1-2. Balanda ba Jehova ba no thembeka ba nga lingisana ne mathatha api?

 RE KA diragalelwa ke sengwe se se botlhoko se bo se tlhakatlhakanya botshelo jwa rona. Ka sekai, mokaulengwe mongwe yo o bidiwang Luis a o ne a bolelelwa gore o na le kankere. Ngaka e ne ya mmolelela gore o setse ka dikgwedi di le mmalwa fela. Kgaitsadi mongwe yo o bidiwang Monika o ne a direla Jehofa ka matlhagatlhaga le monna wa gagwe. Letsatsi lengwe Monika o ile a lemoga gore monna wa gagwe yo e neng e le mogolwane, o ne a feditse dingwaga di le dintsi a dira boleo jo bo masisi mo sephiring. Kgaitsadi mongwe yo o sa nyalwang yo o bidiwang Olivia o ile a patelesega go tswa mo ntlong ya gagwe ka gonne go ne go tlile go nna le setsuatsue mo lefelong la bone. Fa a boa, o ile a fitlhela maloba e le maabane, setsuatsue se ne se sentse ntlo ya gagwe. Matshelo a batho bano a ile a tlhakatlhakana ka ponyo ya leitlho. A le wena o kile wa diragalelwa ke sengwe se se tshwanang?

² Le fa gone re direla Jehofa ka boikanyegi, re na le mathata e bile re a lwala fela jaaka batho ba bangwe. Mo godimo ga moo, re ka nna ra bogisiwa ke batho ba ba sa re rateng. Le fa gone Jehofa a sa dire gore re se ka ra nna le mathata, o re solofetsa gore o tla re thusa. (Isa. 41:10) O re thusa gore re kgone  go tswelela re itumetse, re dire ditshwetso tse di siameng le gore re ikanyege mo go ene le fa re na le mathata a a boima. Mo setlhogong seno, re tla tlotla ka ditsela di le nnê tse Jehofa a re thusang ka tsone fa re na le mathata. Gape re tla bona gore re tshwanetse go dira eng gore Jehofa a re thuse.

JEHOVA U NOWO KU BAKILILA

3. Ha ta ka lingisana ne zwimo zwa ka sima, ti nga zwiwana ta ka simigwa neni?

³ Bothata jo re ka nnang le jone. Fa re diragalelwa ke sengwe se se utlwisang botlhoko, re ka nna ra phatloga pelo mo re sa kgoneng go akanya sentle kgotsa go dira ditshwetso. Re ka nna ra ikutlwa e kete re tsamaya mo tseleng e e nang le mouwane mme ga re kgone go bona kwa re yang teng. Bokgaitsadi ba babedi ba re buileng ka bone mo dirapeng tse di fetileng ba ile ba tlhalosa gore ba ne ba ikutlwa jang. Olivia a re: “Fa setsuatsue se sena go ntshenyetsa ntlo, ke ne ke tlaletswe, ke sa itse gore ke lebe kae.” Monika ene a re: “Fa ke sena go lemoga se monna wa me a neng a se dira, ke ne ke swabile nko go feta molomo. E ne e kete mongwe o ntlhabile ka lerumo mo pelong. Go ne go le thata gore ke dire dilo tse ke neng ke tlwaetse go di dira. Boammaaruri ke gore, ke ne ke sa akanye gore ke tla tsamaya ke iphitlhela ke le mo maemong ao.” Jehofa o solofetsa gore o tla re thusa jang fa re tlaletswe?

4. Ku yenda na Bafilipi 4:6, 7, Jehova U no ti thembesani?

⁴ Jehofa o re thusa jang? O solofetsa gore o tla re naya kagiso. (Bala Bafilipi 4:6, 7.) Re nna le kagiso eno ka gonne re atamalane thata le ene. Baebele e a re kagiso eno, ke e “batho ba ka se kgoneng go e tlhaloganya.” Ka sekai, a o kile wa rapela Jehofa ka tlhoafalo, mme fa o sena go rapela o bo o ikutlwa o wetse makgwafo? O ile wa ikutlwa jalo ka gonne Jehofa o ile a go naya kagiso.

