1. Ti nga galabgwe ne kweni, ngono ne kutini?

 FA O akanya ka mathata a mantsi a a leng mo lefatsheng, a go thata go dumela gore dilo di tla tokafala? Ba malapa ga ba tlhole ba ratana jaaka pele. Batho ba bogale e bile ba ikakanyetsa ba le nosi go feta le fa e le leng pele. Ba le bantsi ba thatafalelwa ke go tshepa batho ba ba nang le taolo. Le fa go ntse jalo, maemo ano a ka go tlhatswa pelo gore dilo di tla nna botoka. Goreng re rialo? Ka gonne batho ba itshwara ka tsela e e boleletsweng pele mo boporofeting jo bo buang ka ‘malatsi a bofelo.’ (2 Tim. 3:1-5) Batho ba ba kelotlhoko ba a lemoga gore boporofeti joo bo a diragadiwa, mme go diragadiwa ga jone go bontsha gore Keresete Jesu o simolotse go busa e le Kgosi ya Bogosi Jwa Modimo. Le fa go ntse jalo, jono ke bongwe jwa boporofeti jo bontsi jo bo buang ka Bogosi. Go sekaseka bongwe jwa boporofeti jo bo diragaditsweng bosheng jaana, go tla nonotsha tumelo ya rona.

2. Towo zwidiyani mu chidiyo ichechi, ngono ne kutini? (Leba ne kwe itshwantsho chi mu khavara.)

² Mo setlhogong seno, re tlile go tlotla ka (1) boporofeti jo bo re thusang go tlhaloganya gore Bogosi bo simolotse leng go busa, (2) boporofeti jo bo re thusang go lemoga gore Jesu e setse e le Kgosi ya Bogosi Jwa Modimo kwa legodimong, le (3) boporofeti jo bo re senolelang gore baba ba Bogosi Jwa Modimo ba tlile go senngwa jang. Fela jaaka motho a ka kgona go bona setshwantsho se se feletseng sa puzzle fa a sena go kopanya dikarolwana tsa yone, le rona re tlile go bona gore boporofeti jono bo amana jang. E bile re tla kgona go tlhaloganya  gore re tshela mo nakong e go diregang ditiragalo dife tsa boporofeti joo.

3. Buporofiti gu mu na Daniele 7:13, 14 go ti thembesani ne kwe She ye Bushe gwe Ndzimu?

³ Boporofeti jo bo mo go Daniele 7:13 le 14 bo re tlhomamisetsa gore Keresete Jesu o ne a tla tshwanelega go nna Kgosi ya Bogosi Jwa Modimo. Batho ba ba tswang mo ditšhabeng tsotlhe ba tla itumelela go ‘mo direla’ e bile ga go na kgosi epe e e tla busang morago ga gagwe. Boporofeti jo bongwe jo bo mo bukeng ya Daniele, bo ne jwa bolelela pele gore Jesu o ne a tla newa Bogosi fa metlha e le supa e fela. A re ka kgona go itse gore tiragalo eo e e itumedisang e diregile leng?

4. Chenesa se kwa Daniele 4:10-17 i ti lakidza kuti Kirisiti wa ka piwa Bushe mu gole lipi. (Bona nkwalo u kusi.)

⁴ Bala Daniele 4:10-17. “Metlha e le supa” e emela dingwaga di le 2 520. Nako eo e simologile ka 607 B.C.E. fa Bababelona ba tlosa kgosi ya bofelo mo setulong sa bogosi sa ga Jehofa kwa Jerusalema. Mme e fedile ka 1914 C.E. fa Jehofa a tlhoma Jesu, “yo o nang le tshwanelo ya semolao” gore e nne Kgosi ya Bogosi Jwa Modimo. *—Esek. 21:25-27.

5. I zila ipi ingwe ya ti nga hwisisa buporofiti gu no leba ne kwe ‘zwibaka zwili kutendeka’?

⁵ Boporofeti jono bo ka re solegela molemo jang? Go tlhaloganya boporofeti jo bo buang ka “metlha e le supa” go re tlhomamisetsa gore Jehofa o diragatsa ditsholofetso tsa gagwe ka nako e a e beileng. Jehofa o ne a baya nako e a neng a tla tlhoma Jesu gore e nne Kgosi, mme fa nako eo e goroga o ne a dira jalo. Ka jalo, re a itse gore o tla diragatsa boporofeti jo bongwe jotlhe ka nako e a e beileng. Ruri letsatsi la ga Jehofa ‘ga le kitla le tla morago ga nako!’—Hab. 2:3.

