THUTO 10
Zwidiyo Zwe ku Gubungano le Bafakazi ba Jehova Zwi Nga Ku Batsha Chini?
A wa ka tongo kokiwa ku shanganila ku zwidiyo zwe ku gubungano le Bafakazi ba Jehova? Ha u sathu u ka tongo be po ko, u nga zwihwa u cha ku yenda ko. U nga zwibuzwa kuti: ‘Ko shingikalani ku zwidiyo izwezwi? Ini zwi sheteka? Ini nda ka fanila ku be po?’ Mu thuto iyeyi, u nowo zwidiya se kwa ku shangana ne bangwe ku nga ku batsha ne ku thama kuti u be pejo ne Ndzimu.
1. Ini Bafakazi ba Jehova be shangana ku zwidiyo zwe gubungano?
Bona se kwa nkwali we Baibili a ka leba libaka gu kulu gwe ku shangana ne bangwe: “Mu gubungano gulu, ndowokudza Yahwe [Jehova].” (Pisalema 26:12) Ne zila i no fanana, Bafakazi ba Jehova ba no shathisiwa ne ku shangana ku zwidiyo zwe gubungano. Mu shango yose, ba no shangana viki ne viki ku kudza Ndzimu, ku mba ne ku tembezela. Mu zwibaka zwi si ngana gole ne gole, ba no shangana mu mishangano mikulu ku namata.
2. U nowo zwidiyani ku zwidiyo zwedu zwe gubungano?
Ku zwidiyo zwe gubungano, Bafakazi ba Jehova ba no temelela kwazo mu nlayo we Ndzimu, “betoloka bethama kuti utjeneseseke.” (Bala Nehemiya 8:8.) Ne ku be po ko, u nowo zwidiya ne kwa Jehova ne kwe buthu gugwe gwa ka lulwama kwazo. Ha u dwilila u zwidiya kwa ka paphidzika ne kwe ludo gugwe mu kuli, nowo be nkhwinya uwe. Kakale nowo zwidiya kuti u nga ku batsha chini kuti u be ne buchilo gu no shathisa.—Izaya 48:17, 18.
3. Ku shangana ne bangwe ku zwidiyo zwedu zwe gubungano ku nga ku batsha chini?
Jehova u no ti layila kuti “ngatikumbuleni sekwa tingamusidzilana ludo ne kuyitilana bubuya, tisingaletje kushangana.” (Bahebera 10:24, 25) Ku zwidiyo zwedu zwe gubungano, u nowo shangana ne batho ba no dana dumbu, kakale be shaka ku ziba kwa ka paphidzika ne kwe Ndzimu, koga sa we. U nowo hwa be pana mikumbulo ya ka naka i no dwa mo Baibili. (Bala Baroma 1:11, 12.) U nowo khona ku lebesana ne bangwe ba ka shatha ba mu ndobolo ne ba si mu ndobolo, nenguba ba ngana ba ka be bana mathatha. Iyawa i angwe e mabaka e ku be Jehova e shaka kuti ti dwilile ti shangana!
ZWIDIYE KWA KA NGINILILA
Bona kuti ko shingikalani ku zwidiyo zwe gubungano le Bafakazi ba Jehova ne kuti ini ku batsha ku be po ku zwili.
4. Zwidiyo zwe ku gubungano le Bafakazi ba Jehova
Bakirisiti be kutanga ba ka be ba si nga chuludze ku no shangana ku namata Jehova. (Baroma 16:3-5) Bala Bakolosa 3:16, mu be mu lebesana ne kwe buzo i no tobela:
-
Bakirisiti be kutanga ba ka be be namata Jehova chini?
Ngwenu, Bafakazi na ibo bo, ha ba to chuludza ku shangana kwa ba no namatila ko. Ku bona kuti ko shingikalani ku zwidiyo zwe gubungano, zana VIDIYO. Ku dwa ipapo lingilila itshwantsho che ku zwidiyo zwe gubungano, mu be mu lebesana ne kwe buzo dzi no tobela.
-
Wa bona ku fanana kupi pakati kwe chi no shingikala ku Holo ye Bushe ne cha wa bala mu na Bakolosa 3:16?
-
Mu vidiyo kene mu itshwantsho, a wa bona chingwe kakale ne kwe zwidiyo zwe gubungano cha wa da?
Bala 2 Bakorinta 9:7, mu be mu lebesana ne kwe buzo i no tobela:
-
Ini ku si nga togwe koleke ku zwidiyo zwe gubungano le Bafakazi ba Jehova?
