1. Jehova u no laletsa banamati babe ku thamani? (Bona itshwantsho.)

 KE MANG yo re ka buang le ene fa re tlhoka go gomodiwa le go kaelwa? Rotlhe re a itse gore re ka bua le Jehofa Modimo. Jehofa o batla gore re mo rapele ka metlha. Tota e bile, o batla gore re ‘rapele re sa kgaotse.’ (1 Bathes. 5:17) Fa re rapela, re ka kgona go mmolelela sengwe le sengwe le go mo kopa gore a re kaele mo botshelong. (Diane 3:5, 6) Jehofa ke Modimo yo o pelotshweu, ka jalo o batla gore re mo rapele gantsi jaaka re batla.

2. Towo zwidiya ne kweni mu nsholo iwoyo?

² Re leboga Jehofa tota ka gonne o re letla gore re mo rapele. Mme gone, e re ka go na le dilo tse dintsi tse re tshwanelwang ke go di dira, go ka nna thata gore re bone nako ya go rapela. Gape re ka tswa re lemoga gore re tshwanetse go tokafatsa dithapelo tsa rona. Se se itumedisang ke gore Baebele e re kgothaletsa gore re rapele e bile e re kaela gore re ka dira seo jang. Mo setlhogong seno, re tlile go bona gore re tshwanetse go dira eng gore re nne le nako ya go rapela fela jaaka Jesu. Gape re tlile go bona gore ke dilo dife tse tlhano tse re ka di rapelelang tse di ka re thusang go tokafatsa dithapelo tsa rona.

3. Jesu wa ka e hwisisani ne kwe ntembezelo?

³ Jesu o ne a itse gore Jehofa o tsaya dithapelo tsa rona di le botlhokwa. Pele Jesu a tla mo lefatsheng, o ile a bona fa Rraagwe a araba dithapelo tsa banna le basadi ba ba ikanyegang. Ka sekai, o ne a na le Rraagwe fa a araba dithapelo tsa ga Hana, Dafide, Elija le ba bangwe ba bantsi. (1 Sam. 1:10, 11, 20; 1 Dikg. 19:4-6; Pes. 32:5) Ke gone ka moo a ileng a rotloetsa barutwa ba gagwe gore ba rapele ka metlha ba sa belaele sepe.—Math. 7:7-11.

4. To zwidiyani mu mitembezelo ya Jesu?

⁴ Fa Jesu a ne a le mo lefatsheng, o ne a rapela ka metlha. Fa a ne a dira jalo, o ne a bontsha barutwa ba gagwe gore le bone ba tshwanetse go rapela. O ne a ipeela nako ya go rapela ka gonne o ne a nna a na le batho. (Mar. 6:31, 45, 46) O ne a tsoga mo mosong a ya kwa lefelong le le se nang batho gore a kgone go rapela. (Mar. 1:35) Nako nngwe o ne a fetsa bosigo jotlhe a rapela pele ga a dira tshwetso nngwe e e botlhokwa. (Luke 6:12, 13) Mo bosigong jwa pele ga Jesu a bolawa, o ile a rapela makgetlo a le mmalwa.—Math. 26:39, 42, 44.

5. Ti nga yedza Jesu chini ha ti tembezela?

⁵ Le fa Jesu a ne a na le tiro e ntsi, o ne a ipeela nako ya go rapela, ka jalo le rona re tshwanetse go dira jalo. Gongwe o ka tshwanelwa ke go tsoga mo mosong kgotsa go ipha nako maitseboa gore o kgone go rapela. Fa re dira jalo, re bontsha Jehofa gore re lebogela mpho e a re neileng yone ya thapelo. Kgaitsadi mongwe yo o bidiwang Lynne o gopola kafa a neng a itumetse ka gone fa a ne a utlwa gore a ka kgona go rapela nako nngwe le nngwe fela. A re: “Fa ke ne ke utlwa gore nka kgona go bua le Jehofa nako nngwe le nngwe, seo se ne sa nthusa gore ke atamalane le ene le gore ke tokafatse dithapelo tsa me.” Bontsi jwa rona re ikutlwa fela jalo. Ka jalo, a re tlotleng ka dilo tse tlhano tse re ka di rapelelang.

