THUTO 18
Se Kwa ti Nga Bona Kuti Bakirisiti be Malebeswa Ndi Bapi
Dzibiliyoni dze bathu ba no zwidana Bakirisiti. Ngono ha ba to dumila zwithu zwi no fanana, kene ne ku zwibata ne zila i no fanana. Ti nga bona chini kuti Bakirisiti be malebeswa ndi bapi?
1. Ku be Nkirisiti ko dwani?
Bakirisiti i badiyiwana, kene batobeli ba Jesu Kirisiti. (Bala Mishingo 11:26.) Ba no lakidza chini kuti i badiyiwana ba Jesu? Mu Baibili Jesu wa kati: “Ha mulondolodza matama angu, mu badiyiwa bangu.” (Johani 8:31) Ichecho cho dwa kuti Bakirisiti be malebeswa ba ka fanila ku tobela zwidiyo zwa Jesu. Ngono koga se kwa zwidiyo zwa Jesu zwa ka be zwa ka teyiwa mu Baibili, chi no dumigwa ne Bakirisiti be malebeswa cha ka teyiwa mu Baibili.—Bala Luka 24:27.
2. Bakirisiti be malebeswa ba no lakidza ludo chini?
Jesu wa ka budza batobeli babe eti: “Mudane sekwa ndakamuda.” (Johani 15:12) Jesu wa ka lakidza chini kuti u no da badiyiwana babe? Wa ka tola chibaka a nabo, e ba simisa, ne ku ba batsha. Kakale wa ka ba fila. (1 Johani 3:16) Ne zila i no fanana, Bakirisiti be malebeswa ba no lakidza ludo ne mishingo yabo, isini ne matama koga. Zwa ba no thama ne zwa ba no leba zo lakidza kuti ba no dana.
3. Bakirisiti be malebeswa ba ka batika ne nshingo upi?
Jesu wa ka pa badiyiwana babe nshingo. Wa “kabatuma kunosumikila bushe gwe Ndzimu.” (Luka 9:2) Bakirisiti be kutanga ba ka be be rera, isini koga pa ba no namatila ngono kakale ne mu mizi ye bathu, ne pa ku no wangwa bathu banjinji ko. (Bala Mishingo 5:42; 17:17.) Ngwenu ne zila i no fanana, Bakirisiti be malebeswa ba no rera nlaetsa we Baibili pangwe ne pangwe pa ba no wana bathu. Ba no da babakisani babo, ngono ba no shingisa nako yabo ne masimba ku budza bangwe nlaetsa we Baibili u no pa thembo ne nyaladzo.—Mako 12:31.
ZWIDIYE KWA KA NGINILILA
Bona se kwa u nga thubukanya Bakirisiti be malebeswa mu bathu ba si nga tobele zwidiyo zwa Jesu ne chilakidzilo chiche.
4. Ba no shakisisa malebeswa mu Baibili
Bakirisiti be kutanga ba ka be be tolela Dama le Ndzimu pezhugwi
Ha te bose ba noti i Bakirisiti ba no tolela malebeswa e Baibili pezhugwi. Zana VIDIYO, mu be mu lebesana ne kwe buzo i no tobela.
-
Dzingwe dze dzikereke dzi no zwidana dze Bukirisiti dza ka kongwa chini ku diya cha ka diyiwa na Jesu?
Jesu wa ka diya malebeswa ku dwa mu Dama le Ndzimu. Bala Johani 18:37, mu be mu lebesana ne kwe buzo i no tobela:
-
Ku yenda na Jesu, ti nga bona chini Bakirisiti ba “mu malebeswa”?
5. Ba no rera nlaetsa we Baibili
Bakirisiti be kutanga ba ka be be rerela bangwe
Ha Jesu a sathu a ka yenda kudzimu, wa ka pa batobeli babe nshingo wa ka dwilila na ngwenu. Bala Matewu 28:19, 20 ne Mishingo 1:8, mu be mu lebesana ne kwe buzo i no tobela:
-
Nshingo we ku rera u nowo thamiwa ne bukulu gu ngapani?