6. (a) I busupi gupi gu no boneka gwe ku busa kwa Kirisiti a si nga boneke a li kudzimu? (b) Busupi igogu go lakidziwa chini ne buporofiti gu mu na Zumbunulo 6:2-8?

⁶ Pele Jesu a wetsa bodiredi jwa gagwe, o ne a bolelela pele dilo tse di neng di tla direga mo lefatsheng, tse di neng di tla thusa balatedi ba gagwe go itse gore o setse a simolotse go busa kwa legodimong. O ne a re dingwe tsa dilo tseo e ne e tla nna dintwa, ditlhaelo tsa dijo le dithoromo tsa lefatshe. Gape o ne a bolelela pele gore go ne go tla nna le malwetse a leroborobo “mo mafelong ka go latelana,” tota e bile, bolwetse jwa leroborobo jwa COVID-19 ke bongwe jwa malwetse ao. Ditiragalo tseno ke karolo ya se Baebele e reng ke “sesupo” sa gore Keresete o gone. (Math. 24:3, 7; Luke 21:7, 10, 11) Dingwaga di feta 60 Jesu a sena go swa a bo a boela kwa legodimong, o ne a naya moaposetoloi Johane bosupi jo bongwe jo bo bontshang gore ditiragalo tseo di ne di tla direga. (Bala Tshenolo 6:2-8.) Dilo tseno tsotlhe di ntse di direga fa e sa le Jesu e nna Kgosi ka 1914.

7. Ini ku busa kwa Jesu kwa ka pelela ne ku dziyidzika kwe shango?

⁷ Goreng maemo a lefatshe a ile a nna maswe le go feta fa Jesu a sena go nna Kgosi? Tshenolo 6:2 e re bolelela ntlha ya botlhokwa. E re bolelela gore selo sa ntlha se Jesu a ileng a se dira fa a sena go nna Kgosi ya Bogosi Jwa Modimo e ne e le go bolotsa ntwa. O ne a lwa le bomang? O ne a lwa le Diabolo le madimona a gagwe. Tshenolo kgaolo 12 e re bolelela gore Satane o ne a fenngwa, mme ene le madimona a gagwe ba ile ba latlhelwa mo lefatsheng. E re  ka Satane a ne a galefile thata, o ne a tlhasela batho mme seo se dirile gore ‘lefatshe le tlhomole pelo.’—Tshen. 12:7-12.

8. Se kwa ti no bona buporofiti ne kwe Bushe gu shingikadziwa, ti nga bona mbayilo upi?

⁸ Boporofeti jono bo ka re solegela molemo jang? Dilo tse di diregang mo lefatsheng le tsela e batho ba itshwarang ka yone, di re thusa go lemoga gore Jesu o setse a simolotse go busa. Ka jalo, fa re bona batho ba ikakanyetsa ba le nosi e bile ba le setlhogo, ga re utlwe botlhoko thata ka gonne re a itse gore dilo tse ba di dirang di diragatsa boporofeti jo bo mo Baebeleng. Ruri Bogosi bo a busa! (Pes. 37:1) Tota e bile, re ka solofela gore fa Aramagedona e ntse e atamela, dilo di tla nna maswe le go feta mo lefatsheng. (Mar. 13:8; 2 Tim. 3:13) Re leboga Rraarona yo o lorato yo o kwa legodimong ka gonne a re thusa go tlhaloganya lebaka la go bo go na le mathata a mantsi jaana mo lefatsheng!

9. Buporofiti gu mu na Daniele 2:28, 31-35 go chenesa chini she ye bupelo ye shango, ne kuti ya ka be po lini?

⁹ Bala Daniele 2:28, 31-35. Re bona boporofeti jono bo diragadiwa gompieno. Toro ya ga Nebukadenesare e re bontsha se se neng se tla direga “kwa bokhutlong jwa metlha” fa Keresete a sena go simolola go busa. Bangwe ba baba ba ga Jesu ba ba mo lefatsheng ke mmusomogolo wa lefatshe lotlhe wa bofelo o o boleletsweng pele mo Baebeleng, o o emelwang ke ‘dinao tsa tshipi le letsopa.’ Mmusomogolo ono wa lefatshe lotlhe o setse o busa. O simolotse go busa ka Ntwa ya Lefatshe ya I fa Boritane le United States di ne di simolola go kopana mme e nna puso ya Maesemane le Maamerika. Gape setshwantsho sa toro ya ga Nebukadenesare se ne sa bolelela pele dilo tse pedi tse mmusomogolo ono wa lefatshe lotlhe o neng o tla farologana  ka tsone le dipuso tse dingwe tse di neng di setse di busitse pele ga one.

