1. Balanda bangwe ba Jehova ba nga gwisana ne mathatha a ka tini?

 BAEBELE e a re: “Jehofa o itumelela batho ba gagwe.” (Pes. 149:4) Ruri mafoko ano a a kgothatsa ka gonne a re netefaletsa gore Jehofa o amogela batho ba gagwe. Le fa go ntse jalo, ka dinako dingwe bangwe ba a tle ba kgobege marapo ba bo ba akanya gore Jehofa ga a ba amogele. Batlhanka bangwe ba ga Jehofa ba mo nakong e e fetileng le bone ba ne ba tle ba ikutlwe jalo.​—1 Sam. 1:6-10; Jobe 29:2, 4; Pes. 51:11.

2. Ndi boyani ba no diwa na Jehova?

² Baebele e a re fa re dumela mo go Jesu Keresete re bo re kolobediwa, Jehofa o tla re amogela. (Joh. 3:16) Fa re kolobediwa, re bontsha ba bangwe gore re ikwatlhaetse maleo a rona le gore re solofeditse Modimo gore re tla dira thato ya gagwe. (Dit. 2:38; 3:19) Jehofa o a itumela fa re dira jalo. Fa re dira sotlhe se ka re kgonang gore re tswelele re mo direla, o a re amogela e bile re nna ditsala tsa gagwe.​—Pes. 25:14.

3. Towo zwidiyani ngwenu?

³ Goreng ka dinako dingwe bangwe ba akanya gore Jehofa ga a ba amogele? Jehofa o bontsha jang gore o a re amogela? Ke eng se se ka re tlhatswang pelo gore Jehofa o a re amogela?

 LIBAKA GWE KU BE BANGWE BE TOLA KUTI JEHOVA HA A TO BA DA

4-5. Nenguba mu zwibaka zwingwe ti zwitolela pasi, ti nga be ne thembo ipi?

⁴ Bontsi jwa rona re simolotse go ikutlwa re se batho ba sepe go tloga fela re sa le bannye. (Pes. 88:15) Mokaulengwe mongwe yo o bidiwang Adrián a re: “Ga ke bolo go ikutlwa ke se motho wa sepe. Fa ke sa le monnye, ke ne ke tlhola ke rapelela gore ba lelapa la gaetsho ba tshele kwa Paradaiseng, mme ke ne ke tsaya gore nna ga ke tshwanelege go tshela koo.” Mokaulengwe mongwe yo o bidiwang Tony yo batsadi ba gagwe e seng Basupi a re: “Batsadi ba me ba ne ba sa mpolelele gore ba a nthata e bile ba ne ba sa nkakgole. Ke ne ke tsaya gore ga go na sepe se nka se dirang se se ka ba itumedisang.”

⁵ Fa ka dinako dingwe re ikutlwa re se batho ba sepe, re tshwanetse go nna re gopotse gore Jehofa ke ene a re gogetseng kwa go ene. (Joh. 6:44) O bona dinonofo tse dintle tse re nang le tsone tse rona re ka tswang re sa di bone, e bile o a itse gore re batho ba ba ntseng jang. (1 Sam. 16:7; 2 Ditir. 6:30) Ka jalo, re ka tlhatswega pelo gore o re tsaya re le botlhokwa.​—1 Joh. 3:19, 20.

6. Mpostolo Paulo wa ka be e zwihwa chini ne kwe zwibi zwa a ka tongo thama?

⁶ Bangwe ba rona re ne re dira dilo tse di sa siamang pele re ithuta boammaaruri, mme re ka tswa re sa ntse re ikutlwa molato. (1 Pet. 4:3) Tota le bangwe ba ba nang le nako e telele ba direla Jehofa ba sa ntse ba lwantshana le mekgwa mengwe e e sa siamang. Fa e le gore ka dinako dingwe o ikutlwa e kete Jehofa ga a go itshwarela, itse gore batlhanka bangwe ba gagwe ba mo nakong e e fetileng ba ne ba tle ba ikutlwe jalo. Ka sekai, moaposetoloi Paulo o ne a utlwa botlhoko tota fa a akanya ka diphoso tse a ileng a di dira. (Bar. 7:24) Le fa gone a ne a ikwatlhaetse diphoso tseo e bile a kolobeditswe, o ne a sa ntse a tsaya gore ‘ga a botlhokwa jaaka baaposetoloi ba bangwe’ le gore o na le “maleo a mantsi.”​—1 Bakor. 15:9; 1 Tim. 1:15.