6. Ku yenda na Zumbunulo 4:10, 11, Jehova u no fanigwa neni?

⁶ Baka Jehofa. Moaposetoloi Johane o ne a bona ponatshegelo ya bagolwane ba le 24 kwa legodimong ba obamela Jehofa. Ba ne ba baka Jehofa ba re ke Modimo yo o maatla e bile o “tshwanelwa ke go galalediwa le go tlotliwa.” (Bala Tshenolo 4:10, 11.)  Baengele ba ba ikanyegang le bone ba na le mabaka a mantsi a go baka Jehofa. Ba nna le ene kwa legodimong e bile ba mo itse sentle. Sengwe le sengwe se Jehofa a se dirang se ba thusa gore ba lemoge botho jwa gagwe, mme seo se dira gore ba batle go mmaka.—Jobe 38:4-7.

7. Ti nga kudzila Jehova ini?

⁷ Le rona re tshwanetse go baka Jehofa fa re mo rapela. Re tshwanetse go mmolelela mabaka a go bo re mo tlotla e bile re mo rata. Fa o bala Baebele, leka go bona dinonofo tsa ga Jehofa tse o di ratang thata. (Jobe 37:23; Bar. 11:33) Go tswa foo, mmolelele gore o ikutlwa jang ka ene. Gape re ka baka Jehofa ka go bo a re thusa e bile a thusa le bakaulengwe le bokgaitsadi ba rona. O a re tlhokomela e bile o a re sireletsa.—1 Sam. 1:27; 2:1, 2.

8. Mabaka angwe manjinji a no thama kuti ti boke Jehova ndi api? (1 Bathesalonika 5:18)

⁸ Leboga Jehofa. Re na le mabaka a mantsi a go leboga Jehofa fa re rapela. (Bala 1 Bathesalonika 5:18.) Re ka mo lebogela sengwe le sengwe se se molemo se re nang le sone, ka gonne mpho nngwe le nngwe e e molemo e tswa kwa go ene. (Jak. 1:17) Ka sekai, re ka mo lebogela lefatshe le lentle le dilo tse dingwe tse dintle tse a di bopileng. Gape re ka mo lebogela go bo re tshela, re na le ba malapa le ditsala e bile re na le tsholofelo. Sengwe gape se re ka mo lebogelang sone ke go bo a re letlile go nna ditsala tsa gagwe.

9. Ini ku nga na ku ka sheteka kuti ti zwidiye ku boka Jehova?

⁹ Re ka nna ra tshwanelwa ke go ipha nako ya go akanyetsa kwa teng ka mabaka a go bo re leboga Jehofa. Batho ba bantsi gompieno ga ba leboge. Gantsi ba nna ba akanya fela ka se ba se batlang go na le go lebogela se ba setseng ba na le sone. Fa le rona re ka nna le mokgwa oo, re ka feleletsa re kopa fela fa re rapela, mme re sa leboge. Gore re se ka ra dira jalo, re tshwanetse go nna re lebogela sengwe le sengwe se Jehofa a re direlang sone.—Luke 6:45.

10. Ku be nthu u no boka kwa ka batsha azwadzi ingwe chini kuti a khone ku zwitshoka? (Bona itshwantsho.)

¹⁰ Go lebogela se re nang le sone, go tla re thusa gore re kgone go itshokela mathata. Seo se ile sa diragalela Kyung-sook yo go buiwang ka ene mo makasineng wa Tora ya Tebelo wa January 15, 2015. O ne a bolelelwa gore o tshwerwe ke kankere ya makgwafo. A re: “Kgang eno e ne ya nkama fela thata. Ke ne ke ikutlwa e kete ke latlhegetswe ke sengwe le sengwe e bile ke tshogile thata.” Ke eng se se mo thusitseng gore a kgone go itshoka? O ne a re bosigo bongwe le bongwe pele a robala, o ne a ya kwa marulelong a ntlo ya gagwe a bo a bolelela Jehofa dilo tse tlhano tse a di lebogelang mo letsatsing leo. Seo se ne se mo thusa gore a bontshe Jehofa gore o a mo rata. O ne a lemoga gore Jehofa o thusa batlhanka ba gagwe fa ba na le mathata le gore  le fa re na le mathata go na le dilo di le dintsi tse re ka di lebogelang. Fela jaaka Kyung-sook, le rona re na le mabaka a mantsi a go leboga Jehofa le fa re na le mathata a a seng kana ka sepe. Fa re rapela Jehofa re mo lebogela dilo tse a re direlang tsone, seo se tla re thusa gore re kgone go itshoka le gore re tswelele re itumetse.

