1. Ku kumbulila kwa ka nginilila ne kwe thembiso ya Jehova ye buchilo gu singa pele ko ti ama chini?

 JEHOFA o solofetsa gore ba ba mo ikobelang ba tla bona “botshelo jo bo sa khutleng.” (Bar. 6:23) Fa re akanyetsa kwa teng ka se Jehofa a re solofetsang sone, tsela e re mo ratang ka yone e a gola. Akanya fela: Rraarona yo o kwa legodimong o re rata fela thata, mo e leng gore ga a kitla a letla sepe se re kgaoganya le ene.

2. Ku be ne thembo ye buchilo gu singa pele ko ti batsha chini?

² Tsholofetso ya Modimo ya gore o tla re naya botshelo jo bo sa khutleng e re thusa gore re itshokele diteko gone jaanong. Tota le fa batho ba ba sa re rateng ba ka re bolelela gore ba tlile go re bolaya, ga re kitla re kgaotsa go direla Jehofa. Ka ntlha ya eng? Lengwe la mabaka ke gore fa re ka swa re ikanyega mo go Jehofa, o tla re tsosa e bile re tla nna le tsholofelo ya gore ga re kitla re swa gape. (Joh. 5:28, 29; 1 Bakor. 15:55-58; Baheb. 2:15) Goreng re ka tlhatswega pelo gore re ka tshelela ruri? Akanya ka mabaka a a latelang.

3. Ini ti nga themba kuti Jehova u nga khona ku thama kuti ti chilile cha chose? (Pisalema 102:12, 24, 27)

³ Re a itse gore Jehofa a ka kgona go dira gore re tshelele ruri ka gonne ke motswedi wa botshelo e bile o tshelela ruri. (Pes. 36:9) Go na le ditemana di le mmalwa tsa Baebele tse di bontshang gore Jehofa ga a bolo go nna teng le gore o tla tswelela a le teng. Pesalema 90:2 e re bolelela gore Jehofa o “tswa bosasimologeng go ya bosakhutleng.” Pesalema 102 le yone e gatelela ntlha e e tshwanang. (Bala Pesalema 102:12, 24, 27.) E bile moporofeti Habakuke o ne a kwala jaana ka Rraarona yo o kwa legodimong: “Jehofa, a ga se wena yo o ntseng o le teng  go tswa bosasimologeng? O Modimo wa me yo o Boitshepo e bile ga o swe.”—Hab. 1:12.

4. A ta ka fanila hwa zogwadza ha ti singa hwisise nkumbulo we kuti Jehova ha a zo tongo sa be po? Chenesa.

⁴ A go thata go dumela gore Jehofa o tshela “ka bosakhutleng”? (Isa. 40:28) Batho ba le bantsi le bone ba thatafalelwa ke go dumela kgang eno. Elihu o ne a bua jaana ka Modimo: “Dingwaga tsa gagwe ga di ka ke tsa balega.” (Jobe 36:26) Mme gone, fa motho a sa tlhaloganye sengwe, seo ga se reye gore selo seo ga seyo. Ka sekai, fa o sa tlhaloganye gore go tla jang gore lebone la motlakase le ntshe lesedi, a seo se raya gore lesedi ga leyo? Nnyaa! Ka tsela e e tshwanang, re ka nna ra se ka ra tlhaloganya kgang ya gore Jehofa ga a bolo go nna teng, e bile o tla tswelela a le teng. Mme seno ga se reye gore Modimo ga a tshelele ruri. Mmopi wa rona ga a laolwe ke se re kgonang go se tlhaloganya le se re sa se tlhaloganyeng. (Bar. 11:33-36) E bile o nnile teng pele dilo tsotlhe di nna gone, go akaretsa letsatsi le dinaledi. Jehofa o re tlhomamisetsa gore “o [dirile] lefatshe ka maatla a gagwe.” E bile ga a bolo go nna teng pele “a phutholola magodimo.” (Jer. 51:15; Dit. 17:24) Lebaka le lengwe la go bo re ka tshepa gore re ka kgona go tshelela ruri ke lefe?