5. Mbakiso ye Ndzimu i no bakilila mikumbulo ne mimoyo yedu chini?

⁵ Gape Bafilipi 4:7 e a re kagiso e Modimo a re nayang yone e tla “disa” kgotsa e tla sireletsa ‘dipelo tsa rona le megopolo ya rona.’ Lefoko la Segerika le le ranotsweng e le go “disa,” le ne le dirisiwa fa go buiwa ka masole a a neng a disa motse gore o se ka wa tlhaselwa. Batho ba ba neng ba nna mo motseng o o disitsweng ke masole, ba ne ba robala boroko ka gonne ba ne ba itse gore ba sireletsegile. Ka tsela e e tshwanang, re ikutlwa re sireletsegile fa re itse gore kagiso e Modimo a re nayang yone e disitse dipelo le megopolo ya rona. (Pes. 4:8) Le fa maemo a rona a sa fetoge ka bonako fela jaaka a ga Hana, re tswelela re na le kagiso, mme seo se re  thusa gore re akanye sentle le gore re dire ditshwetso tse di siameng.​—1 Sam. 1:16-18.

6. Ti nga thamani ku bona mbayilo mu mbakiso ye Ndzimu? (Bona itshwantsho.)

⁶ Re tshwanetse go dira eng? Fa o na le mathata, kopa Jehofa gore a go thuse. Tswelela o rapela go fitlha o ikutlwa botoka. (Luke 11:9; 1 Bathes. 5:17) Luis yo re buileng ka ene mo dirapeng tse di fetileng, o ile a tlhalosa gore ene le mosadi wa gagwe yo o bidiwang Ana ba ile ba thusiwa ke eng gore ba kgone go itshoka fa ba ne ba bolelelwa gore o setse ka dikgwedi di le mmalwa fela. A re: “Go ne go le thata tota go dira ditshwetso tsa kalafi. Mme gone, go rapela go ile ga re thusa gore re nne le kagiso le gore re kgone go itshoka.” Luis le mosadi wa gagwe ba re ba ne ba rapela ka tlhoafalo ba sa kgaotse, ba kopa Jehofa gore a ba neye kagiso le gore a ba thuse go dira ditshwetso tse di siameng, mme Jehofa o ile a ba araba. Fa o na le mathata, rapela o sa kgaotse mme Jehofa o tla go naya kagiso e e tla disang pelo le mogopolo wa gago.​—Bar. 12:12.

JEHOVA U NOWO KU GADZIKANYA

7. Ti nga zwihwa chini ha ta ka lingisana ne ndiko ya ka sima?

⁷ Bothata jo re ka nnang le jone. Fa re diragalelwa ke dilo tse di utlwisang botlhoko, re ka nna ra dira dilo ka tsela e re neng re sa tlwaela go di dira ka yone, e bile re ka kgarakgatshiwa ke maikutlo. Ana yo re buileng ka ene mo dirapeng tse di fetileng o ne a ikutlwa fela jalo fa Luis a sena go tlhokafala. O ne a re: “Ke ne ke a tle ke kgobege marapo, mme ka dinako tse dingwe ke ne ke galefa.” Gape Ana o ne a ngomoga pelo fa a tshwanelwa ke go dira dilo dingwe tse di neng di tlhola di dirwa ke Luis, e bile ka dinako tse dingwe o ne a ikutlwa a tlaletswe. Jehofa o re thusa jang fa re kgarakgatshiwa ke maikutlo?

8. Se kwa ku lakidziwa mu na Izaya 33:6, Jehova U no ti thembesani?

⁸ Jehofa o re thusa jang? O re netefaletsa gore o tla re tsepamisa. Re bona seno mo go Pesalema 62:2, e e reng: “[Jehofa] ke . . . lefelo la me la botshabelo le le sireletsegileng; ga nkitla ke reketlisiwa.” (E bale.) Fa go nna le setsuatsue mo lewatleng, sekepe se ka nna sa simolola go phepheulwa ke phefo. Mme gone dikepe di le dintsi di na le dilo dingwe tse di di thusang go tsepama gore di se ka tsa tsewa ke phefo. Le fa go ntse jalo, dilo tseo di bereka sentle fa sekepe se tsamaya, se sa ema fela. Ka tsela e e tshwanang, le rona Jehofa o tla re thusa kgotsa o tla re tsepamisa fa re tswelela re mo direla ka boikanyegi le fa re na le mathata.

