Se Kwa Jehova e Thokomela ba si Nga Hwe mu Zebe
Bathu ba si nga hwe mu zebe ba nga be 70 million shango yose, ngono bathu bajinji ba no lebesana be shingisa ingwe ye ndebo dze sign language dzi no pinda 200. Chi no hwisa zogwadza hwukuti, bathu ba si nga hwe mu zebe a ba to bakhwa zwibuyanana, se kwa chi no tobela chi lakidza:
“Mu shango yose, fanilo ye bathu ba si nga we mu zebe ino chuludziwa mesho.”—National Association of the Deaf (U.S.).
“Bathu ba si nga hwe mu zebe ba no gala mu shango dzi sa ka fuma ndibo bathu ba na bushayi gu no pinda gwe nngwe ne nngwe, ba si nga khone ngina zwikwele, ku bona mishingo ne ku be ne luzibo gwe zwithu zwingwe.”—World Federation of the Deaf.
Jehova u no zwihwa chini ne bathu ba singa hwe mu zebe? Baibili i no tini ne kwe bathu ba si nga hwe mu zebe? Ngono Bafakazi ba Jehova ba no ba batsha chini ngwenu?
Se Kwa Jehova e Linga Bathu ba si Nga Hwe mu Zebe
Baibili i no lakidza kuti Jehova a Ndzimu u no da bathu ba si nga hwe mu zebe. U no shaka kuti ba bakhwe zwibuyanana ne ku shathila zwidiyo zwa a no diya bathu.
Likwalo: “Usitongolonga bhofu ikuthi mbeli kwalo.”—Lifitiko 19:14.
Cha gu no dwa: Nlayo wa Jehova wa ka be wa ka kwaligwa Baiziraele ba ntolo wa ka be u milila fanilo ye bathu ba singa hwe mu zebe.
Likwalo: “Ndzimu autoshalaula.”—Mishingo 10:34.
Cha gu no dwa: Jehova u no da bathu bose ku shanganyila ne bathu ba si nga hwe mu zebe.
Likwalo: “Jesu kapalama mizi yose . . . , esumikila ndebo mbuya ye bushe gwe Kudzimu.”—Matewu 9:35.
Cha gu no dwa: Jesu wa ka zha mu shango ku diya bathu ne kwe Bushe gwe Ndzimu ne kuti ichecho cho dwani mu bathu bose—ne mu bathu ba si nga hwe mu zebe.—Matewu 6:10.
Likwalo: Jesu wa ka thama kuti ‘mabhubuzhebe a hwe ne mbebebe dzi lebeleke.’—Mako 7:37.
Cha gu no dwa: Jesu wa ka lakidza chi nowo thangwa ne Bushe gwe Ndzimu ha bathu ba si nga hwe mu zebe be khona hwa ne ba si nga lebeleke be lebeleka. Mu chibaka ichecho, Jesu wa ka lebesana ne nthu u si nga hwe mu zebe e shingisa maboko a sa thu a ka mpodza.—Mako 7:31-35.
Likwalo: “Zebe dze mabhubuzebe dzowohwa.”—Izaya 35:5.
Cha gu no gwa: Jehova wa ka lebela mbeli kuti ba si nga hwe ba nowo hwa.—Izaya 29:18.
Se kwa Bafakazi ba Jehova ba no Batsha ba si Nga Hwe mu Zebe Ngwenu
Bafakazi ba Jehova ba no rera zibiso ye Dama le Ndzimu mu bathu ba si nga hwe mu shango yose. To thamani kuti ti khone ichecho? To kwala Baibili ne dzi vidiyo dze Baibili ne ndebo dze sign language dzi no pinda 100. Kakale to diya bathu Baibili ne ku thama zwidiyo zwe Bukirisiti ne ndebo ye sign language. To diya bathu ba no shaka batsho ye Ndzimu koga ti si nga ba ruelese. Ne ku tini? Ne kuti Jesu wa ka laila kuti: “Makapiwa musingalipisiwe, namwibo ipani musingalipise.”—Matewu 10:8.
