1. Jehova u no shakila bathu bose ini?

 JEHOFA o re bopile re na le bokgoni jwa go itirela ditshwetso. Re dira ditshwetso letsatsi le letsatsi. Tshwetso ya botlhokwa thata e re ka e dirang ke ya go ineela mo go Jehofa le go mo direla re na le bakaulengwe le bokgaitsadi. Jehofa o batla gore mongwe le mongwe wa rona a dire jalo. Ka ntlha ya eng? Ka gonne o rata batho e bile o ba batlela dilo tse di molemo. O batla gore ba atamalane le ene le gore ba tshelele ruri.​—Dute. 30:19, 20; Bagal. 6:7, 8.

2. Jehova u no linga chini bachinyi ba singa shanduke? (1 Johani 2:1)

² Jehofa ga a pateletse ope gore a mo direle. O batla gore mongwe le mongwe wa rona a itirele tshwetso eo. Mme go tweng fa Mokeresete yo o kolobeditsweng a dira boleo jo bo masisi? Fa a sa ikwatlhaye, o tshwanetse go tlosiwa mo phuthegong. (1 Bakor. 5:13) Le fa go ntse jalo, Jehofa o batla gore motho yoo a ikwatlhaye le gore a atamalane le ene gape. Tota e bile, lebaka la botlhokwa la go bo Jehofa a ntshitse thekololo ke gore a itshwarele batho ba ba ikwatlhayang. (Bala 1 Johane 2:1.) E re ka Jehofa e le Modimo yo o lorato, o rotloetsa batho ba ba dirileng boleo jo bo masisi gore ba ikwatlhaye.​—Seka. 1:3; Bar. 2:4; Jak. 4:8.

3. Towo zwidiyani mu chidiyo ichechi?

 ³ Jehofa o batla gore re ikutlwe ka tsela e a ikutlwang ka yone ka boleo le ka batho ba ba dirileng boleo jo bo masisi. Mo setlhogong seno, re tlile go bona gore (1) moaposetoloi Paulo o ile a bolelela Bakeresete ba kwa Korintha gore ba dire eng fa mokaulengwe mongwe a ne a dirile boleo jo bo masisi, (2) gore Paulo o ile a re ba dire eng fa monna yoo a sena go ikwatlhaya, le (3) gore Jehofa o ikutlwa jang ka batho ba ba dirang boleo jo bo masisi.

SE KWA KWA KA BE KU LINGWA MILANDU MIKULU MU CENTURY YE KUTANGA

4. Kwa ka be kwa chi be ne chimo cha ka tini mu gubungano le century ye kutanga mu Korinta? (1 Bakorinta 5:1, 2)

⁴ Bala 1 Bakorintha 5:1, 2. Fa Paulo a le mo loetong lwa gagwe lwa boraro lwa borongwa, o ile a utlwa gore go ne go direga sengwe se se sa siamang mo phuthegong e e neng e sa tswa go tlhomiwa kwa Korintha. Mokaulengwe mongwe o ne a tlhakanela dikobo le mosadi wa ga rraagwe. Tota le batho ba ba neng ba sa direle Jehofa ba ne ba itse gore go dira jalo go phoso. Le fa go ntse jalo, bakaulengwe le bokgaitsadi ba phuthego eo ba ka tswa ba ne ba tsaya gore go siame gore mokaulengwe yoo a itshware ka tsela eo. Gongwe ba ne ba akanya gore go dira jalo go bontsha gore ba kutlwelobotlhoko jaaka Jehofa. Mme gone, Jehofa ga a letlelele batho ba gagwe gore ba dire boitsholo jo bo sa siamang. Tsela e monna yoo a neng a itshwara ka yone e ka tswa e ile ya dira gore batho bangwe ba ba neng ba sa direle Jehofa ba gakgamale, mme ba simolole go bua dilo tse di sa siamang ka batho ba ga Jehofa. Fa monna yoo a ne a ka tlogelwa gore a tswelele a le mo phuthegong, Bakeresete ba bangwe ba ne ba ka mo etsa. Ka jalo, Paulo o ne a re phuthego e dire eng?