9. Tshambiso dzedu dze ku shakisisa dzi nga ti batsha chini ku zwimilila? (Bona itshwantsho.)

 ⁹ Re tshwanetse go dira eng? Fa o diragaletswe ke sengwe se se utlwisang botlhoko, nna o dira dilo tse di tla go thusang gore o atamalane le Jehofa. Gone ke nnete gore o ka se kgone go dira dilo ka tsela e o neng o di dira ka yone pele. Mme itse gore Jehofa o a tlhaloganya. (Bapisa le Luke 21:1-4.) Gape iphe nako ya go ithuta o le nosi le go akanyetsa kwa teng. Ka ntlha ya eng? Ka gonne go na le ditlhogo le dibidio tse di tla go thusang fa maikutlo a go kgarakgatsha. O ka dirisa dithulusu tsa go dira dipatlisiso tse di jaaka JW Library^®, Watch Tower Publications Index le Kaedi ya go Dira Dipatlisiso ya Basupi ba ga Jehofa. Monika yo re buileng ka ene a re o ne a dirisa dithulusu tseo fa a ne a ikutlwa a tlaletswe. Ka sekai, o ne a tle a dire dipatlisiso ka “go galefa,” “go swabisiwa” kgotsa “go ikanyega.” A re: “Go le gantsi ke ne ke simolola go bala maikutlo a ile magoletsa, mme ke ne ke tswelela ke bala go fitlha maikutlo ao a kokobela. Fa ke ntse ke bala, ke ne ke lemoga gore Jehofa o tlhaloganya gore ke ikutlwa jang le gore o a nthusa.” Le wena go dirisa dithulusu tseo go ka go thusa gore o ikutlwe botoka fa o tlaletswe.​—Pes. 119:143, 144.

JEHOVA U NOWO KU BATSHA

10. Ti nga zwihwa chini shule kwe ku lingisana ne chimo cha ka sima?

¹⁰ Bothata jo re ka nnang le jone. Fa re sena go diragalelwa ke sengwe se se utlwisang botlhoko, re ka nna ra sala re se na maatla e bile re nyemile moko. Re ka ikutlwa jaaka motho yo a sa tlholeng a kgona go taboga ka gonne a gobetse. Ka sekai, go ka nna thata gore re dire dilo dingwe tse re neng re tlwaetse go di dira kgotsa re ka nna ra se ka ra tlhola re kgatlhegela go dira dilo tse re neng re di rata. Mo godimo ga moo, fela jaaka Elija, re ka nna ra batla go nna fela re robetse. (1 Dikg. 19:5-7) Jehofa o solofetsa gore o tla re thusa jang fa re ikutlwa jalo?

11. Jehova U no ti batsha ne zila ipi ingwe kakale? (Pisalema 94:18)

¹¹ Jehofa o re thusa jang? O re solofetsa gore o tla re ema nôkeng. (Bala Pesalema 94:18.) Motho yo a sa tlholeng a kgona go taboga ka gonne a gobetse o tlhoka go tshegediwa gore a kgone go tsamaya. Ka tsela e e tshwanang, le rona re ka tlhoka gore Jehofa a re tshegetse gore re kgone go tswelela re mo direla. Se se itumedisang ke gore Jehofa  o re netefaletsa jaana: “Nna Jehofa, Modimo wa gago, ke tshwara seatla sa gago sa moja, nna yo ke go rayang ke re, ‘O se ka wa boifa. Ke tla go thusa.’” (Isa. 41:13) Ke se Jehofa a ileng a se direla Kgosi Dafide. Fa Dafide a ne a na le mathata e bile batho ba batla go mmolaya, o ne a raya Jehofa a re: “Seatla sa gago sa moja se a ntshegetsa.” (Pes. 18:35) Mme gone, Jehofa o re ema nôkeng jang?

12. Jehova U nga shingisa boyani ku ti batsha ha ta ka nyalamoyo?

¹² Go le gantsi Jehofa o dirisa batho ba bangwe go re ema nôkeng. Ka sekai, nako nngwe fa Dafide a ne a kgobegile marapo, Jonathane o ne a mo etela a bo a mo kgothatsa. (1 Sam. 23:16, 17) Gape Jehofa o ile a dirisa Elisha go thusa Elija. (1 Dikg. 19:16, 21; 2 Dikg. 2:2) Rona Jehofa a ka re thusa jang? A ka dirisa ba malapa, ditsala kgotsa bagolwane. Mme gone, go tlwaelegile gore fa re utlwile botlhoko, re batle go nna fela re le nosi re sa kopane le batho. Ka jalo re tshwanetse go dira eng gore Jehofa a re thuse?

