1-2. Ta ka fanila dwilila ti thamani shule kwe ku dubikiwa? Chenesa.

 O PHEPAFATSA ntlo ya gago ga kae? Gongwe o ile wa e phepafatsa mo go tseneletseng pele o fudugela mo go yone. Mme go ne go tla direga eng fa o ne o ka nna lobaka lo loleele o sa e phepafatse morago ga moo? Leswe le lerole di ne di tla koelana ka bonako. Gore ntlo ya gago e nne e le phepa, o tlhoka go e phepafatsa ka metlha.

² Ka tsela e e tshwanang, re tshwanetse go nna re baakanya tsela e re akanyang ka yone le botho jwa rona. Ke boammaaruri gore pele re kolobediwa, re ile ra dira ka natla go dira diphetogo mo botshelong jwa rona gore re ‘iphepafatse leswe lengwe le lengwe la nama le moya.’ (2 Bakor. 7:1) Le fa go ntse jalo, gone jaanong re tlhoka go reetsa kgakololo ya ga moaposetoloi Paulo ya gore re ‘tswelele re ntšhafatsa tsela e re akanyang ka yone.’ (Baef. 4:23) Goreng re tshwanetse go nna re ipaakanya? Ka gonne lefatshe leno le ka re kgotlela mme ka bonako fela la dira gore re se ka ra nna phepa fa pele ga ga Jehofa. Gore re itumedise Jehofa, re tshwanetse go nna re tlhatlhoba tsela e re akanyang ka yone, botho jwa rona, le dilo tse re di eletsang.

3. Ku “bumbiwa butshwa kwe mikumbulo” ko dwani? (Baroma 12:2)

³ Re tshwanetse go dira eng gore re fetole tsela e re akanyang ka yone? (Bala Baroma 12:2.) Mafoko a Segerika a a ranotsweng  e le “a fetole tsela e lo akanyang ka yone” a ka ranolwa e le “a baakanye megopolo ya lona.” Ka jalo, seno ga se reye gore re tshwanetse go dira dilo di le mmalwa fela tse di molemo. Go na le moo, re tshwanetse go tlhatlhoba se re leng sone ka fa teng mme re dire diphetogo tse di tlhokegang gore re kgone go ikobela melao ya ga Jehofa kafa re ka kgonang ka gone. Ga re a tshwanela go itshekatsheka gangwe fela, re tshwanetse go nna re dira jalo ka metlha.

4. Ti nga lambana chini ne ku bumbiwa mikumbulo ne shango iyeye?

⁴ Fa re sa tlhole re na le boleo, re tla kgona go itumedisa Jehofa ka sengwe le sengwe se re se dirang. Gone jaanong re sa ntse re na le boleo, ka jalo re tlhoka go nna re dira ka natla gore re itumedise Jehofa. Ela tlhoko gore mo go Baroma 12:2, Paulo o tlhalosa gore re tshwanetse go fetola tsela e re akanyang ka yone gore re kgone go itse se Modimo a batlang gore re se dire. Go na le go itetla go dira dilo ka tsela e batho ba lefatshe leno ba dirang dilo ka yone, re tshwanetse go itshekatsheka gore a re letla gore tsela e Jehofa a akanyang ka yone e tlhotlheletse mekgele e re ipeelang yone le ditshwetso tse re di dirang, e seng tsela e lefatshe leno le dirang dilo ka yone.

5. Ti nga baakanya mikumbulo yedu chini ne kwe ku sedzela kwe zhuba la Jehova? (Bona itshwantsho.)

⁵ Ela tlhoko sekai seno. Re tshwanetse go ‘tswelela re akantse thata ka’ “letsatsi la ga Jehofa” ka gonne o batla gore re dire jalo. (2 Pet. 3:12) Ipotse jaana: ‘A tsela e ke tshelang ka yone e bontsha gore ke tlhaloganya gore lefatshe leno le le bosula le gaufi le go fela? A tshwetso e ke e dirang ya go ya yunibesithing kgotsa tiro e ke e tlhophang e bontsha gore go direla Jehofa ke selo sa botlhokwa thata mo botshelong jwa me? A ke dumela gore Jehofa o tla tlhokomela nna le ba  lelapa la me kgotsa ke nnela go tlhobaela ka gore ke tla bona jang dilo tse re di tlhokang?’ Jehofa o itumela tota fa a bona re leka ka natla go dira thato ya gagwe mo go sengwe le sengwe se re se dirang.—Math. 6:25-27, 33; Bafil. 4:12, 13.

