1-2. Ti nga na ti ka zwibuzwani ha ku zha mu mitembezelo yedu?

 A O KILE wa ipotsa gore a Jehofa o araba dithapelo tsa gago? Fa go ntse jalo, itse gore ga se wena fela. Bakaulengwe le bokgaitsadi ba le bantsi le bone ba kile ba ipotsa potso eo, segolobogolo fa ba na le mathata. Fa re na le mathata, ga go motlhofo go lemoga fa Jehofa a araba dithapelo tsa rona.

² Mo setlhogong seno, re tlile go bona gore ke eng fa re ka tlhatswega pelo gore Jehofa o araba dithapelo tsa batlhanka ba gagwe. (1 Joh. 5:15) Gape re tlile go tlotla ka dipotso tseno: Goreng ka dinako dingwe go lebega e kete Jehofa ga a arabe dithapelo tsa rona? Jehofa o araba jang dithapelo tsa rona?

3. Ini Jehova e shaka kuti ti ntembezele?

³ Baebele e re netefaletsa gore Jehofa o a re rata e bile re botlhokwa thata mo go ene. (Hag. 2:7; 1 Joh. 4:10) Ke gone ka moo a reng re mmolelele fa re tlhoka thuso. (1 Pet. 5:6, 7) O batla go re thusa gore re tswelele re atamalane le ene, le gore re kgone go itshokela mathata.

4. To ziba chini kuti Jehova u no dabila mitembezelo ye banamati babe? (Bona itshwantsho.)

⁴ Go na le dipego di le dintsi mo Baebeleng tse di bontshang gore Jehofa o araba dithapelo tsa batlhanka ba gagwe. A go na le nngwe e o e gopolang? Mongwe yo Jehofa a ileng a araba dithapelo tsa gagwe, ke Kgosi Dafide. O ne a na le baba ba le bantsi ba ba kotsi, mme gantsi o ne a kopa Jehofa gore a mo thuse. Nako nngwe o ne a kopa Jehofa a re: “Ao tlhe Jehofa,  utlwa thapelo ya me; reetsa thapelo ya me ya go kopa thuso. Nkarabe, ka gonne o a ikanyega e bile o siame.” (Pes. 143:1) Dafide o ile a kopa Jehofa gore a mo golole, mme Jehofa o ne a araba dithapelo tsa gagwe. (1 Sam. 19:10, 18-20; 2 Sam. 5:17-25) Ke gone ka moo Dafide a ileng a bua jaana a tlhatswegile pelo: “Jehofa o gaufi le botlhe ba ba mmitsang.” Le rona re ka ikutlwa fela jalo.—Pes. 145:18.

5. A mitembezelo ye banamati ba Jehova ba ntolo ya ka i gala i dabigwa ne zila ya ba ka ba ka lingilila? Pa chilakidzilo. (Bona itshwantsho.)

⁵ Jehofa a ka nna a araba dithapelo tsa rona ka tsela e re neng re sa e akanya. Ke sone se se ileng sa diragalela moaposetoloi Paulo. O ne a na le bothata bongwe jo a neng a re ke “mmitlwa mo nameng,” mme o ne a rapela Modimo gararo a mo kopa gore a tlose bothata joo. A Jehofa o ile a araba dithapelo tseo? Ee, o ile a di araba, mme e seng ka tsela e Paulo a neng a e akantse. Jehofa ga a ka a tlosa bothata joo, go na le moo o ne a naya Paulo maatla a gore a tswelele a mo direla a ikanyega.—2 Bakor. 12:7-10.

6. Mu nako dzingwe, ini ku nga na ku ka lingika u nga ti Jehova ha a to dabila mitembezelo yedu?

⁶ Ka dinako dingwe, Jehofa a ka araba dithapelo tsa rona ka tsela e re neng re sa e solofela. Mme gone, re tlhatswegile pelo gore Jehofa o itse se se re siametseng. Tota e bile, “o kgona go re direla dilo tsotlhe tse di fetang tse re di kopang kgotsa tse re ka akanyang ka tsone.” (Baef. 3:20) Ka jalo, a ka araba dithapelo tsa rona ka nako e re neng re sa e akanya, kgotsa ka tsela e re neng re sa e lebelela.