5. Paulo wa ka ti gubungano li thameni, ngono wa ka be e dwa chini? (1 Bakorinta 5:13) (Bona itshwantsho.)

⁵ Bala 1 Bakorintha 5:13. Jehofa o ile a tlhotlheletsa Paulo gore a kwalele phuthego eo lekwalo mme a tlhalose gore motho yoo yo o neng a sa ikwatlhaye o tshwanetse go tlosiwa mo phuthegong. Bakaulengwe le bokgaitsadi ba ne ba tshwanetse go dirisana le ene jang? Paulo o ne a ba bolelela gore ba “tlogele go dirisana” le ene. O ne a raya jang? O ile a tlhalosa gore taelo eo e akaretsa gore ba se ka ba “ja le motho yo o ntseng jalo.” (1 Bakor. 5:11) Fa o ja le mongwe, o fetsa nako le ene e bile o tlotla le ene. Seo se ka dira gore lo simolole go fetsa nako e ntsi lo le mmogo. Ka jalo, kgakololo e Paulo a neng a ba e naya e ne e  raya gore ga ba a tshwanela go dirisana le monna yoo. Go dira jalo go ne go tla sireletsa phuthego. (1 Bakor. 5:5-7) Mo godimo ga moo, go ne go tla thusa monna yoo go lemoga gore o utlwisitse Jehofa botlhoko le gore a swabele se a se dirileng a bo a ikwatlhaye.

6. Likwalo gwa Paulo gwa ka batsha gubungano kose ne nchinyi chini?

⁶ Fa Paulo a sena go romelela Bakeresete ba kwa Korintha lekwalo, o ne a ipotsa gore ba ne ba ikutlwa jang ka lone. Fa nako e ntse e tsamaya, Tito o ne a mo tlisetsa dikgang tse di monate. Bakeresete bao ba ne ba amogetse lekwalo leo, e bile ba ne ba dirile se a neng a laetse gore ba se dire. (2 Bakor. 7:6, 7) Se se itumedisang le go feta ke gore fa phuthego e sena go dira se Paulo a neng a ba laetse gore ba se dire, monna yoo o ne a ikwatlhaya. O ile a tlogela go dira boitsholo jo bo sa siamang mme a simolola go ikobela melao ya ga Jehofa ya boitsholo. (2 Bakor. 7:8-11) Ke eng gape  se Paulo a ileng a laela phuthego gore e se dire?

SE KWA GUBUNGANO LA KA BE LA KA FANILA SHINGIDZANA NE NCHINYI WA KA SHANDUKA

7. Ku dusa nchinyi mu gubungano kwa ka be ku pelela neni cha ka naka? (2 Bakorinta 2:5-8)

⁷ Bala 2 Bakorintha 2:5-8. Paulo o ne a re “tsela e motho yoo yo o leofileng a kgalemilweng ke batho ba le bantsi ka yone e lekane.” Seno se raya gore fa monna yoo a sena go tlosiwa mo phuthegong, o ile a lemoga gore o tshwanetse go ikwatlhaya. Ka jalo, go ne go sa tlhokege gore a tswelele a otlhaiwa.​—Baheb. 12:11.

8. Paulo wa ka ti gubungano li thameni kakale?

⁸ E re ka monna yoo a ne a ikwatlhaile, Paulo o ile a bolelela bagolwane gore ba mmusetse mo phuthegong. Gape o ile a ba bolelela gore ba ‘mo itshwarele ka pelo yotlhe le gore ba mo gomotse’ ba bo ba ‘mo tlhomamisetse gore ba a mo rata.’ Paulo o ne a batla gore bakaulengwe bao ba bontshe ka se ba se buang le se ba se dirang gore ba itshwaretse monna yoo le gore ba a mo rata. Seo se ne se tla dira gore a lemoge gore ba itumelela go bo a boetse mo phuthegong.

