“Nda ka be nda ka milila ichechi mu makole ali 19!” Nzwalani wedu wa ka be a ka mililani? Baibili ye New World Translation ye Hwalo Dze Bukirisiti Dze Chigiriki mu lulimi gugwe, gwe Chibengali. Bathu banjinji ba no zwiwa ne zila i no fanana, ha New World Translation i hulugwa ne lulimi gwabo. Ngono a wa ka tongo zwibuzwa kuti ko shanganyilani mu ku shanduligwa ne thamiwa kwe Dzibaibili idzedzi?

 Che kutanga, team i no shandulila i no piwa gobe ne Komiti ye ku Kwala ye Gubungano li no Laula. Ko tola lubaka gu ngapani kuti team i no shandulila i pedze Baibili? Nicholas Ahladis, u no shinga ne be Translation Services ku Warwick, New York, u no chenesa eti: “Ku na mabaka ma njinji, a no shanganyigwa, kuti kuna bashandulili ba njinji ku ngapani mu porojekiti, kuti lulimi gwa ka sima ku ngapani, ne kuti ba no bala ba no hwisisa ku ngapani kuti buchilo gwa ka be gwa ka tini mu misi ye Baibili, kose ne kuti lulimi go thubukana ku ngapani ku yenda ne mituthu. Ka njinji ku nga tola team gole ku noti makole matatu ku shandulila Hwalo dze Bukirisiti dze Chigiriki koga ngono makole ali 4 kene kupinda ku shandulila Baibili yose. Ngono ko tola chibaka chilefu ku i shandulila mu ndebo ye maboko.”

 Baibili ha i to shanduligwa ne team i no shandulila koga. Ku na ba njinji ba no shingisiwa ku bala ba no dwa mu mamo a ka siyasiyana—ngono mu zwibaka zwingwe ba no dwa ku dzingwe shango—ba no lingisisa cha shanduligwa, be thama be jalo mahala. Cha ba no kumbuludza cho batsha kuti ku thamiwe Baibili i na malebeswa dumbu, ya ka tambunuka, ne i no hwika. Nngwe u no diya bashandulili ku South Africa wa ka leba eti, “ba no shandulila ba na ntolo nkulu we ku zwidabilila muna Jehova ne mu na ba no bala Dama lile.”

 Ha ku shandulila kwa pela, Baibili ya ka fanila printiwa ne ku batshanyiwa. Mu chibaka ichecho, ba no printa ba no shingisa zwithu zwi no pinda 10, zwi no nga pampiri, inki,material u no khavara, zwi no batshanya, cover liners, silver leaf, dziriboni, headbands, spine stiffeners, ne material u no batshanya Baibili ku be chithu chi ngompela. Ne 2019, kwa ka shingisiwa mari a no pinda P216 646 000 mu material u no thama Baibili koga. Mu gole ilelo bashingi bedu be printara ba ka shinga dziawara dzi no pinda 300 000 ku thama dzibaibili ne ku dzi tumila.

 Ini ku shingisiwa nako i ngapa ne mari mu mishingo iyeyi? “Baibili ndiyo i bothokwa kwazo ku pinda dzitshambiso dzose dza ti no thama,” ko leba Joel Blue we International Printing Department. “Ndizo ku sheteka kuti ku lingika kwayo ku kudze Ndzimu wa ti no namata ne nlaetsa wa ti no rera.”

 Kuzhe kwe Baibili ye New World Translation ya ti no shingisa, kakale to kwala dzitshambiso dzi no shingisiwa ne bathu ba na bulema. Ha ti lakidzila, Baibili ye braille ye New World Translation iyapo mu ndimi dzili 8. Baibili ya ka pelela ye braille i nga tola dziawara dzili 10 ku ti i thamiwe, ngono dzi-volume dzayo dzi njinji dzo sheta shelf ye bulefu gwe dzimitara dzili 2.3 (7.5 ft). Kakale to thama Baibili ya ka shalulika ye bathu ba mu jele, ku no dumigwa koga dzibuka dza ka phuthegwa ne dzipampiri.

 New World Translation i no ama machilo a ba no i bala. Kumbula gubungano le ndimi ye Chikiluba ku ndawo i no dangwa kuyi Tombe, i mu Democratic Republic of the Congo. Tombe i dzikhilomitara dzi no pinda 1 700 ku dwa mu turopo wulu. Bafakazi ibabo ba ka be ba na Baibili i ngompela koga, ngono ya ka be i shingisa ndebo ye Chikiluba ya ntolo. Baibili iyeyi i ngompela ya ka be i adzimaniwa mu bazwalani kuti ba baakanyile zwidiyo zwe gubungano. Ku tangisa ne August 2018, nngwe ne nngwe mu gubungano wa be ne Baibili ye New World Translation ya ka pelela ne ndebo ye Chikiluba ya ngwenu.

 Azwadzi u no leba Chijemeni ha e leba ne kwe New World Translation ya ka thabulugwa ye ndebo iye akati: “Ngwenu ha ndi cha ti nda ka fanila bala Baibili. Ngono, ngwenu ndo zwi buzwa kuti ndi nga paphidza ngayi.” Nngwe u mu jele wa kati: “Nda ka piwa New World Translation, ngono i no shandula buchilo gwangu. Ha nto tongo hwisisa Dama le Ndzimu se kwa ndi no li hwisisa ha ndi bala shandulilo iyeyi. Ndo shaka ku ziba ku njinji ne kwe Bafakazi ba Jehova, kakale ndo shaka ku be nngwe wabo.”

 Bose ba no bala New World Translation ba no bokela zwipo zwi no batsha ku thamiwa kwayo. Zwipo izwezwi zwi no dusigwa nshingo we shango yose, zwa ka dusiwa ku shingisiwa dzizila dzi no wangwa mu donate.pr418.com. To bokela ku be mu li moyonchena.