7. Ini ku nga na ku ka sheteka kuti ti shandule cha ti no tembezelela? Pa chilakidzilo.

⁷ Ka dinako dingwe fa re simolola go lemoga gore Jehofa o batla gore re dire eng, re ka nna ra tshwanelwa ke go fetola se re se rapelelang. Seo ke se Mokaulengwe Martin Poetzinger a ileng a se dira. Fela fa a sena go nyala, o ne a isiwa kwa kampeng ya pogisetso ya Banasi. Kwa tshimologong, o ne a kopa Jehofa gore a mo ntshe mo kampeng eo ya pogisetso gore a ye go tlhokomela mosadi wa gagwe, le gore a ye go rera gape. Le fa go ntse jalo, morago ga dibeke di le pedi, go ne go se na sepe se se bontshang gore Jehofa o ne a tla dira gore a gololwe. Ka jalo, o ne a rapela jaana: “Jehofa, ke kopa gore o mpontshe gore o batla gore ke dire eng.” O ne a simolola go akanya ka dilo tse bakaulengwe ba ba mo kampeng eo ba di itshoketseng.  Bontsi jwa bone ba ne ba tshwenyegile ka basadi ba bone le ka bana ba bone. Ka jalo, Mokaulengwe Poetzinger o ne a rapela a re: “Jehofa, ke lebogela kabelo e ntšha e o e nneileng. Ke kopa gore o nthuse gore ke kgothatse bakaulengwe bano.” O ne a fetsa dingwaga di le robongwe kwa kampeng eo, a kgothatsa bakaulengwe.

8. I chithu chipi chikulu cha ta ka fanila kumbula ha ti tembezela?

⁸ Se lebale gore Jehofa o tlhomile nako ya gore a diragatse dilo tse a re solofeditseng tsone. O re solofetsa gore o tla fedisa mathata otlhe a a dirang gore re boge a a jaaka masetlapelo a tlholego, bolwetse le loso. O tla dira jalo a dirisa Bogosi jwa gagwe. (Dan. 2:44; Tshen. 21:3, 4) Le fa go ntse jalo, gone jaanong Jehofa o sa ntse a letlile Satane gore a buse lefatshe. b (Joh. 12:31; Tshen. 12:9) Fa Jehofa a ne a ka fedisa mathata otlhe a batho gone jaanong, go ne go ka lebega e kete Satane o busa batho sentle. Le fa gone re tshwanetse go leta Jehofa gore a dire dilo tse a re solofeditseng tsone, seo ga se reye gore ga a re thuse. A re boneng gore Jehofa o re thusa jang.

9. Jehova u nga ti batsha chini ha ku sheteka kuti ti tole thambo? Lakidzila.

⁹ O re naya botlhale. Jehofa o re solofeditse gore o tla re naya botlhale gore re kgone go dira ditshwetso tse di siameng. Re tlhoka botlhale jo bo tswang kwa go Jehofa fa re dira ditshwetso tse di botlhokwa mo botshelong, jaaka gore a re tla nyala kgotsa re ka se ka ra nyala. (Jak. 1:5) Akanya ka se se ileng sa diragalela kgaitsadi mongwe yo o sa nyalwang yo o bidiwang Maria. c Fa e ne e le mmulatsela, o ne a simolola go tsalana le mokaulengwe mongwe. A re: “Botsala jwa rona bo ne jwa gola, mme ke ne ka simolola go mo rata. Le ene o ne a nthata. Ke ne ke itse gore ke tshwanetse go dira tshwetso. Ke ne ka rapela thata ka kgang eo. Ke ne ke batla gore Jehofa a nthuse, mme gone ke ne ke itse gore a ka se ka a ntirela tshwetso.” Maria a re Jehofa o ile a araba dithapelo tsa gagwe. O ile a dira seo jang? Fa a ntse a dira dipatlisiso, o ne a kgona go bona dikgatiso tse di neng tsa mo thusa go araba dipotso tse a neng a na le tsone. Gape o ne a dirisa kgakololo e mmaagwe a neng a mo naya yone. Seo se ne sa mo thusa gore a kgone go dira tshwetso e e siameng.