6. Ta ka fanila dwilila ti thamani?

⁶ Re tlhoka go sekaseka tsela e re akanyang ka yone ka metlha re bo re dira diphetogo tse di tlhokegang. Paulo o ne a raya Bakorintha a re: “Nnang lo itlhatlhobe gore a lo mo tumelong; nnang lo itshupe gore lo batho ba ba ntseng jang.” (2 Bakor. 13:5) Go nna “mo tumelong” ga go reye fela go nna gone kwa dipokanong le go rera ka metlha. Gape go raya tsela e re akanyang ka yone, dilo tse re di eletsang le se re ikaeletseng go se dira. Ka jalo, re tshwanetse go fetola tsela e re akanyang ka yone ka go ithuta Lefoko la Modimo, go akanya ka tsela e a akanyang ka yone le ka go dira sotlhe se re ka se kgonang gore re mo itumedise.—1 Bakor. 2:14-16.

7. Ku yenda na Baefesiya 4:31, 32, ini cha ta ka fanila thama kakale, ngono ini ichecho i si chithu chilelu?

⁷ Bala Baefeso 4:31, 32. Selo se sengwe sa botlhokwa se re tlhokang go se dira ke go ‘apara botho jo bosha.’ (Baef. 4:24) Seno se tlhoka gore re dire ka natla. Gape re tshwanetse go dira sotlhe se re ka se kgonang go tlogela mekgwa e e sa siamang e e jaaka kgakalo, bogale le tšhakgalo. Goreng seno e ka nna kgwetlho? Ka gonne go ka nna thata gore re tlogele mekgwa mengwe e e sa siamang. Ka sekai, Baebele e a re go na le batho bangwe “ba ba ratang bogale” le “ba ba ratang go shakgala.” (Diane 29:22) Motho yo o nang le mekgwa eo e e sa siamang a ka nna a tshwanelwa ke go tswelela a dira ka natla gore a e tlogele le fa a sena go kolobediwa.

8-9. Cha ka shingikalila Stephen cho lakidza chini kuti ko sheteka ku lamba mikumbulo ya ntolo?

⁸ Go ne go le thata gore mokaulengwe mongwe yo o bidiwang Stephen a tlogele go galefa. A re: “Tota le fa ke ne ke kolobeditswe, ke ne ke tshwanelwa ke go laola maikutlo a me. Ka sekai, nako nngwe fa re ne re ruta batho Baebele mo magaeng a bone, ke ne ka lelekisa legodu le le neng le sa tswa go utswa radio ya koloi ya me. Fa ke tloga ke le tshwara, le ne la e latlhela fa fatshe le bo le sia. Fa ke bolelela ba ke neng ke tsamaya le bone gore ke bone radio ya me jang, mogolwane mongwe mo setlhopheng seo o ne a mpotsa jaana, ‘Stephen o ka bo o dirile eng fa o ne o mo tshwere?’ Potso eo e ne ya dira gore ke akanye mme ya ntlhotlheletsa gore ke lwele go agisana le ba bangwe.” b

⁹ Fela jaaka re bone mo sekaong sa ga Stephen, le fa re ka akanya gore re tlogetse mokgwa mongwe o o sa siamang, o ka nna wa bonala re sa lebelela. Fa seo se go diragalela, o se ka wa kgobega marapo mme wa akanya gore o Mokeresete yo o sa siamang. Tota le moaposetoloi Paulo o ne a re: “Fa ke batla go dira se se siameng, se se bosula se gone mo go nna.” (Bar. 7:21-23) Bakeresete botlhe ba tshwanetse go lwantsha mekgwa mengwe e e sa siamang e e nnang e tlhaga, fela jaaka ba tshwanetse go nna ba phepafatsa matlo a bone gore leswe le lerole di se ka tsa koelana. Re tshwanetse go dira ka natla gore re nne re le phepa. Re ka dira seo jang?

10. Ti nga gwisana ne mikumbulo i sa ka lulwama chini? (1 Johani 5:14, 15)

¹⁰ Bolelela Jehofa ka mokgwa mongwe o o sa siamang o go leng thata go o tlogela, mme o tlhatswege pelo gore o tla go reetsa a bo a  go thusa. (Bala 1 Johane 5:14, 15.) Le fa Jehofa a ka se ka a tlosa mokgwa oo ka kgakgamatso, o tla go nonotsha gore o se ka wa ineela mme wa boela mo go one. (1 Pet. 5:10) Mme gone, o tshwanetse go dira go dumalana le se o se rapeletseng ka go tlogela dilo tse di ka go busetsang kwa mekgweng ya botho jo bogologolo. O tshwanetse go ikela tlhoko gore o se ka wa lebelela di-movie, mananeo a thelebishene kgotsa wa bala dikgang dingwe tse di dirang gore go lebege e kete mokgwa oo o o batlang go o tlogela o siame. Gape o se ka wa itetla go nna o akanya ka dilo tse di sa siamang.—Bafil. 4:8; Bakol. 3:2.

