1. Jehova u no zwihwa chini ne kwe balanda babe?

 JEHOFA o bona sengwe le sengwe se batlhanka ba gagwe ba lebanang le sone. O a re bona fa re itumetse le fa re utlwile botlhoko. (Pes. 37:18) O a itumela fa a bona re dira sotlhe se re ka se kgonang go mo direla, tota le fa re tshwenyegile mo maikutlong. Mo godimo ga moo, o batla go re thusa le go re gomotsa.

2. Jehova u no thamilani ba ka nyalamoyo, ngono ti nga shathila ku ti thokomela kukwe chini?

² Pesalema 147:3 e a re Jehofa “o hapa dintho” tsa ba ba pelo e phatlogileng. Temana eno e tlhalosa kafa Jehofa a thusang batho ba ba tshwenyegileng mo maikutlong ka gone. Mme gone, re tshwanetse go dira eng gore Jehofa a re thuse? Ela tlhoko sekai seno: Ngaka e ka kgona go thusa motho yo o gobetseng gore a fole. E le gore motho yoo a fole, o tshwanetse go dira se ngaka eo e mmolelelang gore a se dire. Mo setlhogong seno, re tlile go tlotla ka se Jehofa a se bolelelang ba ba tshwenyegileng mo maikutlong a dirisa Baebele e bile re tla sekaseka gore le rona re ka dirisa kgakololo eo jang.

JEHOVA U NO TI TOLELA PEZHUGWI KWAZO

3. Ini bangwe be zwilingila pasi?

³ Re tshela mo lefatsheng le batho ba le bantsi ba sa rateng batho ba bangwe e bile ba dira gore ba ikutlwe e se batho ba sepe. Kgaitsadi mongwe yo o bidiwang Helen a a re: “Batsadi ba me ba ne ba se lorato. Rre o ne a rata ntwa, go ne go se na letsatsi le le  fetang a sa mpolelele gore ga ke motho wa sepe.” Gongwe fela jaaka Helen, mongwe o kile a go tshwara makgwakgwa, a go tlhaba ka mafoko kgotsa a dira gore o ikutlwe o se motho wa sepe. Fa e le gore go ntse jalo, go ka nna thata gore o dumele gore go na le mongwe yo o go ratang.

4. Ku yenda ne Pisalema 34:18, Jehova u no ti thembesani?

⁴ Tota le fa batho ba sa go tshwara sentle, o ka tlhatswega pelo gore Jehofa ene o a go rata le gore o go tsaya o le motho wa botlhokwa. O “gaufi le ba ba pelo e phatlogileng.” (Bala Pesalema 34:18.) Fa o ‘kgobegile marapo,’ gopola gore Jehofa o bone dilo tse dintle mo go wena. (Joh. 6:44) Ka dinako tsotlhe o nna a ipaakanyeditse go go thusa ka gonne o a go rata.

5. Ti nga zwidiyani mu zila Jesu ya a ka be e bata ba no lingigwa pasi?

⁵ Re ka kgona go itse gore Jehofa o ikutlwa jang fa re akanya ka se Jesu a neng a se dira. Fa Jesu a ne a le mo lefatsheng, o ne a utlwela batho ba ba neng ba tseelwa kwa tlase botlhoko. (Math. 9:9-12) Fa mosadi yo o neng a lwala thata a tshwara seaparo sa gagwe ka gonne a batla go fola, Jesu o ne a mo gomotsa a bo a mo akgola ka gonne a na le tumelo. (Mar. 5:25-34) Jesu o ne a etsa Rraagwe. (Joh. 14:9) Ka jalo, o ka tlhatswega pelo gore Jehofa o go tsaya o le botlhokwa e bile o bona dinonofo tse dintle tse o nang le tsone, go akaretsa tumelo le lorato lo o mmontshang lone.

6. Nthu u nga mililana chini ne nkumbulo we ku zwilingila pasi?

⁶ Ke eng se o ka se dirang fa o ikutlwa o se motho wa sepe? Bala ditemana dingwe mo Baebeleng tse di go tlhomamisetsang gore Jehofa o go tsaya o le motho wa botlhokwa, o bo o akanyetsa kwa teng ka tsone. b (Pes. 94:19) O se ka  wa ipapisa le batho ba bangwe e bile o se ka wa tlhoma mogopolo mo dilong tse o sa kgoneng go di dira. Jehofa ga a a lebelela gore o dire dilo tse o ka se kgoneng go di dira. (Pes. 103:13, 14) Fa e le gore mongwe o kile a go sotla ka tsela nngwe, o se ka wa ipona molato. Gopola gore Jehofa o tlile go atlhola batho ba ba sotlang ba bangwe, e seng ba ba sotliwang. (1 Pet. 3:12) Sandra yo o ileng a sotliwa fa a sa ntse a le monnye a re: “Ka metlha ke kopa Jehofa gore a nthuse go bona dilo tse dintle tse a di bonang mo go nna.”