10. Ku yenda na Bafilipi 4:13, Jehova u no thamani ku batsha banamati babe? Pa chilakidzilo. (Bona itshwantsho.)

¹⁰ O re naya maatla gore re kgone go itshoka. Fela jaaka Jehofa a ile a thusa moaposetoloi Paulo, le rona o tla re naya maatla a gore re kgone go itshokela mathata a re nang le one. (Bala Bafilipi 4:13.) Jehofa o ile a thusa  mokaulengwe mongwe yo o bidiwang Benjamin gore a kgone go itshokela mathata mangwe a a neng a na le one. Fa a sa le mosha, ene le ba lelapa la gaabo ba ne ba nna kwa kampeng nngwe ya batshabi kwa Afrika. Benjamin a re: “Ke ne ke nna ke rapela Jehofa gore a nneye maatla a gore ke kgone go dira se se siameng. Jehofa o ne a araba dithapelo tsa me ka go nthusa gore ke ritibale, a nnaya bopelokgale jwa gore ke tswelele ke rera, a bo a nnaya dikgatiso tse di ileng tsa nthusa gore ke tswelele ke atamalane le ene. Go bala maitemogelo a bakaulengwe le bokgaitsadi le go bona kafa Jehofa a ba thusitseng ka gone, go ne ga nthusa gore ke kgone go itshoka le gore ke tswelele ke ikanyega.”

11-12. Jehova u nga na a ka shingisa bazwalani ne dziazwadzi dzedu chini ku dabila mitembezelo yedu? (Bona itshwantsho.)

¹¹ O dirisa bakaulengwe le bokgaitsadi. Mo bosigong jwa pele Jesu a bolawa, o ne a rapela ka tlhoafalo. O ne a kopa Jehofa gore a se ka a letla gore a bolawe ka tsela e e neng e tla dira gore leina la Gagwe le kgobiwe. Jehofa ga a ka a dira se Jesu a neng a se kopa, go na le moo o ne a romela moengele gore a mo nonotshe. (Luke 22:42, 43) Le rona, Jehofa a ka re kgothatsa ka go dira gore mongwe mo phuthegong a re founele kgotsa a re etele. Rotlhe re tshwanetse go batla ditshono tsa go kgothatsa bakaulengwe le bokgaitsadi mme re bue “lefoko le le molemo” le bone.—Diane 12:25.

¹² Akanya ka se se ileng sa diragalela kgaitsadi mongwe yo o bidiwang Miriam. Dibeke di se kae fa monna wa gagwe a sena go tlhokafala, o ne a utlwile botlhoko thata e bile a kgobegile marapo. O ne a lela e bile a tlhoka go bua le mongwe. A re: “Ke ne ke se na maatla a go founela ope, ka jalo ke ne ka rapela. Fa ke ntse ke lela e bile ke rapela, founo e ne ya lela. Go ne go founa mogolwane mongwe yo e leng tsala ya me.” Mogolwane yoo le mosadi wa gagwe, ba ile ba kgothatsa Miriam. Miriam a re o a itse gore Jehofa ke ene a dirileng gore mokaulengwe yono a mo founele.

13. Leba chilakidzilo chi no lakidza kuti Jehova u nga shingisa bathu ba si nga n’namate chini ku dabila mitembezelo yedu.

¹³ A ka nna a dirisa batho ba ba sa mo direleng. (Diane 21:1) Ka dinako tse dingwe,  Jehofa o dirisa batho ba ba sa mo direleng go araba dithapelo tsa batlhanka ba gagwe. Ka sekai, o ne a dira gore Kgosi Aretaserese a letle Nehemia gore a boele kwa Jerusalema gore a ye go thusa mo tirong ya go aga motse sesha. (Neh. 2:3-6) Le gompieno, Jehofa o kgona go dirisa batho ba ba sa mo direleng gore ba re thuse.

14. U no zwidiyani mu na cha ka shingikalila Soo Hing? (Bona itshwantsho.)

¹⁴ Kgaitsadi mongwe yo o bidiwang Soo Hing a re Jehofa o ile a dirisa ngaka nngwe go mo thusa. Ngwana wa gagwe wa mosimane o na le malwetse a le mmalwa a tlhaloganyo. Ene le monna wa gagwe ba ne ba tshwanelwa ke go tlogela tiro gore ba tlhokomele ngwana wa bone fa a sena wa a bo a gobala. E re ka ba ne ba se na lotseno, go ne go le thata tota. Soo Hing a re o ne a imetswe thata. O ne a bulela Jehofa mafatlha a mo kopa gore a ba thuse. Ngaka e ba neng ba tlhola ba ya kwa go yone, e ne ya tsaya matsapa go ba thusa gore ba kgone go amogela madi a a tswang kwa pusong le go bona lefelo le ba neng ba ka nna kwa go lone le ba kgonang go le duelela. Soo Hing a re: “Re ne re bona gore Jehofa ke ene a re thusang. Eleruri ke ‘Moutlwi wa thapelo.’”—Pes. 65:2.