11. Ini kwa ka ku sheteka kuti badiyiwana ba Jesu ba bo ne chibindi shule kwe kuti Jesu a gwilile kudzimu?

¹¹ Kopa Jehofa gore a go thuse go nna pelokgale fa o rera. Pele Jesu a boela kwa legodimong, o ne a gopotsa barutwa ba gagwe gore ba na le tiro ya go neela bosupi ka ene “mo Jerusalema, mo Judea yotlhe le Samarea, le go ya kwa dikarolong tse di kwa kgakalakgakala tsa lefatshe.” (Dit. 1:8; Luke 24:46-48) Nakwana morago ga foo, baeteledipele ba Bajuda ba ne ba tshwara moaposetoloi Petere le Johane ba ba tlisa fa pele ga Sanehederine. Ba ne ba ba laela gore ba tlogele go rera, ba bo ba ba tshosetsa. (Dit. 4:18, 21) Petere le Johane ba ne ba dira eng?

12. Ku yenda na Mishingo 4:29, 31, badiyiwana ba ka thamani?

¹² Petere le Johane ba ne ba raya baeteledipele ba Bajuda ba ba neng ba ba tshosetsa ba re: “A e nne lona lo atlholang gore a go siame mo Modimong gore re lo ikobele go na le gore re ikobele Modimo. Mme rona, ga re ka ke ra tlogela go bua ka dilo tse re di boneng le tse re di utlwileng.” (Dit. 4:19, 20) Fa Petere le Johane ba sena go gololwa, ba ne ba rapela Jehofa ba mo kopa gore a ba thuse gore ba tswelele ba dira thato ya gagwe. Ba ne ba re: “O dire gore batlhanka ba gago ba tswelele ba bua lefoko la gago ka bopelokgale.” Jehofa o ne a ba araba.—Bala Ditiro 4:29, 31.

13. Ti nga zwidiyani mu chiladzilo cha Jin-hyuk?

¹³ Le rona re ka etsa Petere le Johane ka go tswelela re rera le fa puso e re laela gore re tlogele go rera. Akanya ka se se ileng sa diragalela Jin-hyuk yo o neng a tshwerwe ka gonne a sa batle go tsenela bosole. Fa a ne a le kwa kgolegelong, tiro ya gagwe e ne e le go tlhokomela magolegwa mangwe a a neng a tswaletswe mo seleng a le nosi. Mme gone, o ne a letleletswe go bua le bone fela ka dilo tse ba neng ba di tlhoka, e seng ka Baebele. O ne a kopa Jehofa gore a mo neye bopelokgale le botlhale jwa gore a kgone go bua le bone fa tshono e tlhaga. (Dit. 5:29) A re: “Jehofa o ne a araba dithapelo tsa me a bo a mpha bopelokgale le botlhale jwa go simolola dithuto tsa Baebele tse dintsi ke dirisa metsotso e le metlhano ke eme kwa kgorong ya disele tsa bone. Mme bosigo, ke ne ke kwala makwalo a ke neng ke tla ba naya one mo letsatsing le le latelang.” Le rona re ka tlhatswega pelo gore Jehofa o tla re thusa gore re kgone go rera. Fela jaaka Jin-hyuk, re ka kopa Jehofa gore a re neye bopelokgale le botlhale.

14. Ti nga thusiwa neni ha ta ka lingisana ne mathatha? (Pisalema 37:3, 5)

¹⁴ Kopa Jehofa gore a go thuse go itshoka fa o na le mathata. Bontsi jwa rona re a lwala, re kgobegile marapo, re tlhokafalelwa ke batho ba re ba ratang, re a bogisiwa e bile re na le mathata a mangwe. Mme malwetse a leroborobo le dintwa di dirile gore go nne thata go itshokela mathata ao. Bolelela Jehofa gore o ikutlwa jang. Bua le ene fela jaaka o ne o ka bua le tsala ya gago. Se belaele gore Jehofa “o tla go thusa.”—Bala Pesalema 37:3, 5.