11. Ti nga tola thambo dzipi ku dwilila ti lakidzana buthu?

¹¹ Le fa o apotse botho jo bogologolo, go botlhokwa gore o dire ka natla go apara botho jo bosha. O ka dira seo jang? Ipeele mokgele wa go etsa Jehofa ka go ithuta ka botho jwa gagwe. (Baef. 5:1, 2) Ka sekai, fa o bala pego nngwe ya Baebele e e bontshang kafa Jehofa a itshwarelang ka gone, ipotse jaana, ‘A ke itshwarela batho ba bangwe?’ Fa o bala kafa Jehofa a bontshang batho ba ba humanegileng bopelonomi ka gone, ipotse gore, ‘A ke ikutlwa ka tsela e e tshwanang ka bakaulengwe le bokgaitsadi ba me ba ba tlhokang, e bile ke bontsha seo ka se ke se dirang?’ Tswelela o fetola tsela e o akanyang ka yone ka go apara botho jo bosha le go nna pelotelele fa o ntse o dira jalo.

12. Stephen wa ka zwibonegwa masimba e Baibili a no shandula nkumbulo chini?

¹² Stephen yo re buileng ka ene pelenyana, o ne a lemoga gore fa nako e ntse e tsamaya, o ne a kgona go apara botho jo bosha. A re: “Fa ke sena go kolobediwa, ke ne ka lebana le maemo a mantsi a a neng a dira gore ke galefe. Ke ithutile go itsamaela fa batho ba nthumola kgotsa ke leka go rarabolola boemo ka ditsela tse dingwe. Batho ba le bantsi go akaretsa le mosadi wa me, ba ne ba nkakgolela tsela e ke rarabolotseng maemo ao ka yone. Tota ga ke dumele! Ga ke a dira diphetogo tseno ka bonna. Ke tsaya gore seno ke sesupo sa gore Baebele e na le maatla a go fetola motho.”

13. Ini chi nga ti batsha ku be ne njemulo dza ka lulwama? (Bagalatiya 5:16)

¹³ Bala Bagalatia 5:16. Jehofa o re naya moya wa gagwe o o boitshepo gore o re thuse go lwantshana le dikeletso tse di sa siamang. Fa re ithuta Lefoko la Modimo, re letla moya wa Modimo gore o dire mo go rona. Gape re amogela moya o o boitshepo fa re nna gone kwa dipokanong. Fa re le kwa go tsone, re fetsa nako e ntsi le bakaulengwe le bokgaitsadi ba rona ba le bone ba dirang sotlhe se ba ka se kgonang go dira se se siameng, e bile seo se a re kgothatsa. (Baheb. 10:24, 25; 13:7) Fa re rapela Jehofa Modimo ka tlhoafalo e bile re mo kopa gore a re thuse go lwantsha makoa mangwe, o tla re naya moya wa gagwe o o boitshepo go re thusa gore re se ka ra ineela. Go dira dilo tseno go ka se dire gore re se ka ra tlhola re nna le dikeletso tse di sa siamang, mme gone, go tla re thusa gore re se ka ra dira dilo tse di sa siamang. Fela jaaka Bagalatia 5:16 e bua, ba ba kaelwang ke moya ‘ga ba kitla ba diragatsa dikeletso tse di sa siamang.’

14. Ini ku sheteka kuti ti dwilile ti na njemulo dza ka lulwama?

¹⁴ Fa re setse re simolotse go dira dilo tse di re thusang go atamalana le Jehofa, go botlhokwa thata gore re se ka ra tlogela go di dira e bile re tshwanetse go nna re lwela go dira dilo tse di siameng. Goreng re tshwanetse  go dira jalo? Ka gonne mongwe wa baba ba rona ga a kitla a emisa go lwa le rona. Mmaba yoo ke keletso ya go dira se se sa siamang. Tota le fa re sena go kolobediwa, re ka iphitlhela re nna le keletso ya go dira dilo tse re sa tshwanelang go di dira tse di jaaka go betšha, go nwa bojalwa ka tsela e e feteletseng kgotsa go leba ditshwantsho tse di tsosang keletso ya tlhakanelodikobo. c (Baef. 5:3, 4) Mokaulengwe mongwe yo mosha a re: “Bothata bongwe jo bogolo jo ke nnileng le jone ke go kgatlhegela batho ba bong jo bo tshwanang le jwa me. Ke ne ke akanya gore maikutlo ao a tla fela, mme a sa ntse a le teng.” Ke eng se o ka se dirang fa keletso e e sa siamang e le maatla?