15. Azwadzi nngwe wa ka thusiwa neni kuti a bone kuti mitembezelo iye ya dabigwa?

¹⁵ Gantsi Jehofa ga a arabe dithapelo tsa rona ka tsela e e tlhomologileng. Go na le moo, o re naya se re se tlhokang gore re tswelele re ikanyega. Ka jalo, o tshwanetse go nna kelotlhoko gore o kgone go lemoga fa Jehofa a araba dithapelo tsa gago. Kgaitsadi mongwe yo o bidiwang Yoko, o ne a tsaya gore Jehofa ga a arabe dithapelo tsa gagwe, mme o ne a simolola go kwala dilo tsotlhe tse a neng a di kopile mo go Jehofa. Morago ga nakonyana o ne a boela kwa bukeng e a neng a kwadile mo go yone, a bo a lemoga gore Jehofa o arabile bontsi jwa dithapelo tsa gagwe, tota le tse a neng a setse a lebetse ka tsone. Re tshwanetse go ipha nako gangwe le gape go akanya ka tsela e Jehofa a arabang dithapelo tsa rona ka yone.—Pes. 66:19, 20.

16. Ti nga lakidzila chini kuti to dumila ha ku zha mu ntembezelo? (Bahebera 11:6)

¹⁶ Re bontsha gore re na le tumelo fa re rapela le fa re amogela tsela e Jehofa a arabang dithapelo tsa rona ka yone, tota le fa a di arabile ka tsela e re neng re sa e lebelela. (Bala Bahebera 11:6.) Akanya ka se se ileng sa diragalela  Mike le mosadi wa gagwe yo o bidiwang Chrissy. Ba ne ba batla go direla kwa Bethele. Mike a re: “Go ne ga feta dingwaga di le dintsi re tsenya kopo ya go ya go direla kwa Bethele, e bile re rapela ka kgang eno. Le fa go ntse jalo, ga re a ka ra bidiwa.” Mike le Chrissy ba ne ba tlhatswegile pelo gore Jehofa o a itse gore o tshwanetse go ba dirisa kae. Ba ne ba tswelela ba dira ka natla e le babulatsela ba ka metlha kwa go nang le tlhokego ya baboledi gone, e bile ba ne ba thusa mo diporojekeng tsa kago. Gone jaanong, ba mo tirong ya potologo. Mike a re: “Ka dinako tse dingwe, Jehofa o ile a araba dithapelo tsa rona ka tsela e re neng re sa e lebelela. Mme gone o ile a di araba, e bile o ile a dira jalo ka tsela e e gaisang e re neng re e akanya.”

17-18. Ku yenda na Pesalema 86:6, 7, ti nga thembani?

¹⁷ Bala Pesalema 86:6, 7. Mopesalema Dafide o ne a tlhatswegile pelo gore Jehofa o utlwa dithapelo tsa gagwe, e bile o a di araba. Le wena o ka tlhatswega pelo fela jalo. Dikai tse re buileng ka tsone mo setlhogong seno, di re netefaletsa gore Jehofa a ka re naya botlhale le maatla a re a tlhokang gore re kgone go itshoka. A ka dirisa bakaulengwe le bokgaitsadi kgotsa batho ba ba sa mo direleng go re thusa.

¹⁸ Gone ke nnete gore ga se ka metlha Jehofa a arabang dithapelo tsa rona ka tsela e re neng re e lebeletse. Mme gone, re a itse gore o tla di araba. O tla re naya se re se tlhokang ka nako e re se tlhokang ka yone. Ka jalo, tswelela o rapela o sa belaele gore Jehofa o a go utlwa, o tlhatswegile pelo gore o tla go tlhokomela gone jaanong le gore o tla “kgotsofatsa keletso ya setshedi sengwe le sengwe” kwa lefatsheng le lesha.—Pes. 145:16.