15. Ntembezelo u nga ti thusa chini kuti ti be ‘ne moyonlefu ha ti dziyidziwa’? Pa chilakidzilo.

¹⁵ Fa re nna re rapela re tla kgona go ‘itshoka fa re na le mathata.’ (Bar. 12:12) Jehofa o itse mathata a batlhanka ba gagwe ba a  itshoketseng e bile o “utlwa selelo sa bone sa go kopa thuso.” (Pes. 145:18, 19) Seno ke sone se se ileng sa diragalela mmulatsela mongwe yo o bidiwang Kristie yo o nang le dingwaga di le 29. O ne a simolola go lwala mme seo sa dira gore a tshwenyege thata mo maikutlong. Moragonyana, o ne a utlwa gore mmaagwe o tshwerwe ke bolwetse jo bo neng bo ka mmolaya. Kristie a re: “Ke ne ke rapela Jehofa ka tlhoafalo ke mo kopa gore a nthuse go itshokela letsatsi lengwe le lengwe. Ke ne ke leka go ya dipokanong ka metlha le go ithuta ke le nosi.” Gape o ne a re: “Thapelo e ne ya nthusa gore ke kgone go itshokela dinako tseo tse di thata. Ke ne ke itse gore Jehofa o na le nna, mme seo se ne se nkgomotsa tota.” Le fa ke sa fola ka nako eo, Jehofa o ile a araba dithapelo tsa me ka go dira gore ke ritibale.” A re nneng re gopotse gore “Jehofa o itse kafa a ka gololang batho ba ba ineetseng mo go ene ka gone fa ba le mo tekong.”—2 Pet. 2:9.

16. Ini ti sheta batsho ya Jehova ha ti likiwa?

¹⁶ Kopa Jehofa gore a go thuse gore o se ka wa ineela fa o raelwa. E re ka re na le boleo, re tshwanetse go nna re lwela go dira se se siameng. Satane o dira sotlhe se a ka se kgonang gore a re thatafaletse botshelo. O dirisa boitlosobodutu jo bo sa siamang go leka go dira gore re nne le dikakanyo tse di bosula. Fa re nna re akanya ka dilo tse di sa siamang, re ka feleletsa re dira boleo jo bo masisi.—Mar. 7:21-23; Jak. 1:14, 15.

17. Ti nga thama chini ku yendidzana ne cha ta kumbila ha ti likiwa? (Bona itshwantsho.)

¹⁷ Re tlhoka thuso ya ga Jehofa gore re kgone go fenya dithaelo. Mo thapelong ya sekao, Jesu o ne a re: “O se ka wa re tsenya mo thaelong, mme o re golole mo go Satane.” (Math. 6:13) Jehofa o batla go re thusa, mme re tshwanetse go mo kopa gore a re thuse. Fa re sena go rapela, re tshwanetse go leka ka natla  go tila dilo tse di ka dirang gore re tsene mo thaelong. Gape ga re a tshwanela go bala kgotsa go reetsa dilo tse di sa siamang tse batho ba lefatshe leno le le bosula ba di ratang. (Pes. 97:10) Fa re bala Baebele le go e ithuta, re tla kgona go akanya ka dilo tse di siameng. Go ya dipokanong le go ya tshimong, le gone go ka re thusa gore re nne re akanya ka dilo tse di siameng. Jehofa ga a kitla a re letla gore re welwe ke diteko tse re ka se kgoneng go di itshokela.—1 Bakor. 10:12, 13.

18. Ha ku zha mu ntembezelo, ini cha ta ka fanila thama?

¹⁸ Mongwe le mongwe wa rona o tshwanetse go rapela thata gore a kgone go tswelela a ikanyega mo go Jehofa mo malatsing ano a bofelo. Ipeele nako letsatsi le letsatsi gore o rapele Jehofa go tswa pelong. Jehofa o batla gore re ‘mo tshololele se se mo dipelong tsa rona.’ (Ps. 62:8) Baka Jehofa o bo o mo lebogele sengwe le sengwe se a go direlang sone. Mo kope gore a go thuse gore o nne pelokgale fa o rera. Gape o mo kope gore a go thuse go itshokela mathata ape fela a o ka tswang o na le one le gore o se ka wa ineela fa o raelwa. O se ka wa letla ope kgotsa sepe se dira gore o palelwe ke go rapela Jehofa ka metlha. Mme gone, Jehofa o araba dithapelo tsa rona jang? Re tla tlotla ka potso eo mo setlhogong se se latelang.