THUTO 22
U Nga Rera Ndebo Mbuya Chini?
Ha u zwidiya malebeswa e Baibili, u ngana u ka kumbula kuti, ‘Nngwe ne nngwe wa ka fanila ku ziba malebeswa a ka jalo!’ Malebeswa, kwa ka jalo! Ngono, u ngana u ka zwiwa u cha ku budza bangwe cha wa zwidiya. Ati bone kuti u nga mililana chini ne ku cha, kakale u tangise ku rera ndebo mbuya dze Baibili wa ka shatha.
1. U nga rerela bathu ba u no ziba cha wa zwidiya chini?
Badiyiwana ba Jesu ba kati: “Atingatubule kuletja kulebeleka ngekwe tjatakabona ne tjatakahwa.” (Mishingo 4:20) Ba ka be be tolela malebeswa pezhugwi kwa ba ka pelela be shaka ku budza bathu banjinji ne kwawo. A u no zwiwa ne zila i no fanana? Ha ili kuti kwa ka jalo, shaka zwibaka zwe ku budza be nsha uwo ne bakhwinya cha wa zwidiya.—Bala Bakolosa 4:6.
Zila dzingwe dza u nga tangisa ku rera nadzo
-
Ha u lebesana ne be nsha, tangisa ne ku leba khani ingwe ye Baibili uti: “Nda ka zwidiya chingwe chi no shathisa kwazo viki iyeyi.”
-
Budza nkhwinya u no gwala kene u no dziyidzika ne kwe ndimana i nga mbatsha ya wa shathila mu Baibili.
-
Ha mu buzwana mamuko ne ba u no shinga nabo, ba budze ne kwe cha wa zwidiya mu thuto iyo ye Baibili kene ku zwidiyo zwe gubungano.
-
Lakidza bakhwinya babo website ye jw.org.
-
Kumbila bangwe kuti ba be nawe mu thuto iyo ye Baibili kene u ba lakidze kuti ba nga zwikumbilila iyo chini mu jw.org.
2. Ini ku zwimisila ku rera ne gubungano ili chithu chi no tolegwa pezhugwi?
Badiyiwana ba Jesu ha ba zo rerela koga bathu ba ba no ziba ndebo mbuya. Jesu wa “kabatuma bubili nge bubili kuyenda mbeli kukwe, ku nzi mmwe ne mmwe” kuti ba no rera. (Luka 10:1) Ndongoloso iyeyo ye nshingo we ku rera ya ka pa banjinji chibaka che ku hwa ndebo mbuya. Badiyiwana ba Jesu ba ka shathisiwa kwazo ne ku rera bali bose. (Luka 10:17) A nawebo u nga da ku zwimisila ku rera ne gubungano?
ZWIDIYE KWA KA NGINILILA
Bona se kwa u nga mililana ne ku tshuga ngono u zwibonele ku shatha ku no dwa mu ku rera ndebo mbuya.
3. Ziba kuti Jehova u nowo ku batsha
Bangwe ba no shaka ku rera, ba ngana ba ka tshusiwa ne kuti bathu ba nowo ba linga kene ba nowo ba dabila chini.
-
A u no tshusiwa ne ku budza bangwe cha wa zwidiya? Ne kutini?
Zana VIDIYO, mu be mu lebesana ne kwe buzo i no tobela.
-
Bafakazi ibaba bachechana ba ka mililana chini ne ku cha kwa ba ka be ba na ko?
Bala Izaya 41:10, mu be mu lebesana ne kwe buzo i no tobela:
-
Ku tembezela ku nga ku batsha chini ha u zwiwa u cha ku rera?
A wa gala u ziba?
Bunji gwe Bafakazi ba Jehova ba ka tongo zwiwa ba si na chibindi che ku rera. Ha ti lakidzila, Sergey, wa ka tongo zwiwa asi nthu we chingwe kakale e wana kwa ka nsimila ku lebesana ne bathu. Ngono a ka zwidiya Baibili. Akati: “Nenguba nda ka be ndi cha, nda ka tangisa lebesana ne bangwe ne kwe cha nda ka be ndi zwidiya. Cha ka ndi chenamisa wuti, ku budza bangwe ne kwe Baibili, kwa ka thama kuti ndi zwithembe. Kakale kwa ka simisa cha nda ka be ndi duma.”