9. Ini bangwe ba ka be be simigwa ne ku zwibatigwa nchinyi wa ka shanduka?

⁹ Go ka tswa go ne go le thata gore bangwe ba itshwarele monna yo o neng a ikwatlhaile fa a ne a boela mo phuthegong. Goreng re rialo? Bangwe ba ka tswa ba ne ba galefisitswe ke gore o bakile mathata a le mantsi mo phuthegong. Ba bangwe bone ba ka tswa ba ne ba sa ntse ba utlwisitswe botlhoko ke se a se dirileng. Ba bangwe bone ba ka tswa ba ne ba tsaya gore ga go utlwale gore a busediwe mo phuthegong mme bone ba ne ba dira sotlhe se ba ka se kgonang go ikobela melao ya ga Jehofa. (Bapisa le Luke 15:28-30.) Goreng go ne go le botlhokwa gore bakaulengwe le bokgaitsadi ba bontshe gore ba rata mokaulengwe wa bone yo o neng a ikwatlhaile?

10-11. Ku nga shingikalani ha bakugwana ba singa shake ku zwibatigwa nchinyi wa ka shanduka?

¹⁰ Monna yoo o ne a ka ikutlwa jang fa bagolwane ba ne ba ka se mo letle go boela mo phuthegong fa a sena go ikwatlhaya? Kgotsa o ne a ka ikutlwa jang fa a sena go boela mo phuthegong mme bakaulengwe le bokgaitsadi ba bo ba sa mmontshe lorato? O ne a tla “fekeediwa ke go utlwa botlhoko jo bo feteletseng.” O ne a ka akanya gore ga a kitla a direla Jehofa gape. Gongwe o ne a ka tsaya gore matsapa a a a tsayang gore a atamalane le Jehofa ke a lefela.

¹¹ Ke eng gape se se neng se ka direga fa bakaulengwe le bokgaitsadi ba ne ba ka se ka ba itshwarela monna yo o neng a ikwatlhaya? Ba ne ba tla senya botsala jwa bone le Jehofa. Goreng re rialo? Ka gonne ba ne ba tla bo ba sa etse Jehofa yo o itshwarelang baleofi ba ba ikwatlhayang, go na le moo ba ne ba tla bo ba etsa Satane yo o setlhogo e bile a se kutlwelobotlhoko. Tota e bile, ba ne ba tla bo ba letla Satane gore a ba dirise go kgoba monna yoo marapo gore a se ka a direla Jehofa.​—2 Bakor. 2:10, 11; Baef. 4:27.

12. Gubungano li nga yedza Jehova chini?

¹² Mme gone, Bakeresete ba kwa Korintha ba ne ba ka bontsha jang gore ba etsa Jehofa, e seng Satane? Ba ne ba ka itshwarela batho ba ba ikwatlhayang fela jaaka Jehofa a dira. Ela tlhoko gore bakwadi bangwe ba Baebele ba ne ba reng ka Jehofa. Dafide o ne a re Jehofa “o ikemiseditse go itshwarela.” (Pes. 86:5) Mika o ne a re: “Ke Modimo ofe yo o tshwanang le wena, yo o itshwarelang phoso e bile a tlhokomologa molato.” (Mik. 7:18) Isaia ene o ne a re: “A motho yo o bosula a tlogele  tsela ya gagwe le motho yo o utlwisang ba bangwe botlhoko a tlogele dikakanyo tsa gagwe; a a boele kwa go Jehofa, yo o tla mo utlwelang botlhoko, kwa Modimong wa rona, ka gonne o tla mo itshwarela ka bopelotshweu.”​—Isa. 55:7.

13. Ini kwa ka be kwa ka fanila ku gwiliza nchinyi wa ka shanduka mu gubungano? (Bona box li noti “ Monna wa Kwa Korintha O ne A Busediwa Leng mo Phuthegong?”)

