United Nations ya ka leba i ti:

•   Ku tangisa ne dzi 7 dza October ku noti dzi 23 dza October, 2023, ngwa ye Gaza ne Israel ya ka pelela ne ku bulawa kwe bathu ba no pinda 6 400 ngono bathu ba li 15 200 ba ka kubala, bunji gwabo i li bathu ba si masole. Pezhugwi kwa ichecho, bathu ba li dzi-hundred thousand ba ka tizha mu mizi yabo.

•   Chinga kwa kwe dzi 24 dza September, 2023, bathu ba si masole ba li 9 701 ba ka bulawa mu ngwa ye Russia ne Ukraine, ngono bathu ba li 17 748 ba ka kubala ku Ukraine.

 Baibili i no thembisani bathu ba no sokola ne ntata ye ngwa?

 Baibili ya ka lebela mbeli kuti Ndzimu ba nowo thama “kuti ngwa dzime ne kunopelela shango.” (Pisalema 46:9) U nowo shingisa hurumente we kudzimu, kene bushe, ku pedzisa bohurumente bose be bathu. (Daniele 2:44) Bushe gwe Ndzimu gowo pedzisa mathatha e bathu.

 Bona kuti Jesu Kirisiti, She we Bushe gwe Ndzimu u nowo thamani:

•   “Unotjidza basheti abedana, bashayi na ibabo basina mbhatshi. Unohwila zogwadza ibabo basina matatabuko kakale besheta, kakale unotjengeta matjilo e basheti. Mukutshambilidzwa nenge kuhwisiwa zogwadza, unobatjidza.”—Pisalema 72:12-14.

 E shingisa Bushe gugwe, Ndzimu u nowo pedzisa choselele ku sa shatha kose ne ku sokola ku no thamiwa ne ngwa ne bugebenga.

•   “Unowobukusha mishodzi yose mu mesho abo, akutjawobe ne lufu kakale, akutjawobe ne buyendasi kene tjililo kene tjibhayo, ngoti zwe kutanga azwitjipo.”—Zumbunulo 21:4.

 Bushe gwe Ndzimu go dwa gu shandula zwithu kwazo mu shango. Baibili ya ka lebela mbeli ne kwe “ngwa kose ne makwayi e ngwa” dza ti no bona dzi shingikala ngwenu. (Matewu 24:6) Kose ikoko ne zwieto zwingwe zo lakidza kuti to chila mu “mazhuba e bupelo” e ku busa kwe bathu.—2 Timoti 3:1.