Intergovernmental Panel on Climate Change ye April 4, 2022.

 “Besainsi ba no lakidza kuti mu makole a no zha, ku chinyika kwe chimo che lubumbo chowo be po mu dzi-national park dzili 423 [mu United States], dza ka lingisana ne dzi-temperature dzi no paphidzika. Zwithu zwa ka bipa zwi no dwa zwi shingikala, zo yendidzana ne ngozi dza ti no bala ne kwadzo mu Baibili dzi nonga: moto ne merwalela, ku nyauka kwe dzi-ice, ku milika kwe mawate ne pisa kwa ka pindilila.”—“Flooding Chaos in Yellowstone, a Sign of Crises to Come,” The New York Times, June 15, 2022.

 A mamo e lubumbo mu shango a nga baakanyiwa? Ha kwa ka jalo, ndiyani u nowo a baakanya? Bona chi no legwa ne Baibili.

 Baibili ikati Ndzimu u nowo “lobesa ibabo banolobesa shango.” (Zumbunulo 11:18) Ndimana iyeyi ye Baibili i no ti diya zwithu zwitatu:

1.  1. Zwi no thamiwa ne bathu zowo chinya shango kwazo.

2.  2. Ku chinyiwa kwe shango kowo pela.

3.  3. Ndzimu, isini bathu, u nowo baakanya mathatha e lubumbo e shango.

 Baibili i no lakidza kuti “shango inogalila tjatjose.” (Nreri 1:4) I no galigwa cha chose.

•   “Balulwami banowothuwa shango bakagala muili nge kusingapele.”—Pisalema 37:29.

 Polaneti yedu i nowo gwilizigwa mu chimo chayo kakale.

•   “Tjilambanyika ne shango yakawoma zowoshatha, tjilambanyika tjowothinila tjikashatha, tjowofanana ne luba.”—Izaya 35:1.