¹³ Bakeresete ba kwa Korintha ba ne ba tshwanetse go etsa Jehofa ka go amogela monna yoo mo phuthegong le go mmontsha gore ba a mo rata. Paulo o ne a re fa ba ne ba ka mo itshwarela, ba ne ba tla bo ba bontsha gore ba “reetsa dilo tsotlhe” tse ba di kwaletsweng. (2 Bakor. 2:9) Le fa monna yoo a ne a na le dikgwedi di le mmalwa fela a tlositswe mo phuthegong, o ile a ikwatlhaya. Ka jalo, go ne go sa tlhokege gore bagolwane ba tseye lobaka lo loleele go mmusetsa mo phuthegong.

KU KUMBULILA NDULAMO NE MAHWILANGONI A JEHOVA

14-15. Ta zwidiyani mu zila ya ka be khani i bakhwa nayo mu Korinta wa ntolo? (2 Pita 3:9) (Bona itshwantsho.)

¹⁴ Se se neng sa direga kwa Korintha wa bogologolo, se tsentswe mo Baebeleng gore ‘se re rute.’ (Bar. 15:4) Pego eno e re bontsha gore Jehofa ga a letlelele batho ba ba dirang boleo jo bo masisi e bile ba sa ikwatlhaye gore ba tswelele ba le mo phuthegong ya gagwe. Batho bangwe ba ka akanya gore e re ka Jehofa  a le “kutlwelobotlhoko,” o tla letlelela motho yo o sa ikwatlhayeng gore a tswelele a le mo phuthegong. Mme ga go a nna jalo ka gonne ga a letlelele boitsholo jo bo sa siamang. Melao ya gagwe ya se se siameng le se se sa siamang ga e fetoge. (Jude 4) Jehofa o ne a tla bo a se kutlwelobotlhoko fa e le gore o ne a tla letlelela batho ba ba sa ikwatlhayeng gore ba tswelele ba le mo phuthegong ka gonne seo se ne se tla tsenya phuthego mo kotsing.​—Diane 13:20; 1 Bakor. 15:33.

¹⁵ Gape re ithuta gore Jehofa ga a batle gore ope a sengwe. Go na le moo, o batla gore batho ba bolokwe. O kutlwelobotlhoko mo bathong ba ba tlogelang boitsholo jo bo sa siamang, mme ba batla go nna ditsala tsa gagwe gape. (Esek. 33:11; bala 2 Petere 3:9.) Ka jalo, fa monna wa kwa Korintha a ne a ikwatlhaya a bo a tlogela boitsholo jo bo sa siamang, Jehofa o ile a dirisa Paulo gore a laele bakaulengwe le bokgaitsadi gore ba itshwarele monna yoo le gore ba mo amogele mo phuthegong.

16. U no zwihwa chini ne zila ya ka be khani i bakhwa nayo ku Korinta?

¹⁶ Se se ileng sa direga kwa phuthegong ya kwa Korintha se re bontsha gore Jehofa o lorato, o siame e bile o tshiamiso. (Pes. 33:5) Seno se dira gore re batle go baka Jehofa le go feta. Re lebogela go bo Jehofa a le kutlwelobotlhoko ka gonne re baleofi e bile re tlhoka gore a re itshwarele. Gape re lebogela go bo Jehofa a ntshitse thekololo gore a re itshwarele maleo. Go a gomotsa go itse gore Jehofa o rata batho ba gagwe e bile o ba batlela dilo tse di molemo.

17. Towo zwidiyani mu zwidiyo zwi no tobela?

¹⁷ Fa mongwe mo phuthegong a dira boleo jo bo masisi, bagolwane ba ka bontsha jang gore ba etsa Jehofa, e bile ba ka thusa motho yoo jang gore a ikwatlhaye? Ba ba mo phuthegong ba tshwanetse go itshwara jang fa bagolwane ba dirile tshwetso ya go tlosa kgotsa ya go busetsa mongwe mo phuthegong? Re tla tlotla ka dipotso tseno mo ditlhogong tse di latelang.