7. Ti nga shingisa chini zwa ka ti shingikalila mu buchilo ha ti shinga nshingo wa Jehova?

⁷ O se ka wa belaela gore Jehofa a ka go dirisa gore o thuse batho ba bangwe. O go neile tshiamelo ya gore o dire le ene mo tirong ya go rera. (1 Bakor. 3:9) Se se go diragaletseng mo botshelong, se ka dira gore go nne motlhofo go tlhaloganya gore fa batho ba bangwe ba boga ba ikutlwa jang. Helen yo re buileng ka ene mo dirapeng tse di fetileng, o ile a thusiwa ke batho ba bangwe, mme le ene o dira se se tshwanang. A re: “Ke ne ke itsaya ke se motho wa sepe, mme Jehofa o ile a dira gore ke ikutlwe ke ratiwa e bile o ile a ntirisa go thusa batho ba bangwe.” Gone jaanong Helen o itumelela go direla Jehofa e le mmulatsela yo o thusang.

JEHOVA U NO SHAKA KUTI TI ZIBE KUTI WA TI ZWIBATIGWA

8. To thembesiwani mu na Izaya 1:18?

⁸ Batlhanka bangwe ba ga Jehofa ba sa ntse ba tlhobaediwa ke maleo a ba a dirileng pele ga ba kolobediwa kgotsa fa ba sena go kolobediwa. Mme gone, re tshwanetse go nna re gopotse gore Jehofa o a re rata, e bile o ntshitse thekololo go re itshwarela maleo. Ka jalo, ga re belaele gore o batla gore re amogele mpho eno e a re neileng yone. Jehofa o re tlhomamisetsa gore fa re ‘tlhamalatsa dilo’ c le ene, o tla re itshwarela. (Bala Isaia 1:18.) Re lebogela go bo Jehofa a sa nnele go akanya ka diphoso tse re di dirileng, e bile a sa lebale dilo tse dintle tse re mo diretseng tsone.​—Pes. 103:9, 12; Baheb. 6:10.

9. Ini ta ka fanila lingisa mikumbulo yedu mu na zwa ngwenu ne zwi no zha mu bumo gwe zwa ka pinda?

⁹ Fa e le gore o nna o tlhobaela ka dilo tse o di dirileng mo nakong e e fetileng, akanya thata ka se o kgonang go se dira gone jaanong le se o tla se dirang mo nakong e e tlang. Seo ke se moaposetoloi Paulo a ileng a se dira. O ne a ikwatlhaela go bo a ile a sotla Bakeresete mo nakong e e fetileng. Mme gone, o ne a itse gore Jehofa o mo itshwaretse. (1 Tim. 1:12-15) A o ile a tswelela a akanya ka diphoso tse a di dirileng? Nnyaa, e re ka a sa fetsa nako e ntsi a akanya ka dilo tse a ileng a di fitlhelela fa e ne e le Mofarasai, ga go pelaelo gore ga a a ka a nnela go akanya ka maleo ao. (Bafil. 3:4-8, 13-15) Paulo o ne a dira sotlhe se a ka se kgonang mo tirong ya go rera, e bile o ne a nna a lebile pele go bona dilo tse Jehofa a di solofeditseng di direga. Fela jaaka Paulo, o ka se kgone go fetola se se diragetseng. Mme gone, o ka kgona go baka Jehofa le go mo itumedisa gone jaanong. Gape o ka akanya ka dilo tse dintle tse Jehofa a go solofeditseng tsone tse di tla diregang mo nakong e e tlang.

10. Ti nga thamani ha zwa ta ka tongo thama zwa ka hwisa bangwe zogwadza?

¹⁰ Gongwe o ka tswa o tshwenyega ka gonne dilo dingwe tse o di dirileng mo nakong e e fetileng di utlwisitse ba bangwe botlhoko. Ke eng se se ka go thusang? Dira sotlhe se o ka se kgonang go baakanya dilo. Gape ikopele maitshwarelo,  mme o bontshe batho ba o ba utlwisitseng botlhoko gore o ikwatlhaela se o se dirileng. (2 Bakor. 7:11) Kopa Jehofa gore a ba thuse. A ka thusa wena mmogo le batho ba o ba utlwisitseng botlhoko gore lo kgone go tswelela lo mo direla le gore lo nne le kagiso.

11. Ti nga zwidiyani mu na mporofiti Jona? (Bona itshwantsho chi mu khavara.)

¹¹ Ithute mo diphosong tse o di dirileng mme o letle Jehofa gore a go dirise kafa a batlang ka gone. Ela tlhoko sekao sa ga moporofeti Jona. Go na le gore a ye kwa Ninife jaaka Modimo a ne a mo laetse, Jona o ne a ya go sele. Jehofa o ile a mo kgalemela, mme Jona o ne a ithuta mo diphosong tsa gagwe. (Jona 1:1-4, 15-17; 2:7-10) Jehofa ga a a ka a tlhoboga Jona. O ile a mo naya tshono e nngwe gape ya gore a ye kwa Ninife. Mme mo lekgetlong leno, Jona o ne a ikobela taelo eo ya ga Jehofa. Le fa gone a ne a utlwisitswe botlhoko ke phoso e a neng a e dirile, o ile a dira se Jehofa a neng a batla gore a se dire.​—Jona 3:1-3.