13. Ta ka fanila thamani ku bona batsho ya Jehova? (Bona itshwantsho.)

¹³ Re tshwanetse go dira eng? Dira sotlhe se o ka se kgonang gore o se ka wa katogela kgakala le ba bangwe. Fa o fetsa nako e ntsi o le nosi, o tla nnela go akanya ka dilo tse di utlwisang botlhoko tse di go diragalelang, e bile go tla nna motlhofo gore o dire ditshwetso tse di sa siamang. (Diane 18:1) Gone ga go phoso gore ka dinako dingwe o batle go itheetsa, segolobogolo fa o na le mathata. Le fa go ntse jalo, nna o gopotse gore Jehofa a ka dirisa batho ba bangwe go go thusa, ka jalo fa o fetsa nako e ntsi o le nosi, o ka se kgone go bona thuso eo. Le fa go ka tswa go le thata jang, letla ba lelapa, ditsala le bagolwane gore ba go thuse ka gonne ba dirisiwa ke Jehofa.​—Diane 17:17; Isa. 32:1, 2.

JEHOVA U NOWO KU NYALADZA

14. Ti nga lingisana ne zwimo zwa ka tini zwi no tshusa?

¹⁴ Bothata jo re ka nnang le jone. Go ka direga dilo dingwe tse di re tshosang. Baebele e bua ka batlhanka bangwe ba ba ikanyegang ba ga Jehofa, ba le bone ba ileng ba diragalelwa ke se se tshwanang. Ka sekai, batho bangwe ba ba sa ba rateng ba ne ba batla go ba bolaya. Mo godimo ga moo, ba ne ba na le mathata a mangwe. (Pes. 18:4; 55:1, 5) Le rona re ka tswa re ganediwa kwa sekolong, kwa tirong, mo lapeng kgotsa puso e ka tswa e re thatafaletsa botshelo. Gongwe e bile re  ka tswa re lwala thata mme re tshaba gore re tlile go swa. Fa re diragalelwa ke dilo tseno, re ka felelwa ke maatla. Jehofa o tla re thusa jang mo maemong ano?

15. Pisalema 94:19 i no thembesani?

¹⁵ Jehofa o re thusa jang? O a re gomotsa e bile o re sidila maikutlo. (Bala Pesalema 94:19.) Temana eno e dira gore re akanye ka mosetsanyana yo o tshogileng e bile a sa kgone go robala ka gonne go na le magadima. A re re rraagwe o tla kwa go ene a bo a mo kuka go fitlha a thulamela. Ngwana yono o tla ikutlwa a sireletsegile. Le fa gone magadima a ntse a tsweletse, ga a tshoge ka gonne o mo matsogong a ga rraagwe. Le rona fa go na le dilo dingwe tse di re tshosang, re tlhoka gore Jehofa a re gomotse le gore a re sidile maikutlo. Mme gone, re tshwanetse go dira eng gore a re gomotse?

16. Ti nga thamani ku bona mbayilo mu ku nyaladziwa na Jehova? (Bona itshwantsho.)

¹⁶ Re tshwanetse go dira eng? Iphe nako ya go rapela le go bala Lefoko la Modimo. (Pes. 77:1, 12-14) Fa o itlwaeditse go dira jalo, go tla nna motlhofo gore o kope Jehofa gore a go thuse fa o na le mathata. Ka jalo, bolelela Jehofa dilo tse di go tshosang le tse o tshwenyegileng ka tsone. Go tswa foo, mo letle gore a go arabe ka go bala Lefoko la gagwe. (Pes. 119:28) Go bala dibuka dingwe mo Baebeleng go ka go gomotsa fela thata. Ka sekai, go bala buka ya Jobe, Dipesalema, Diane le mafoko a ga Jesu a a mo go Mathaio kgaolo 6 go ka go kgothatsa. Fa o rapela e bile o bala Lefoko la Modimo, o tla gomotsega.

17. Ti nga be ne thembo ipi?

¹⁷ Re ka tlhatswega pelo gore ka metlha Jehofa o tla re thusa fa re na le mathata le gore ga a kitla a re latlha. (Pes. 23:4; 94:14) O solofetsa gore o tla re sireletsa, o tla re tsepamisa, o tla re ema nôkeng, e bile o tla re gomotsa. Isaia 26:3 e bua jaana ka Jehofa: “O tla sireletsa ba ba ikaegang ka wena; o tla dira gore ba tswelele ba na le kagiso, ka gonne ba a go ikanya.” Ka jalo tshepa Jehofa, mme o mo letle gore a go thuse. Fa o dira jalo ga o kitla o felelwa ke maatla, tota le ka dinako tsa mathata.