Ne May 19, 2022, United Nations Security Council ya ka hwa mu bashingi be mamo a pezhugwi ba no pinda 75 kuti “bugwele gwe COVID-19 ne ku shanduka kwe climate zwa ka thama kuti ku be ne ku thaela kwe zojiwa mu shango yose, ne kwa ka jalo, nghwa i ku Ukraine ya ka paphidza kwazo ku thaela kwe zojiwa mu shango yose ngwenu.” Shulenyana, The Economist ya ka leba kuti “nghwa i no paphidza mathatha a zhele mu shango, dumbu ne bathu ba nowo bulawa ne zhala.” Baibili ya ka lebela mbeli kuti kowo be ne ku thaela kwe zojiwa ikoku mu nako ya ti no chila mu ili, ne kwa ka jalo, i no ti batsha ku lingisana ne chimo ichechi.

•    Jesu wa ka lebela mbeli kuti: “Itjaba tjowomukila itjaba ne bushe gukamukila bushe. Kowobe yapo bhamba.”—Matewu 24:7.

•    Buka ye Baibili Zumbunulo i no chenesa chifaniso che batathi ba li 4 be mbizi. Nngwe we batathi ibaba u no milila nghwa. Wa ka sagwa shule ne ungwe u no milila bhamba, chibaka cha ili kuti kowo be kwa ka sima ku wana zojiwa kene zwi tura kwazo. “Ndakalinga, ngono abona mbizi thema. Ntathi wayo wakabe akabhata ikale mu luboko gugwe. Ndakahwa nsindo unonga hwi . . . liti, ‘Lithara ye korong i ndipo ye zhuba, lithara dzili thatu dze bhali i ndipo ye zhuba.’”—Zumbunulo 6:5, 6, Baibili Yakayengemala.

 Buporofiti igogu gwe Baibili gu no leba ne kwe ku thaela kwe zojiwa go shingikadziwa ngwenu mu nako i no dangwa ne Baibili kuyi “mazhuba e bupelo.” (2 Timoti 3:1) Ku zwidiya kwa ka paphidzika ne kwe “mazhuba e bupelo” ne batathi ba li 4 be mbizi ba ku no lebgwa ne kwabo mu na Zumbunulo, lingilila vidiyo i noti: Kutangisa ne 1914 Shango ya ka Shanduka, kakale u bale chidiyo chi noti: “Bapalami ba Dipitse Tse Nnê ke Bomang?”

•    Baibili i no ti kumbuludza ne zila i no shinga i nga ti batsha ku mililana ne zwimo zwi no lema, zwi no shanganyila ku paphidzika kwe ku tura ne ku thaela kwe zojiwa. Bona zwilakidzilo mu chidiyo chi noti “How to Live on Less.”

•    Kakale Baibili i no ti pa thembo ye kuti mamo a nowo be butuka. I no thembesa nako ya ili kuti ‘shango inowobe ne mathunde manjinji’ kakale nngwe ne nngwe a na zojiwa zwinjinji. (Pisalema 72:16) Ku zwidiya kwa ka paphidzika ne kwe thembiso ye Baibili ne kwe chibaka chi no zha ne kuti ini u nga i themba, bala chidiyo chi noti: “A Real Hope for a Better Tomorrow.”