6. Ba no shingikadza cha ba no rera
Ini cha ka thama kuti nlume ungwe u noyi Tom a dume kuti wa ka bona Bukirisiti gwe malebeswa? Zana VIDIYO, mu be mu lebesana ne kwe buzo dzi no tobela.
-
Mu vidiyo iyeyi, ini cha ka thama kuti Tom a toboke budumili?
-
Ini e duma dumbu kuti wa bona malebeswa?
Cha ti no thama cho lakidza chi mu moyo wedu. Bala Matewu 7:21, mu be mu lebesana ne kwe buzo i no tobela:
-
Ini chi no tolegwa pezhugwi na Jesu—cha ti noti to chi duma kene cha ti no chi lakidza ne mishingo yedu?
7. Ba no dana
Bakirisiti be kutanga ba ka be be lakidzana ludo
A Bakirisiti ba ka longa machilo abo mu mbatsha ku batsha Bakirisiti bangwe? Zana VIDIYO, mu be mu lebesana ne kwe buzo dzi no tobela.
-
Mu vidiyo, ini cha ka thama kuti Lloyd a longe buchilo gugwe mu mbatsha mu bumo gwa Nzwalani Johansson?
-
A no kumbula kuti wa ka thama se Nkirisiti we malebeswa?
Bala Johani 13:34, 35, mu be mu lebesana ne kwe buzo dzi no tobela:
-
Badiyiwana ba Jesu (Bakirisiti be malebeswa) ba nga bata bathu be ludzi gungwe kene be shango ingwe chini?
-
Ba nga thama chini be jalo mu chibaka che nghwa?
BATHU BANGWE BA KATI: “Ha ku to ti chingwe kuti u no ngina kereke ipi, tose se Bakirisiti to namata Ndzimu ungompela.”
-
I ndimana ipi ya u nga balila nngwe i no lakidza kuti ti nga bona Bakirisiti be malebeswa chini?
CHA WA ZWIDIYA
Bakirisiti be malebeswa ba no tobela zwidiyo zwe Baibili, ba no lakidza ludo gwe ku zwipa, ne ku rera nlaetsa we Baibili.
U Nga Tini?
-
Dumilo ye Bakirisiti be malebeswa ya ka teyiwa muni?
-
I buthu gupi gu no lakidziwa ne Bakirisiti be malebeswa?
-
I nshingo upi u no thamiwa ne Bakirisiti be malebeswa?
SHAKISISA
Zwidiye ne kwe gubungano la ka zwimisila ku tobela chilakidzilo cha Jesu ne zwidiyo zwizwe.
Bona kuti ini cha ka thama kuti nkadzi we budumili a bone “nsha we namato ye malebeswa.”
“Ba ka Shingisa Baibili ku Dabila Buzo Ingwe ne Ingwe!” (Thungamakole, April 1, 2014)
Zwidiye se kwa Bakirisiti be malebeswa be lakidza ludo ba ba no namata nabo ba no sheta batsho.
Ku Batsha Bazwalani Bedu ha ku be ne Dzingozi—Ipithu (3:57)
Lingisisa se kwa Bakirisiti be kutanga ne Bakirisiti be malebeswa ngwenu be thama cha ka lebgwa na Jesu kuti chowo lakidza kuti batobeli babe ndi bapi.
“Matshwao e Bukirisiti Gwe Malebeswa Ndi Api?” (Thungamakole, March 1, 2012)
Kakale u Nga Shathila ku Bona
BUZO DZI NO BUZWIWA KANJINJI
Course ye ku Zwidiya Baibili i no Piwa ne Bafakazi ba Jehova Ndi Ipi?
U shingisa ndongoloso ye mahala ye ku zwidiya i no piwa ne Bafakazi ba Jehova, u nga shingisa Baibili ingwe ne ingwe. Sungunuka ku laletsa be nsha uwo kene bakhwinya babo.
