Ngwa ye Ukraine, ne chimo che climate ye shango chi no shanduka zo dwilila zwi paphidza thaelo ye zojiwa mu shango yose. Ichecho cho boneka kwazo mu shango dzi no thabuloka dze iling kuti bathu banjinji ba no sokola ku bona zojiwa zwa ka lulwama.

•   “Ku limiwa kwe zojiwa ne ku be yapo kwazo ko kgoreletsiwa ne dzingwa, climate i no shanduka, ne zwithwathwa zwi no tura kwazo ne zwingwe zwinjinji.”—António Guterres, UN secretary-general, July 17, 2023.

•   “Bathu ba na luzibo ba no leba kuti ku zwikwebela shule kwe Russia mu dumilano ye ku tumiligwa kwe zojiwa kowo thama kuti ku shayika kwe zojiwa ku bipile mbeli mu shango yose, kakale ku kowo thama kuti zojiwa zwi ture kwazo mu shango dze ikhonomi i pasi, chikulukulu ku North Africa ne ku Middle East.”—Atalayar.com, July 23, 2023.

 Ihwa kuti Baibili ikatini ne kwe thaelo ye zojiwa ne kwe chi nowo shingikala mu nako i no zha.

•   Jesu wa ka lebela mbeli e ti: “Itjaba tjowomukila itjaba ne bushe gukamukila bushe. Kowobe yapo bhamba.”—Matewu 24:7.

•   Buka ye Zumbunulo i no lebeleka ne kwe bathu bali banna ba ka tatha mbizi. Mbizi ingwe i no milila ngwa. I no tobela i no milila bhamba nako ye ili kuti zojiwa zowo be zwi thaela ebile zwi tengesiwa ne thwathwa zwi pezhugwi kwazo. “A bona mbizi thema. Ntathi wayo wakabe akabhata ikale mu luboko gugwe. Ndakahwa nsindo unonga hwi . . . Liti, ‘Lithara ye korong i ndipo ye zhuba, lithara dzili thatu dze bhali i ndipo ye zhuba.’”—Zumbunulo 6:5, 6, Bhaibili ya ka Yengemala.

 Buporofiti gwe Baibili gu no leba ne kwe thaelo ye zojiwa go shingikadziwa ngwenu mu nako ye Baibili i no dana i ti “mazhuba e bupelo.” (2 Timoti 3:1) Ku zwidiya kwa ka paphidzika ne “mazhuba e bupelo” ne bathati bali 4 be mbizi ba mu na Zumbunulo, bona vidiyo i noti Kutangisa ne 1914 Shango ya ka Shanduka u bo u bala nsholo u noti “Bapalami ba Dipitse Tse Nnê ke Bomang?”

•   Baibili i na kgakololo dzinjinji dza ti nga shingisa dzi nga ti thusa ku lingisana ne mamo a no shanduka, a no shanganyila ku thaela kwe zojiwa ne thwathwa dze zojiwa dzi no yenda pezhugwi. Bona dzingwe dzikgakololo mu nsholo u noti “How to Live on Less.”

•   Baibili kakale i no ti pa thembo ye kuti zwithu zowo lulwama. I no thembisa nako ya ku nowo be ku na “mathunde manjinji” ebile nngwe ne nngwe a na zojiwa zwinjinji. (Pisalema 72:16) Zwidiye kwa ka nginilila ne kwe thembo iyeyi i no lebgwa ne Baibili ne kuti ini ti nga themba che Baibili cha i no leba, bala nsholo u noti “A Real Hope for a Better Tomorrow.”