5. Nlume ne nkadzi be kutanga ba ka be ba ka lingilila buchilo gwa ka tini?

⁵ Fa nako e ntse tsamaya, ditshedi tsotlhe tse Jehofa a di bopileng tse di mo lefatsheng di ne di tlile go swa, batho ke bone fela ba ba neng ba se kitla ba swa. O ne a ba neile tsholofelo ya go tshelela ruri. Le fa go ntse jalo, Jehofa o ne a tlhagisa Adame jaana: “Fa e le setlhare sa kitso ya molemo le bosula sone, o se ka wa ja leungo la sone, gonne ka letsatsi le o le jang ruri o tla swa.” (Gen. 2:17) Fa Adame le Efa ba ka bo ba ikobetse Jehofa, ba ka bo ba sa swa. Go a utlwala go dumela gore fa nako e ntse e tsamaya, Jehofa o ne a tla ba naya tshono ya go ja mo “setlhareng sa botshelo.” Seo e ne e tla nna bosupi jwa gore Jehofa o ba tlhomamisetsa gore ba tla “tshelela ruri.” b—Gen. 3:22.

6-7. (a) Chingwe chi no lakidza kuti bathu ba ka be ba sa bumbigwa ku fa ini? (b) I zwithu zwipi zwa u nga shaka ku be nazo? (Bona zwitshwantsho.)

⁶ Go a kgatlha gore baitsesaense bangwe ba ile ba lemoga gore boboko jwa rona, bo kgona go tshwara tshedimosetso e ntsi go feta e re ithutang yone fa re sa ntse re tshela. Ka 2010, setlhogo sengwe mo bukeng ya Scientific  American Mind se ne sa re boboko jwa motho bo kgona go tshwara tshedimosetso ya dithulaganyo tsa TV tse di tsayang diura di le dimilione di le tharo (mo e ka nnang dingwaga di feta 300). Gongwe e bile boboko jwa rona bo kgona go tshwara tshedimosetso e e fetang eo. Seno se bontsha gore Jehofa o dirile gore bo kgone go tshwara tshedimosetso e e fetang e re kgonang go ithuta yone mo dingwageng di le 70 kgotsa di le 80.—Pes. 90:10.

⁷ Gape Jehofa o re bopile re na le keletso ya go tshelela ruri. Baebele e re bolelela gore Modimo o dirile gore batho ba nne le “keletso ya go tshelela ruri.” (Mor. 3:11) Ke gone ka moo re tsayang loso e le mmaba. (1 Bakor. 15:26) Fa re lwala thata, a re nna fela re bo re letela go swa? Nnyaa. Go le gantsi re ya ngakeng, kgotsa re nwa melemo e e tla re thusang mo bolwetseng joo. Tota e bile, re dira sotlhe se re ka se kgonang gore re se ka ra swa. Mme fa mongwe yo re mo ratang a swa, a ka tswa a le monnye kgotsa a godile, re utlwa botlhoko ka lobaka lo loleele. (Joh. 11:32, 33) Re ka kgona go tswelela re ithuta go ya go ile, e bile re na le keletso ya go tshelela ruri ka gonne Mmopi wa rona yo o lorato o re bopile jalo. Ga re belaele gore o tla dira gore re tshelele ruri. Mme go sa ntse go na le mabaka a le mantsi a go dumela gore re ka tshelela ruri. A jaanong re tlotleng ka dilo tse Jehofa a di dirileng mo nakong e e fetileng le tse a di dirang gone jaanong, tse di bontshang gore ga a fetola boikaelelo jwa gagwe jwa kwa tshimologong.

8. Ku yenda ne mazwimisilo a Jehova ne kwedu, Izaya 55:11 i no ti thembesani?

⁸ Tota le fa Adame le Efa ba ile ba leofa mme seo sa dira gore bana ba bone ba swe, Jehofa  ga a ka a fetola boikaelelo jwa gagwe. (Bala Isaia 55:11.) E sa ntse e le boikaelelo jwa gagwe gore batho ba ba ikanyegang ba tshelele ruri. Re itse seo ka ntlha ya dilo tse Jehofa a di buileng le tse a di dirileng gore a kgone go diragatsa boikaelelo jwa gagwe.