10. (a) Buporofiti gu mu na Daniele go chenesa chini Anglo-American ne ba no shingidzana nayo? (b) Ta ka fanila leya ngozi ipi? (Bona bokisi “ O se Ka wa Tshegetsa Letsopa!”)

¹⁰ Selo sa ntlha se se dirang gore Mmusomogolo wa Maesemane le Maamerika o se ka wa tshwana le mebusomegolo e e busitseng pele ga one e e tlhalosiwang mo ponatshegelong eno, ke gore one ga o emelwe ke gauta fela kgotsa selefera fela, go na le moo o emelwa ke tshipi e e kopantsweng le letsopa. Letsopa le emela “bana ba batho” kgotsa batho fela. (Dan. 2:43; ntlh.) Jaaka re bona gompieno, tsela e batho ba nnang le seabe ka yone mo ditlhophong, mo matsholong a go lwela ditshwanelo tsa setšhaba, mo ditshupetsong le mo mekgatlhong ya babereki, e dira gore go nne thata gore baeteledipele ba mmusomogolo ono ba fitlhelele dilo tse ba batlang go di dira.

11. Ku be po kwe Mbusi Nkulu we Anglo-American ko simisa chini ku galagwe kwedu gwe kuti to chila mu misi ye bupelo?

¹¹ Selo sa bobedi ke gore Mmusomogolo wa Maesemane le Maamerika o o emelwang ke dinao tsa setshwantsho se segolo, ke one mmusomogolo wa lefatshe lotlhe wa bofelo o o boleletsweng pele mo Baebeleng. Ga go kitla go nna le puso epe ya batho morago ga one. Go na le moo, one le dipuso tse dingwe tsotlhe tsa batho di tlile go fedisiwa ke Bogosi Jwa Modimo ka Aramagedona. *—Tshen. 16:13, 14, 16; 19:19, 20.

12. Buporofiti gwa Daniele go ti pa busupi gupi gu nga ti nyaladza ne ku ti pa thembo?

¹² Boporofeti jono bo ka re solegela molemo jang? Boporofeti jwa Daniele bo re naya bosupi jo bongwe jo bo bontshang gore re tshela mo motlheng wa bofelo. Dingwaga tse di fetang 2 500 tse di fetileng, Daniele o ne a bolelela pele gore fa mmusomogolo wa lefatshe lotlhe wa Babelona o sena go busa, go ne go tla nna le mebusomegolo e mengwe e menê e e neng e tla ama batho ba Modimo ka tsela nngwe. Mo godimo ga moo, se a neng a se bua se ne se bontsha gore Mmusomogolo wa Lefatshe Lotlhe wa Maesemane le Maamerika e ne e tla nna yone puso ya bofelo. Seo se a re gomotsa e bile se re naya tsholofelo ya gore go ise go ye kae, Bogosi Jwa Modimo bo tlile go fedisa dipuso tsotlhe tsa batho bo bo bo busa lefatshe lotlhe.—Dan. 2:44.

13. “Mambo we buzhanakadzi [8]” ne “bomambo bali gumi [10],” ba no legwa ne kwabo mu na Zumbunulo 17:9-12, ba no mililani, ngono buporofiti igogu gwa ka shingikadziwa chini?

¹³ Bala Tshenolo 17:9-12. E re ka Ntwa ya Lefatshe ya I e bakile tshenyo e kgolo, go ne ga direga sengwe se se neng se tla diragatsa boporofeti jo bongwe jwa Baebele jo bo bontshang gore re tshela mo motlheng wa bofelo. Baeteledipele ba lefatshe ba ne ba batla gore go nne le kagiso mo lefatsheng. Ka jalo, ka January 1920, ba ne ba tlhoma Lekgotla la Kgolagano ya Ditšhaba le le neng la emisediwa ke Lekgotla la Ditšhaba Tse di Kopaneng ka October 1945. Lekgotla leno le bidiwa “kgosi ya borobedi.” Le fa go ntse jalo, ga se mmusomogolo wa lefatshe lotlhe. Mme gone, le newa maatla ke dipuso tse di le emang nôkeng. Baebele e bitsa dipuso tseo “dikgosi di le lesome.”

14-15. (a) Zumbunulo 17:3-5 i no chenesani ne kwe “Bhabhiloni nkulu”? (b) Ba mile ne budumili gwe manyepkhwa ba no shingikaligwa neni?