7. Ta ka fanila zibani ne kwe zwibi zwa ta ka tongo thama?

⁷ Jehofa o solofetsa gore o tla re itshwarela fa re ikwatlhaya. (Pes. 86:5) Ka jalo fa re ikwatlhaela maleo a re a dirileng, ga re a tshwanela go belaela gore Jehofa o re itshwaretse.​—Bakol. 2:13.

8-9. Ti nga thamani kuti ti si be ne nkumbulo we kuti ha ti nga khone shathisa Jehova?

⁸ Rotlhe fela re batla go dira ka natla mo tirong ya ga Jehofa. Le fa go ntse jalo, bangwe ba ka nna ba akanya gore ga ba direle Jehofa jaaka ba tshwanetse. Kgaitsadi mongwe yo o bidiwang Amanda a re: “E re ka ke batla go ntsha ga tshwene mo tirong ya ga Jehofa, ka dinako dingwe ke batla go dira dilo tse nka se kgoneng go di dira. Mme fa ke sa kgone, ke kgobega marapo ka gonne ke tsaya gore ke swabisitse Jehofa.”

⁹ Ke eng se se ka re thusang fa re akanya gore ga re direle Jehofa jaaka re tshwanetse? Nna o gopotse gore Jehofa o a re akanyetsa e bile ga a batle gore re dire dilo tse re ka se kgoneng go di dira. O a itumela fa re mo direla ka bojotlhe. Gape akanya ka batho ba go buiwang ka bone mo Baebeleng ba ba neng ba direla Jehofa ka pelo yotlhe. Ka sekai, Paulo o ile a fetsa dingwaga di le dintsi a direla Jehofa ka matlhagatlhaga, a tsamaya sekgala se seleele e bile a tlhoma diphuthego. Fa maemo a gagwe a fetoga mme a sa tlhole a kgona go direla Jehofa jaaka pele, Jehofa o ne a itumelela se a neng a kgona go se dira e bile o ne a mo segofatsa. (Dit. 28:30, 31) Ka tsela e e tshwanang, fa maemo a rona a fetoga, Jehofa o a itumela fa re mo direla sotlhe  se re ka se kgonang ka gonne selo sa botlhokwa mo go ene ke gore re mo direla ka maitlhomo afe. Mma re tlotle ka ditsela dingwe tse Jehofa a re bontshang ka tsone gore o a re amogela.

JEHOVA U NO LAKIDZA LUDO GUGWE MU TILI CHINI?

10. Ti nga “ziba” chini ha Jehova E lakidza ludo gugwe mu tili? (Johani 16:27)

¹⁰ O dirisa Baebele. Jehofa o itumelela go bolelela batlhanka ba gagwe gore o a ba rata le gore o a ba amogela. O ile a bolelela Morwawe ka makgetlo a le mabedi gore o a mo rata le gore o a mo amogela. (Math. 3:17; 17:5) A le wena o ka rata go utlwa Jehofa a go bolelela gore o a go amogela? Jehofa ga a bue le rona ka tlhamalalo, mme o bua le rona a dirisa Baebele. Jesu o ne a nna a bolelela barutwa ba gagwe gore o a ba rata. (Bala Johane 16:27.) O ne a na le botho jo bo tshwanang le jwa ga Rraagwe, ka jalo fa re bala se a neng a se bolelela barutwa ba gagwe, go ntse jaaka e kete Jehofa o bua le rona.​—Joh. 15:9, 15.

11. Ini ku simigwa ne buchilo ku singa lakidze kuti Jehova ha a cha ti da? (Jakuba 1:12)

¹¹ O re naya se re se tlhokang. Jehofa o ikemiseditse go re thusa ka dilo tse re di tlhokang. Le fa go ntse jalo, ka dinako tse dingwe o letla gore re diragalelwe ke dilo tse di utlwisang botlhoko, jaaka a ile a dira ka Jobe. (Jobe 1:8-11) Fa re lebana le diteko, seo ga se reye gore Jehofa ga a tlhole a re amogela. Go na le moo, diteko di re naya tshono ya go bontsha gore re a mo rata le gore re a mo tshepa. (Bala Jakobe 1:12.) Ka metlha fa re na le mathata re kgona go bona gore Jehofa o a re rata le gore o re thusa go itshoka.