9. Ndzimu wa ka ti thembesani? (Daniele 12:2, 13)

⁹ Jehofa o solofeditse gore o tla tsosa baswi, a bo a ba naya tshono ya go tshelela ruri. (Dit. 24:15; Tito 1:1, 2) Monna yo o ikanyegang e bong Jobe o ne a itse gore Jehofa o batla go tsosa baswi. (Jobe 14:14, 15) Moporofeti Daniele o ne a itse gore batho ba tlile go tsosiwa ba bo ba newa tshono ya go tshelela ruri. (Pes. 37:29; bala Daniele 12:2, 13.) Bajuda ba motlha wa ga Jesu le bone ba ne ba itse gore Jehofa o ne a ka naya batlhanka ba gagwe ba ba ikanyegang “botshelo jo bo sa khutleng.” (Luke 10:25; 18:18) Jesu o ne a bua ka tsholofetso eno makgetlo a le mantsi, e bile ene ka boene o ne a tsosiwa ke Rraagwe.—Math. 19:29; 22:31, 32; Luke 18:30; Joh. 11:25.

10. Ku musiwa kwe bafi mu chibaka cha ka pinda ko lakidzani? (Bona itshwantsho.)

¹⁰ Jehofa ke ene a re neileng botshelo, e bile o na le maatla a go tsosa baswi. O ne a naya moporofeti Elija maatla a go tsosa morwa wa motlholagadi wa kwa Sarepate. (1 Dikg. 17:21-23) Moragonyana, Modimo o ne a thusa moporofeti Elisha gore a tsose morwa wa mosadi wa Moshunema. (2 Dikg. 4:18-20, 34-37) Batho bao le ba bangwe ba ba ileng ba tsosiwa, ke sesupo sa gore Jehofa o na le maatla a go tsosa baswi. Fa Jesu a ne a le mo lefatsheng, o ne a bontsha gore Rraagwe o ne a mo neile maatla a go tsosa baswi. (Joh. 11:23-25, 43, 44) Gone jaanong Jesu o kwa legodimong e bile o neilwe “taolo yotlhe kwa legodimong le mo lefatsheng.” Ka jalo, o tla kgona go diragatsa tsholofetso ya gore “botlhe ba ba mo mabitleng” ba tsosiwe mme ba nne le tsholofelo ya go tshelela ruri.—Math. 28:18; Joh. 5:25-29.

11. Ku tengunugwa mu lufu ko thama chini kuti ku khoneke ku chilila cha chose?

¹¹ Goreng Jehofa a ile a letla gore Morwawe yo a mo ratang a swe loso lo lo botlhoko? Jesu o ne a araba potso eo fa a ne a re: “Modimo o ratile lefatshe thata mo a ileng a ntsha Morwawe yo o tshotsweng a le esi, gore mongwe le mongwe yo o dumelang mo go ene a se ka a senngwa mme a nne le botshelo jo bo sa khutleng.” (Joh. 3:16) Fa Modimo a ne a ntsha Morwawe gore a re rekolole mo maleong a rona, o ne a re naya tshono ya gore re kgone go bona botshelo jo bo sa khutleng. (Math. 20:28) Moaposetoloi Paulo o ne a tlhalosa botlhokwa jwa se Modimo a se ikaeletseng fa a ne a re: “E re ka loso lo nnile gone ka motho a le mongwe, tsogo ya baswi le yone e tla nna gone ka motho a le mongwe. Gonne batho botlhe ba swa ka ntlha ya ga Adame, e bile batho botlhe ba tla tsosiwa ka ntlha ya ga Keresete.”—1 Bakor. 15:21, 22.

12. Bushe gwe Ndzimu gowo thama chini kuti mazwimisilo a Jehova a shingikadziwe?

¹² Jesu o ne a ruta balatedi ba gagwe go rapelela gore Bogosi Jwa Modimo bo tle le gore thato ya gagwe e diragale mo lefatsheng. (Math. 6:9, 10) Boikaelelo jo bongwe jwa Modimo ke gore batho ba tshelele ruri mo lefatsheng. Gore seo se direge, Jehofa o tlhomile Morwawe yo e leng Mesia gore e nne Kgosi ya Bogosi jwa Gagwe. Modimo o ntse a kokoanya batho ba le 144 000 go tswa mo lefatsheng gore ba dire mmogo le Jesu ba diragatsa thato ya Gagwe.—Tshen. 5:9, 10.