¹⁴ Bala Tshenolo 17:3-5. Mo ponatshegelong eno, moaposetoloi Johane o ne a bona seaka, e leng “Babelona yo Mogolo” yo o emelang mmusomogolo wa lefatshe lotlhe wa bodumedi jwa maaka. Ponatshegelo eo e diragaditswe jang? Madumedi a maaka ga a bolo go dirisana le dipuso tsa dipolotiki le go di ema nôkeng. Le fa go ntse jalo, go ise go ye kae  Jehofa o tla tsenya mo dipelong tsa dipuso tseo “gore di diragatse . . . kakanyo ya gagwe.” Mme seo se tla felela ka eng? Dipuso tseo e leng ‘dinaka tse di lesome’ di tla tlhasela madumedi otlhe a maaka di bo di a fedisa.—Tshen. 17:1, 2, 16, 17.

¹⁵ Re itse jang gore Babelona yo Mogolo o tloga a fedisiwa? Gore re kgone go araba potso eo, go ka nna molemo go gopola gore motse wa Babelona wa bogologolo o ne o sireleditswe ke metsi a Noka e kgolo ya Euferatese. Buka ya Tshenolo e tshwantsha batho ba bantsi ba ba emang Babelona yo Mogolo nôkeng le “metsi” a a sireletsang. (Tshen. 17:15) Gape e re bolelela gore metsi ao a ne a tla “kgala” e leng se se bontshang gore batho ba bantsi ba ba emang mmusomogolo wa lefatshe lotlhe wa bodumedi jwa maaka nôkeng ba ne ba tla o tlogela. (Tshen. 16:12) Boporofeti joo bo a direga gompieno ka gonne batho ba le bantsi ga ba tsene dikereke e bile ba batla tharabololo ya mathata a bone go sele.

16. Ti nga bona mbayilo upi mu ku hwisisa buporofiti gu no leba ne ku be po kwe United Nations ne ku pedzisiwa kwe Bhabhiloni Nkulu?

¹⁶ Boporofeti jono bo ka re solegela molemo jang? Kgang ya gore Lekgotla la Ditšhaba Tse  di Kopaneng le tlhomilwe le ya gore batho ba le bantsi ga ba sa tlhole ba ema bodumedi jwa maaka nôkeng, e re bontsha gore re tshela mo motlheng wa bofelo. Le fa batho ba le bantsi ba sa tlhole ba ema Babelona yo Mogolo nôkeng, seo ga se sone se se tlileng go fedisa madumedi otlhe a maaka. Jaaka re bone pelenyana, Jehofa o tlile go tsenya mo dipelong tsa “dikgosi di le lesome” e leng dipuso tse di emang Lekgotla la Ditšhaba Tse di Kopaneng nôkeng “gore di diragatse . . . kakanyo ya gagwe.” Ditšhaba tseo di tlile go fedisa Babelona yo Mogolo ka tshoganyetso, e leng se se tlileng go gakgamatsa batho ba le bantsi. * (Tshen. 18:8-10) Go senngwa ga Babelona yo Mogolo go tlile go ama lefatshe lotlhe e bile go tla baka mathata, le fa go ntse jalo, go na le mabaka a mabedi a a tla dirang gore batho ba Modimo ba itumele. Bodumedi jwa maaka jo e sa bolong go nna mmaba wa ga Jehofa Modimo bo tla bo bo sa tlhole bo le teng, gape go ise go ye kae re tla bo re golotswe mo lefatsheng leno le le bosula!—Luke 21:28.

17-18. (a) Ti nga dwilila chini ti simisa ku galamoyo kwedu? (b) Towo zwidiyani mu chidiyo chi no tobela?

¹⁷ Daniele o ne a bolelela pele gore “kitso ya boammaaruri” e ne e tla “nna ntsi.” Ruri kitso eno e ntsi! Gone jaanong re tlhaloganya boporofeti jo bo buang ka metlha ya rona. (Dan. 12:4, 9, 10) Tsela e boporofeti jono bo diregang ka yone, e dira gore re tlotle Jehofa le Lefoko la gagwe thata. (Isa. 46:10; 55:11) Ka jalo, tswelela o nonotsha tumelo ya gago ka go ithuta Baebele ka tlhoafalo le go thusa ba bangwe gore ba atamalane le Jehofa. Jehofa o tla sireletsa ba ba ikanyegang mo go ene e bile o tla dira gore ba “tswelele ba na le kagiso.”—Isa. 26:3.

¹⁸ Mo setlhogong se se latelang, re tlile go tlotla ka boporofeti jo bo buang ka se se neng se tla direga mo phuthegong ya Bokeresete mo motlheng wa bofelo. Re tla ithuta gore boporofeti joo le jone bo bontsha gore re tshela mo malatsing a bofelo. E bile re tlile go bona bosupi jo bongwe jo bo bontshang gore gone jaanong Jesu yo e leng Kgosi ya rona, o kaela balatedi ba gagwe ba ba ikanyegang.