4. Lakidza bangwe buthu
Ha u rerela bangwe ndebo mbuya, usi kumbulile koga cha u nowo leba ngono kumbulila se kwa u nga chi leba. Bala 2 Timoti 2:24 na 1 Pita 3:15, mu be mu lebesana ne kwe buzo dzi no tobela:
-
U nga shingisa chini ndimana idzedzi ha u lebeleka ne bangwe ne kwe Baibili?
-
Bangwe be nsha uwo kene bakhwinya ba ngana ba ka si dumane nawe. Ini cha u nga thama? Ini cha u sa ka fanila thama?
-
Ini kuli butuka ku shingisa buzo ne buchenjedu mu bumo gwe ku budza bathu kuti ba dumeni?
5. Ku rera ndebo mbuya ko shathisa
Jehova wa ka pa Jesu nshingo we ku rera ndebo mbuya. Jesu wa ka be e linga nshingo iwoyo chini? Bala Johani 4:34, mu be mu lebesana ne kwe buzo dzi no tobela:
-
Ku ja zojiwa zwa ka lulwamila mbili ko thama kuti ti dwilile ti chila kakale ko ti shathisa. Ini Jesu a ka be e fanisa ku thama ku da kwe Ndzimu, ku no shanganyila ku rera ndebo mbuya—ne ku ja zojiwa?
-
U no kumbula kuti ku rera ndebo mbuya ku nga shathisa nthu chini?
Zwa u Nga Thama
-
Mu zwidiyo zwe pakati kwe viki, shaka zila dza u nga tangisa ku lebesana ne bangwe nadzo.
-
Kumbulila ku zwikwalisa ku be ndiyiwana mu zwidiyo zwe pakati kwe viki. Mishingo i no piwa badiyiwana i nga ku batsha kuti u zwiwe wa ka zwibaakanyila ku budza bangwe ne kwe cha u no zwidiya.
-
Mu dzithuto idzedzi, shingisa pa noyi “Bathu Bangwe ba Kati “ kene “Ungwe u Ngana a Kati” ku zwibaakanyila se kwa u nga dabila buzo dzi no buzwiwa kwazo kene chi no nyanyaidziwa.
UNGWE U NGANA A KATI: “Ku chani? Wa gala uli ngayi?”
-
U nga shingisa chibaka ichechi chini ku mbudza ne kwe cha wa zwidiya mu Baibili?
CHA WA ZWIDIYA
Ku rera ndebo mbuya ko shathisa, ngono ha kuzo sima ku tangisa.
U Nga Tini?
-
Ini ta ka fanila ku rerela bangwe ndebo mbuya?
-
U nga thama u jalo chini ne buthu?
-
U nga mililana chini ne ku tshuga kwa u ngabe na ko ne kwe ku rera?
SHAKISISA
Bona zila dzili 4 dza u nga rera ndebo mbuya u shingisa karata ye ku zwizibisa ye jw.org.
Chilakidzilo Che ku Shingisa Karata ye JW.ORG ye ku Zwizibisa (1:43)
Zwidiye ne kwe zwithu zwili 4 zwi nga ku batsha ku rera ndebo mbuya.
“A wa ka Zwi Baakanyila ku be Mbati we Bathu?” (Thungamakole, September 2020)
Bona se kwa chilakidzilo che Baibili chi nga ti pa chibindi che ku rera ndebo mbuya nenguba tili bachechana.
Bona se kwa u nga lebeleka ne kwe Baibili ne be nsha uwo ba sathu ba ka zwidiya ne kwa Jehova.
“Ku Swikilila Moyo we be Lutshinga ba si Nga Dumile” (Thungamakole, March 15, 2014)
Kakale u Nga Shathila ku Bona
BUZO DZI NO BUZWIWA KANJINJI
Course ye ku Zwidiya Baibili i no Piwa ne Bafakazi ba Jehova Ndi Ipi?
U shingisa ndongoloso ye mahala ye ku zwidiya i no piwa ne Bafakazi ba Jehova, u nga shingisa Baibili ingwe ne ingwe. Sungunuka ku laletsa be nsha uwo kene bakhwinya babo.