13. Jehova u no shingani ngwenu, ngono iwe gobe lilo ini?

¹³ Gone jaanong Jehofa o kokoanya “boidiidi jo bogolo” jwa batho e bile o ba  katisetsa gore ba kgone go busiwa ke Bogosi jwa gagwe. (Tshen. 7:9, 10; Jak. 2:8) Le fa gone batho ba le bantsi gompieno ba kgaogantswe ke letlhoo le dintwa, ba boidiidi jo bogolo bone ba leka ka natla go tlosa letlhoo lepe fela le le ka tswang le le teng. Ba bontsha ka se ba se dirang gore ba fetotse ditšhaka tsa bone go nna megoma. (Mik. 4:3) Go na le gore ba ye dintweng tse di bakang dintsho di le dintsi, ba thusa batho go bona “botshelo jwa mmatota” ka go ba ruta ka Modimo le ka maikaelelo a gagwe. (1 Tim. 6:19) Ba ka nna ba tlhoka madi ka gonne ba ema Bogosi Jwa Modimo nôkeng kgotsa ba malapa a bone ba ka ba ganetsa, le fa go ntse jalo Jehofa o netefatsa gore ba nna le sengwe le sengwe se ba se tlhokang. (Math. 6:25, 30-33; Luke 18:29, 30) Dilo tseno di re bontsha gore Bogosi Jwa Modimo ke selo sa mmatota e bile bo tla tswelela bo diragatsa boikaelelo jwa ga Jehofa.

14-15. Mazwimisilo a Jehova e ku pedzisa lufu a nowo shingikadziwa cha chose lini?

¹⁴ Gone jaanong Jesu ke Kgosi ya Bogosi Jwa Modimo kwa legodimong, mme o tlile go diragatsa dilo tsotlhe tse Jehofa a re solofeditseng tsone. (2 Bakor. 1:20) Fa e sa le ka 1914, Jesu o ntse a fenya baba ba gagwe. (Pes. 110:1, 2) Go ise go ye kae, Jesu le ba ba tla busang le ene ba tla fedisa batho ba ba bosula.—Tshen. 6:2.

¹⁵ Ka nako ya Puso ya Dingwaga Tse di Sekete,  Jesu o tla tsosa baswi a bo a dira gore batho botlhe ba ba ntseng ba ikobela Jehofa ba se ka ba tlhola ba nna le boleo. Morago ga teko ya bofelo, batho ba Jehofa a ba tsayang ba siame ba tla “rua lefatshe, mme ba tla nna mo go lone ka bosakhutleng.” (Pes. 37:10, 11, 29) Se se itumedisang ke gore “mmaba wa bofelo [e leng] loso” o tla ‘nyelediwa.’—1 Bakor. 15:26.

16. Mazwimisilo edu makulu e ku shingila Jehova ini?

¹⁶ Jaaka re bone, tsholofelo e re nang le yone ya go tshelela ruri e theilwe mo Lefokong la Modimo. Tsholofelo eo e ka re thusa gore re nne re ikanyega mo malatsing ano a a thata. Mme gone, gore re kgone go itumedisa Jehofa, ga re a tshwanela go ikaega fela ka keletso e re nang le yone ya go tshelela ruri. Lebaka la botlhokwa la go bo re nna re ikanyega mo go Jehofa le Jesu ke ka gonne re ba rata thata. (2 Bakor. 5:14, 15) Lorato loo lo re rotloetsa gore re ba etse, re bo re bolelele ba bangwe ka tsholofelo e re nang le yone. (Bar. 10:13-15) Fa re ithuta go sa nne pelotshetlha mme re nna pelotshweu, Jehofa o tla batla go nna tsala ya rona.—Baheb. 13:16.

17. Ta ka fanila tola thambo ipi ne bukwedu? (Matewu 7:13, 14)

¹⁷ A re tla nna bangwe ba batho ba ba tla tshelelang ruri? Jehofa o re neile tshono eo. Jaanong go ikaegile ka rona gore a re tswelela re le mo tseleng e e isang botshelong. (Bala Mathaio 7:13, 14.) Botshelo bo tla bo bo ntse jang fa re tshelela ruri? Re tla araba potso eno mo setlhogong se se latelang.