Gole le 2020 la ka wigwa ne ngozi dze lubumbo dzi li njinji ne ku wa kwe wa bugwele gwe COVID-19 mu shango yose. Bafakazi Jehova ba ka batsha chini ba ka be ba amiwa?

 Mu gole le ku shingila le 2020, a Komiti ye Babatshanyi ye Gubungano li no Laula ya ka laulila kuti ku shingisiwe P306 001 640.00 b ku batsha ba ka wiga ne ngozi. Mari i ya wa a ka batsha ba ka wiga ne dzingozi dzi no pinda 200—ku shanganyila ne bugwele gwe COVID-19, ne mututu makulu, ne nkubila mu Afrika, ne ku thayela kwe zojiwa ku Venezuela ne bamba mu Zimbabwe. Zwipo zwe mari zwaka batsha ku ruwelela zojiwa, vula, bugalo, zwiambalo ne zwe ndapo kose ne zwi no chenapadza, zwino baakanya ne baka butshwa. Ela njele zwilakidzilo zwe nshingo we ku batsha.

 COVID-19. Mu shango yose bugwele gwa ka wa gwa ka ama bazwalani ne azwadzi mu mbili, mazwiwo ne mari e ku zwi chidza. Ku ti batshiwe, kwaka thamiwa, dzi Komiti dzi no Batsha mu Ngozi (Disaster Relief Committees-DRCs) dzi no pinda 800 mu shango yo se. Dzi komiti i dzedzi dza ka dzi elanjela zwino shetiwa ne bazwalani ku dwapo be be be pa mbiko be Komiti ye Babatshanyi kuti banga batsha chini zwibuyanana.

 Ku palama gole lose dzi DRC dza ka batsha bathu banjinji ne zojiwa, vula ne zwi no biganya shangwa kose ne miti ye magwele malelu. Mu ndawo dzingwe, dzi DRC dza ka dzi shinga ne badala be ndawo idzedzo ku batsha bazwalani kuti be khone amuchila batsho ye hurumente.

 Bathu bangwe ba ka elanjele shingo wedu we batsha. Ha ti lakidzila nlauli we ntuthu we Nakonde, Zambia waka budza bazwalani bedu eti: “To bokela batsho yenyu ya ka zha mu chibaka chaka be i shetewa kwazo ne misha ya ka amiwa.”

 Ku Thayela Zwojiwa ku Angola. Bugwele gwa ka wa gwe COVID-19 gwa ka thama kuti ku be ne thayelo ye zojiwa mu Angola ngono i chechi chi ka paphidza dzi price kwazo. Bu nji gwe bazwalani ne azwadzi dzedu ba ka be simigwa ne tenga zojiwa.

 Lutabi gwe Brazil gwa ka kumbigwa ku batsha bazwalani be Angola ne ku ba tumilila miphutho ye zojiwa. Kuti ku shingisiwe mari e batsho zwibuyanana, zojiwa ne tumigwa kwazo kwaka shakisisiwa ne njele ngono ku ka tengwa zojiwa zwili zwi njinji pana ne bungompela. Ne zila iye yo price ye mputho u ngompela ya be i tengwa ne tumiligwa ne chilizanyo che mari ye P240.61 koga ngono mputho iwoyo u lema ne chilizanyo che 20 kilograms, mukati kuna zwino nga rice, nyemba ne mafuta ano bika. Ku no ti ngwenu miphutho i li 33,544 ina i kale che 654 metric tons (721 US tons) ya ka tumiligwa. I zwezwi ha zwi shanganyiwa ne ne zwa ka be zwi dwa mu Angola, zose zwa ka khona gutsha bathu ba no pinda 50 000!

 Bazwalani bedu ba no zwiwa chini ne batsho iyeyi? Alexandre u no gala mu ndawo i kule ne mizi mikulu mu Angola, a kati: “Ndo tola ichechi i li bufakazi gwe kuti Jehova u no ndi da kakale ha ndi te ndi li ndoga. Ndo tolegwa pezhugwi ne gubungano Jehova!” Mariza, mme basa ka lobogwa ba kati: “Jehova wa ka hwa chililo changu. Ndo mboka kose ne gubungano!”

 Batsho ye Bamba mu Zimbabwe. Mu gole 2020 le ku shingila, Zimbabwe ya ka lingisana ne bamba la ka bipa kwazo, laka thama kuti dzimiliyoni dze bathu dzi be pejo ne bulawa ne zhala. Bafakazi bali dzi-thousand ku Zimbabwe ba ka basina zojiwa zwaka lizana.

 Dzi DRC dzi li 5 dza ka thamiwa ku batsha bazwalani ne zojiwa. Bareri bali dzi-hundred ba ka batsha ku phutela zojiwa, ku paka zwingwe zwino sheteka kene ku batsha ne mota dzabo. c Mu gole 2020 leku shingila kwaka shingisiwa, P7 557 814.29 ku tengela bathu zojiwa bano pinda 22,700!

 Mu mamo a nngwe bazwalani baka ba ba chipedza zojiwa zwabo ha batsho i swika kubali. Ngono kwakati zojiwa zwi kotoka bazwalani bedu baka kudza Jehova. Bangwe ba ka tangisa mba njimbo dze Bushe.

 Mu ndawo i ngwe bafakazi babili ba ka figwa ne balume babo baka yenda ku phuthego ye dangwa mu nzi wabo ne kowo lebesana nekwe batsho ino dwa ku gubungano lisi le hurumente (NGO). Ne kwaka jalo, phuthego ya ka pelela ya bo ye chipolotiki ngono bo azwadzi be be ba singa dumilane ne mabaka e ku amuchila batsho. Ha be buda mu phuthego, baka sekwa ne budziwa kuti, “Mu si tongo zha kowo kumbila zojiwa kuti!” Ne kwaka jalo, ku ngabo viki dzi li mbili koga bazwalani bedu baka swika mu ndawo iyeyo ngono baka pa boazwadzi bedu batsho ye zojiwa, batsho ye NGO i sathu i kazha!

 Batsho ye Ngozi mu Zimbabwe ya ka pelela ne bufakazi gwaka naka. Ha ti lakidzila, Prisca, u no gala mu nzi ntikinini. Nenguba a ka be a ka lingisana ne mamo ano lema a no zhisiwa ne bamba, wa ka be a tola thambo ye ku rera ne Wenesday ne Friday viki ne viki, dumbu ne mu chibaka che ku lima. Bathu be mu nzi u we ba ka nsuta beti: “U no bulaisa be nsha uwo zhala ne ntata ye rera kuko.” Ngono Prisca wa ka ba shandula eti: “Jehova hathu aka tongo lasha balanda babe.” Mu chibakanyana koga aka amuchila batsho ino dwa ku gubungano ledu. Ngono eche chi chaka ama zwibuyanana bangwe be ba bakisani babe ba ka ndwa beti: “Ndzimu hathu a ka tongo ku lasha, ndizo to shaka kuzwidiya kwaka phaphidzika ne kukwe.” Ba bakisani babe bali 7 bo chi teedza zwidiyo zwe gubungano zwino gasiwa mu radio.

 Ha ti sedzela ku bupelo, towo dwilila ti lingisana ne ngozi dze lubumbo. (Matewu 24:3, 7) Zwipo zwenyu zwe bumoyonchena zwino dusiwa ne zila dzaka siyasiyana ku shingisiwa donate.pr418.com zo bokegwa kwa kwazo. Zo batsha zwibuyanana mu chibaka chaka lingisana.