Lingililani cha ku nowo be ku lebgwa ne kwa cho mu zwidiyo zwi no tobela ku gubungano.
-
Ini cha u nga da kene cha u nga shingisa ku dwa mu ndongoloso ye zwidiyo izwezwi?
A wa gala u ziba?
Mu jw.org, u nga bona kuti zwidiyo zwe gubungano zo batigwa ngayi kakale kuti lini mu shango yose.
-
Zwidiyo zwedu zwe gubungano zo shanganyila dzindebo, zwilakidzilo, ne dzividiyo. Zwidiyo zwe gubungano zo tangisa ne ku pelela ne lumbo ne ntembezelo
-
Mu ndongoloso dzingwe, ko buzwiwa dzibuzo ngono ba ka teedza ba nga dabila
-
Nngwe ne nngwe u no amuchigwa—misha, ba si mu ndobolo, ba ka kwegula, ne bana
-
Zwidiyo zwedu zwe gubungano mahala. Ha ku to nginiwa ne mari kakale Bafakazi ba Jehova ha ba to tola koleke
5. Ko sheteka mazwimisilo kuti ti si leche ku shangana
Bona cha ka thamiwa ne be nsha wa Jesu. Gole ne gole ba ka be ba ka fanila ku yenda 100 km, mu zila i na matombo be dwa ku Nazareta be yenda ku tempele ku Jerusalema. Bala Luka 2:39-42, mu be mu lebesana ne kwe buzo dzi no tobela:
-
A u no kumbula kuti gwendo igogu gwa ka be gu sheta kuti ba be ne mazwimisilo?
-
Ini wa ka fanila ku gwisa kuti u be po ku zwidiyo zwe gubungano?
-
A u no kumbula kuti ko sheteka? Ne kutini?
Baibili ikati ku shangana kwedu mu ku namata ko sheteka kwazo. Bala Bahebera 10:24, 25, mu be mu lebesana ne kwe buzo i no tobela:
-
Ini ta ka fanila ku yenda ku zwidiyo zwe gubungano ti si nga mise?
BATHU BANGWE BA KATI: “Ha u to sheta ku shangana ne bangwe. U nga zwidiya Baibili u li ku nzi koga.”
-
I ndimana ipi kene chingwe cha ku no lebgwa ne kwacho mu Baibili chi no lakidza kuti Jehova u no shakani?
CHA WA ZWIDIYA
Ku yenda ku zwidiyo zwe gubungano kowo ku batsha kuti u zwidiye kwa ka paphidzika ne kwa Jehova, ku simisa bukhwinya gugo naye ne ku nnamata u na bangwe.
U Nga Tini?
-
Ini Jehova e ti ti shangane tose?
-
U nowo zwidiyani ku zwidiyo zwe Bafakazi ba Jehova?
-
U no kumbula kuti ku be po ku zwidiyo zwe gubungano, ku nga ku batsha ne zila dzipi dzingwe?
SHAKISISA
Ku ingwi ha ili kuti u no cha ku yenda ku zwidiyo? Bona se kwa nlume wa ka be e zwihwa ne zila iyeyo a ka pelela e da zwidiyo.
Bona se kwa nngwe nlume a ka shathila zwidiyo zwe ku gubungano ne cha a ka thama ku dwilila e yenda ku zwili.
Zwidiye kuti bangwe ba no zwihwa chini ne kwe ku yenda ku zwidiyo zwe gubungano.
“Ini ta ka Fanila ku be po ku Zwidiyo Zwe Gubungano ku Holo ye Bushe?” (Web article)
Bona se kwa ku be po mu zwidiyo zwe gubungano le Bafakazi ba Jehova kwa ka shandula buchilo gwe nlume wa ka be ali nngwe we zwigebenga.
“A Kuna Kwa Nda ka be Ndi Yenda Ndi Sina Thobolo” (Thungamakole, July 1, 2014)
Kakale u Nga Shathila ku Bona
BUZO DZI NO BUZWIWA KANJINJI
Course ye ku Zwidiya Baibili i no Piwa ne Bafakazi ba Jehova Ndi Ipi?
U shingisa ndongoloso ye mahala ye ku zwidiya i no piwa ne Bafakazi ba Jehova, u nga shingisa Baibili ingwe ne ingwe. Sungunuka ku laletsa be nsha uwo kene bakhwinya babo.