12. Ti nga zwidiyani mu na cha ka shingikalila Dmitrii?

¹² Akanya ka mokaulengwe mongwe wa ka Asia yo o bidiwang Dmitrii. O ile a felelwa ke tiro, mme go ne ga feta dikgwedi di le dintsi a sa bone e nngwe. Ka jalo o ile a bontsha gore o tshepa Jehofa ka go fetsa nako e ntsi mo tshimong. Le fa go ntse jalo, ga a ka a bona tiro. Go na le moo, o ile a lwala mo a neng a feleletsa a sa kgone go tswa mo bolaong. O ile a simolola go akanya gore ga se motho wa sepe, e bile o ne a ipotsa gore a Jehofa o sa ntse a mo amogela. Letsatsi lengwe morwadie o ile a printa mafoko a a mo go Isaia 30:15 mo pampiring a a reng: “Fa lo nna lo ritibetse e bile lo ntshepa, lo tla nna le maatla.” O ne a naya rraagwe pampiri eo a bo  a re: “Papa, fa o utlwile botlhoko, o nne o gopotse mafoko ano.” Dmitrii o ile a lemoga gore Jehofa o ntse a tlhokometse lelapa la gagwe ka gonne ba ne ba na le dijo, diaparo le kwa ba nnang teng. A re: “Ke ne ke tlhoka go nna ke ritibetse le go tswelela ke tshepa Jehofa.” Fa e le gore o na le mathata a a tshwanang le a ga Dmitrii, itse gore Jehofa o a go rata le gore o tla go thusa go itshoka.

13. Jehova U nga shingisa boyani ku ti lakidza ludo gugwe, ngono chini?

¹³ O dirisa bakaulengwe le bokgaitsadi. Jehofa o dirisa bakaulengwe le bokgaitsadi go bontsha gore o a re amogela. Ka sekai, a ka dira gore ba re kgothatse fa re kgobegile marapo. Seo se ile sa diragalela kgaitsadi mongwe wa kwa Asia fa a ne a ngomogile pelo. O ne a felelwa ke tiro, a lwala thata e bile monna wa gagwe o ile a dira boleo jo bo masisi a bo a sa tlhole a tshwanelega go nna mogolwane. Kgaitsadi yono o ne a re: “Ke ne ke sa tlhaloganye gore ke eng fa ke diragalelwa ke dilo tseo. Ke ne ke ipolelela gore gongwe ke dirile sengwe se se phoso mme Jehofa ga a tlhole a nkamogela.” O ile a kopa Jehofa gore a mmontshe gore o a mo amogela. Jehofa o ile a araba thapelo ya gagwe jang? A re: “Bagolwane ba ile ba bua le nna, ba nnetefaletsa gore Jehofa o a nthata.” Moragonyana o ile a rapela gape. A re: “Mo go lone letsatsi leo, ke ile ka amogela lekwalo le le neng le kwadilwe ke bakaulengwe le bokgaitsadi ba phuthego ya rona. Fa ke ntse ke bala mafoko a bone a a kgothatsang, ke ile ka lemoga gore Jehofa o a nthata.” Go le gantsi Jehofa o dirisa bakaulengwe le bokgaitsadi go re bontsha gore o a re amogela.​—Pes. 10:17.

14. I zila ipi ingwe Jehova ya A no ti lakidza ludo gugwe?

¹⁴ Gape Jehofa o bontsha gore o a re amogela ka go dirisa badumedimmogo le rona  gore ba re kgalemele fa go tlhokega. Ka sekai, o ile a dirisa moaposetoloi Paulo gore a kwalele badumedimmogo le ene makwalo a le 14. Mo makwalong ao, Paulo o ile a ba kgalemela a sa potapote. Goreng Jehofa a ne a laela Paulo gore a dire jalo? Jehofa ke Rre yo o lorato, mme o kgalemela bana ba gagwe ka gonne a ba rata. (Diane 3:11, 12) Ka jalo fa mongwe a go kgalemela a dirisa Baebele, o se ka wa tsaya gore Jehofa ga a tlhole a go amogela. Go na le moo, tsaya kgalemelo eo e le tsela e Jehofa a go bontshang ka yone gore o a go rata. (Baheb. 12:6) Go na le dilo tse dingwe gape tse di bontshang gore Jehofa o a re amogela.

