GALANI MA KA LINDA!
Mikubila i no Chinya—Baibili i ka Tini?
Bathu banjinji mu shango yose, ba no lingisana ne mikubila i no chinya. Bona mbiko dzi no tobela:
“Toropo wulu ye China ya ka nigwa ne vula njinji kwazo i sathu i ka tongo be po ne chilizanyo cha ka jalo mu makole a li 140 ya ka na ne chilizanyo che . . . 744.8 millimeters (29.3 inches) pakati kwe Saturday ne Wednesday.”—AP News, August 2, 2023.
“Typhoon Khanun ya ka nisa vula njinji kwazo i na dziphepo wulu mu southern Japan i li gwe bubili ne Thursday, kwa ya ka bulaya bathubabili. . . .Kwa ka lingiligwa kuti dutu la khona li nise vula i nga be chilizanyo che ku chona chi nga be 0.6 meters (2 feet) mu matombo e central Taiwan.”—Deutsche Welle, August 3, 2023.
“Nkubila wa ka be po ne weekend [ku Nova Scotia] wa ka thangwa ne vula ye midumbi mikulu ya ka na ku Atlantic Canada region i sa ka tongo na mu makole a li 50 a ka pinda.”—BBC News, July 24, 2023.
Baibili i ka tini ne kwe zwithu zwa ka jali?
Chilakidzilo che “mazhuba e bupelo”
Baibili i no lakidza kuti to chila mu chibaka che “mazhuba e bupelo.” (2 Timoti 3:1) Jeso wa ka porofita kuti mu chibaka che mazhuba a ti no chila mu ali, towo bona “zwinoshingikala zwinotjisa,” kene zwithu zwi no tshusa. (Luke 21:11) Ku shanduka kwe Climate kwa ka thama kuti ku be ne zwimo zwi no tshusa zwe weather zwi singa bonegwe mbeli, zwi no shingikala kanjinji, kakale zwi no paphidzikakwazo.
Mabaka e ku be ne thembo
Baibili i no lakidza kuti zwithu zwi no shingikala ngwenu zwi no tshusa zwa ka fanila ku ti pa thembo. Ne kutini? Jeso wa kati: “Ha mubona zwithu izwezwi zwishingikala, zibani kuti Bushe gwe Ndzimu gwabe pejo.”—Luke 21:31; Matewu 24:3.
Zwithu izwezwi zwa ti no bona zwi shingikala ngwenu zo lakidza kuti Bushe gwe Ndzimu go dwa gu pedzisa mathatha e shango a no zhisiwa ne ku shanduka kwe climate kose ne mikubila.—Jobe 36:27, 28; Pisalema 107:29.
Ku bona se kwa Bushe gwe Ndzimu gowo baakanya mathatha e ku shanduka kwe climate, bona nsholo u noti “Who Will Save the Earth?”