15. Ini ku ti simisa ku ziba kuti ku be ne njemulo dzi sa ka lulwama i chithu chi no shingikalila “bathu bose”? (Bona itshwantsho.)

¹⁵ Fa o lwantshana le keletso e e sa siamang e e maatla, gopola gore ga o nosi. Baebele e re bolelela jaana: “Diteko tse di lo welang di wela batho botlhe.” (1 Bakor. 10:13a) Baebele nngwe e ranola temana eno jaana: “Diteko tse lo nnang le tsone, di tlwaelegile mo bathong.” Temana eo e ne e kwaletswe banna le basadi ba Bakeresete ba ba neng ba nna kwa Korintha. Bangwe ba bone ba ne ba dira boaka, ba ratana le batho ba bong jo bo tshwanang le jwa bone e bile e le matagwa. (1 Bakor. 6:9-11) A o akanya gore fa ba sena go kolobediwa ba ne ba se na dikeletso dipe tse di sa siamang? Tota go ne go sa nna jalo. Le fa e ne e le Bakeresete ba ba tloditsweng, boammaaruri ke gore ba ne ba sa ntse ba na le boleo. Ga go pelaelo gore nako le nako ba ne ba tshwanelwa ke go lwa le dikeletso tseo tse di sa siamang. Seo se tshwanetse go re kgothatsa. Goreng re rialo? Ka gonne seo se bontsha gore keletso nngwe le nngwe e e sa siamang e o lwang le yone, go na le mongwe  yo o kgonneng go e fenya. O ka kgona go nna o ‘nonofile mo tumelong, o itse gore bakaulengwe botlhe ba gago mo lefatsheng ba boga jaaka o boga.’—1 Pet. 5:9.

16. Ta ka fanila cha ngozi ipi, ngono ne kutini?

¹⁶ O se ka wa akanya gore ga go na ope yo o tlhaloganyang bokoa jwa gago. Go akanya jalo go ka dira gore o swetse ka gore ga go na sepe se se ka go thusang e bile ga o na maatla a go lwantsha dikeletso tseo tse di sa siamang. Baebele e bua se se farologaneng le seo. E a re: “Modimo o a ikanyega, e bile ga a kitla a letla gore lo welwe ke diteko tse lo ka se kgoneng go di itshokela, mme fa lo welwa ke diteko, o tla lo naya tsela ya go tswa, gore lo kgone go di itshokela.” (1 Bakor. 10:13b) Ka jalo, tota le fa dikeletso tse di sa siamang di ka nna maatla, re ka kgona go tswelela re ikanyega mo go Jehofa. Jehofa a ka re thusa gore re se ka ra dira se se sa siamang.

17. Nenguba ti singa khone dzibila njemulo dzi sa ka lulwama, ini cha ti nga khona ku dzibila?

¹⁷ Nna o gopotse seno: E re ka re na le boleo, re tla tswelela re na le dikeletso tse di sa siamang. Mme fa re nna le tsone, re ka tsaya kgato ka bonako fela jaaka Josefa a ile a tshaba fa mosadi wa ga Potifaro a ne a batla gore a tlhakanele dikobo le ene. (Gen. 39:12) Ga o tlhoke go ineela mo dikeletsong tse di sa siamang.

18-19. Ti nga zwibuzwa buzo dzipi ha ti gwisana ne ku bumbiwa butshwa kwe mikumbulo?

¹⁸ Mo setlhogong seno, re ithutile gore fa re batla go fetola tsela e re akanyang ka yone, re tshwanetse go nna re tlhomamisa gore tsela e re akanyang ka yone le dilo tse re di dirang di itumedisa Jehofa. Ka jalo, re tshwanetse go itlhatlhoba ka metlha re bo re ipotsa jaana: ‘A tsela e ke tshelang ka yone e bontsha gore ke a lemoga gore bokhutlo bo atametse? A ke dira sotlhe se nka se kgonang gore ke nne ke apere botho jo bosha? A ke letla moya wa ga Jehofa go nkaela gore ke kgone go lwantsha dikeletso tse di sa siamang?’

¹⁹ Fa o ntse o itlhatlhoba, o se ka wa lebelela gore ga o kitla o dira diphoso, itumelele se o kgonneng go se dira. Fa o lemoga gore o tlhoka go tokafatsa golo gongwe, o se ka wa kgobega marapo. Go na le moo, dirisa kgakololo e e mo go Bafilipi 3:16 e e reng: “A re tsweleleng re tsamaya ka mokgwa ono go ya ka tsela e re gatetseng pele ka yone.” Fa o dira jalo, itse gore Jehofa o tla segofatsa maiteko a o a dirang a go nna o fetola tsela e o akanyang ka yone.