BUSUPI GUNGWE GU NO LAKIDZA KUTI JEHOVA U NO TI DA

15. Jehova U no pa boyani meya dzidze dza ka yengemala, ngono ini ichecho chi nga ti simisa?

¹⁵ Jehofa o naya ba a ba amogelang moya o o boitshepo. (Math. 12:18) Re ka ipotsa potso eno, ‘A ke na le dinonofo dingwe tse moya o o boitshepo o re thusang go nna le tsone?’ A gone jaanong o pelotelele go feta fa o ne o simolola go ithuta ka Jehofa? Nna o gopotse gore fa o na le dinonofo dingwe tse moya o o boitshepo o re thusang go nna le tsone, seno se bontsha gore Jehofa o a go amogela.​—Bona lebokoso le le reng, “ Maungo a Moya Ke . . .”

16. Jehova U no shingisa boyani ku rera ndebo mbuya, ngono ichecho cho thama kuti u zwihwe chini? (1 Bathesalonika 2:4)

¹⁶ Jehofa o dirisa batho ba a ba amogelang go rera dikgang tse di molemo. (Bala 1 Bathesalonika 2:4.) Kgaitsadi mongwe yo o bidiwang Jocelyn o ile a lemoga seo fa a ntse a rerela ba bangwe dikgang tse di molemo. Letsatsi lengwe o ile a tsoga a kgobegile marapo. A re: “Ke ne ke se na maatla e bile ke ikutlwa ke se motho wa sepe. Mme gone ke ne ke le mmulatsela e bile e ne e le letsatsi le ke yang tshimong ka lone. Ka jalo ke ile ka rapela ke bo ke ya tshimong.” Mo go lone letsatsi leo, Jocelyn o ile a kopana le Mary a bo a dumela gore a mo rute Baebele. Morago ga dikgwedi di le mmalwa, Mary o ile a bolelela Jocelyn gore ka letsatsi le a ileng a mo etela ka lone, o ne a ntse a rapela, a kopa Modimo gore a mo thuse. Seno se ile sa bontsha Jocelyn gore Jehofa o a mo amogela. Gone ke boammaaruri gore ga se mongwe le mongwe yo o tla reetsang fa re mo rerela. Le fa go ntse  jalo, re a itse gore Jehofa o a itumela fa re dira sotlhe se re se kgonang go rerela batho.

17. U no zwidiyani mu na cha ka legwa na Vicky ne kwe ku tengunugwa? (Pisalema 5:12)

¹⁷ Jehofa o dira gore batho ba a ba amogelang ba tswelwe mosola ke setlhabelo sa thekololo. (1 Tim. 2:5, 6) Re ka tswa re na le tumelo mo setlhabelong sa thekololo e bile re kolobeditswe, mme gone re sa dumele gore Jehofa o a re amogela. Fa go le jalo re ka thusiwa ke eng? Nna o gopotse gore maikutlo a ka re tsietsa, mme Jehofa ene re ka mo tshepa. O tsaya batho ba ba nang le tumelo mo setlhabelong sa thekololo ba siame e bile o solofetsa gore o tla ba segofatsa. (Bala Pesalema 5:12; Bar. 3:26) Go akanyetsa kwa teng ka thekololo go ile ga thusa kgaitsadi mongwe yo o bidiwang Vicky. Letsatsi lengwe fa a ntse akanyetsa kwa teng ka yone, o ile a lemoga gore eleruri Jehofa o a mo rata. O ne a re: “Jehofa o ntse a le pelotelele le nna. . . . Le fa go ntse jalo, go ne go ntse jaaka e kete ke mo raya ke re: ‘Ga o ka ke wa kgona go nthata. Setlhabelo sa morwao ga se ka ke sa kgona go nthusa.’” Le rona re tla lemoga gore Jehofa o a re rata le gore o a re amogela fa re ipha nako ya go akanyetsa kwa teng ka setlhabelo sa thekololo.

18. Ti nga simisiwa neni ha ti dwilila ti da Tate bedu ba kudzimu?

¹⁸ Ka dinako dingwe re ka nna ra kgobega marapo kgotsa ra ipotsa gore a mme Jehofa o a re amogela, tota le fa re dirisa dintlha tse re di ithutileng mo setlhogong seno. Fa o ikutlwa jalo, nna o gopotse gore Jehofa o amogela “ba ba tswelelang ba mo rata.” (Jak. 1:12) Ka jalo tswelela o atamalana le ene e bile o leke go bona ditsela tse a go bontshang ka tsone gore o a go amogela. Gape o se ka wa lebala gore Jehofa o batla go atamalana le wena.​—Dit. 17:27.