U nga bona zibiso iyeye online kene u zwi tolele iyo mu:
JW.ORG. Tobedza icon ye language mu page ingwe ne ingwe ino lakidziwa mu website ku bona cha u no shaka mu ndebo ye sign language ya u no shingisa.
JW Library Sign Language app. Longa app iyeyi mu phone iyo kene computer iyo, kuti u khone ku zwi tolela dzi vidiyo dze sign language kene ku dzi lingilila.
I Zwithu Zwipi Zwi no Diya Baibili Zwa ti Nazo?
Baibili ye sign language. New World Translation of the Holy Scriptures in American Sign Language ya ka be iyo Baibili ye kutanga mu shango yose ku pedziwa ne sign-language. New World Translation ya chi be po ya ka pelela ne i sa ka pelela mu dzi sign languages njinji, ku papidziwa ne dzi sign language dzingwe gole ne gole. (Ha u shaka ndongoloso ye ndimi kene ku bona Baibili mu internet, bona box li noti “ New World Translation of the Bible in Sign Language.”)
Lingilila vidiyo ye The Complete New World Translation Is Available in ASL ku zwidiya ne nshingo u no thamiwa mu ku thama Baibili ne sign language.
Kuti u shathile ku bala Baibili, zwitolele JW Library Sign Language app. App iyeyi i no ku batsha kuti u bone ndimana dza u no shaka mu Baibili ye sign-language.
Dmytro na Vita i bazwadzi ba si nga hwe mu zebe, ngono bana babo ibo ba no hwa mu zebe. Bona se kwa nsha wabo u shathila ku lingilila Baibili ne sign language.
Vidiyo dzi no diya Baibili. Bafakazi ba Jehova ba ka thama dzi vidiyo dzi no batsha bathu ku hwisisa ne ku shingisa cha ba no zwi diya mu Baibili ku batsha. . .
Ku zwidiya Baibili ne nngwe. Zwidiye Baibili ne ndebo ye sign language mu chibaka cha ka ku fanila ne wa u no zwi diya naye. Kumbila nngwe a ku lakidze kuti thuto i no bakhwa chini.
Jeson Senajonon u no gala ku Philippines. Bona se kwa Baibili ya ka mbatsha kuti a be pejo na Jehova.
Mario Antúnez ya ka be ili ndiyi we kereke ku Honduras. Bona se kwa a ka dabigwa buzo dza a ka be a nadzo, se kwa a ka leba eti “Ke ne Ke na Le Dipotso di le Dintsi.”
Zwithutho ne mishangano. Ti na makubugano e sign-language shango yose, a no batsha bathu ba si nga hwe mu zebe ku shangana be zwidiya viki ne viki. Kakale ko be ne mishangano mikulu ye sign-language ku diya bathu gole ne gole. Mu zwidiyo zwedu, ko shingisiwa tactile interpreting, nthu u si nga bone kakale a si nga hwe kwa a no be a ka bata maboko e nthu u no lebeleka ne maboko kuti a hwe cha a no leba ne maboko. Kakale to thama dzibuka dze braille dzi no piwa bathu mahala.
Shaka gubungano li pejo nawe.
Ziba ne kwe mishangano yedu yose ye gole ne gole.
Ibe po mu Chikumbuludzo che lufu gwa Jesu, zhuba la ti no tolela pezhugwi ku a pinda ose mu gole lose.
José Luis Ayala u no gala ku Mexico. Wa ka zwagwa a sa nga hwe mu zebe kudwapo a be a sa nga bone. Bona se kwa a ka batshiwa kuti ibe nthu u nga khona diya bangwe Baibili.
a Jehova i zina le Ndzimu. (Pisalema 83:18) Bona nsholo “Jehova Ndi Yani?”
Kakale u Nga Shathila ku Bona
SE KWA KU NO SHINGISIWA ZWIPO ZWA U NO DUSA
Bathu ba si Nga Hwe mu Zebe Habazo Kangangwiwa
Ti na dzividiyo dze dzindebo dze maboko dzi no pinda 100! To dzi thama chini ne ku dzi yendisa?
NE KWEDU
Kumbila Kumbiwa
Lebeleka ne kwe buzo ye Baibili, kene zwidiye kunjinji ne kwe Bafakazi ba Jehova.