JEHOVA U NO TI NYALADZA NE MEYA DZA KA YENGEMALA

12. Jehova u no ti pa mbakiso chini ha ti shingikaligwa ne zwithu zwi no gwadza kene ti lashikigwa? (Bafilipi 4:6, 7)

¹² Fa re diragalelwa ke sengwe se se re utlwisang botlhoko, Jehofa o dirisa moya wa gagwe o o boitshepo go re gomotsa. Akanya ka se se ileng sa diragalela Ron le Carol. Ngwana wa bone wa mosimane o ile a ipolaya. Ba a re: “Re kile ra lebana le diteko tse di boima mo botshelong, mme eno e di gaisa tsotlhe. Go le gantsi fa re ne re sa kgone go robala, re ne re rapela Jehofa. Mme re ne ra nna le kagiso e go buiwang ka yone mo go Bafilipi 4:6, 7.” (E bale.) Fa e le gore go na le sengwe se se utlwisang botlhoko se se go diragaletseng, bolelela Jehofa gore o ikutlwa jang. O ka bua le ene nako nngwe le nngwe. (Pes. 86:3; 88:1) Nna o kopa Jehofa gore a go neye moya wa gagwe o o boitshepo. Ka metlha o tla go thusa.​—Luke 11:9-13.

13. Meya dza ka yengemala dzi nga ti batsha chini ku dwilila ti namata Jehova ne malebeswa? (Baefeso 3:16)

¹³ A o kile wa diragalelwa ke sengwe se se dirileng gore o ikutlwe o se na maatla? Fa e le gore go ntse jalo, moya o o boitshepo o ka go thusa gore o kgone go tswelela o direla Jehofa ka boikanyegi. (Bala Baefeso 3:16.) Ela tlhoko se se ileng sa diragalela kgaitsadi mongwe yo o bidiwang Flora. Ene le monna wa gagwe e ne e le barongwa. Ka maswabi, monna wa gagwe o ile a simolola go sa ikanyege mo go ene, mme ba ile ba tlhalana. A re: “Seo se ile sa nkutlwisa botlhoko thata, ke ne ke nna fela ke akantse ka kgang eno. Ke ile ka kopa Jehofa gore a nneye moya wa gagwe o o boitshepo gore ke kgone go itshoka. Le fa go ne go le thata kwa tshimologong, Jehofa o ile a nkgomotsa, e bile ke ile ka nna le maatla gape ke bo ke kgona go itshoka.” Flora a re Jehofa o mo thusitse gore a mo tshepe le go feta, e bile o tlhatswegile pelo gore o tla mo thusa go itshokela diteko tse a tla lebanang le tsone mo botshelong. A re: “Mafoko a a mo go Pesalema 119:32, a tlhalosa tsela e Jehofa a nthusitseng ka yone. Temana eno e a re: ‘Ke tla latela tsela ya ditaelo tsa gago ka tlhoafalo ka gonne o nthusa gore ke e tlhaloganye.’”

14. Ti nga thama chini kuti meya dze Ndzimu dzi shinge mu tili?

¹⁴ Ke eng se o tshwanetseng go se dira fa o sena go kopa Jehofa gore a go neye moya o o boitshepo? Dira dilo tse di tla go thusang gore o nne le moya o o boitshepo. Dingwe tsa dilo tseo ke go ya dipokanong le go rerela batho ba bangwe. Go bala Lefoko la Modimo letsatsi le letsatsi go tla go thusa gore o nne o akantse ka tsela e Jehofa a akanyang ka yone. (Bafil. 4:8, 9) Fa o ntse o bala Baebele, akanya ka batho ba go buiwang ka bone le dikgwetlho tse ba ileng ba lebana le tsone. Go tswa foo, akanyetsa kwa teng ka tsela e Jehofa a ba thusitseng ka yone gore ba kgone go itshoka. Sandra yo re buileng ka ene mo dirapeng tse di fetileng o ne  a boga thata ka ntlha ya mathata a a ileng a lebana le one. A re: “Pego ya ga Josefa e ile ya nkgothatsa. Ga a a ka a letla gore diteko le go sa tshwarwe sentle go senye botsala jwa gagwe le Jehofa.”​—Gen. 39:21-23.

JEHOVA U NO TI NYALADZA E SHINGISA BAZWALANI NE DZIAZWADZI

15. Ti nga nyaladziwa na boyani, ngono ba nga ti batsha chini? (Bona itshwantsho.)

¹⁵ Fa re boga, bakaulengwe le bokgaitsadi ba ka re ‘kgothatsa thata.’ (Bakol. 4:11) Jehofa o dirisa bakaulengwe le bokgaitsadi go re bontsha gore o a re rata. Ba ka re gomotsa ka go fetsa nako le rona le go re reetsa fa re ba bolelela gore re ikutlwa jang. Ba ka re balela temana nngwe mo Baebeleng kgotsa ba rapela le rona. d (Bar. 15:4) Ka dinako dingwe mokaulengwe kgotsa kgaitsadi a ka re gopotsa tsela e Jehofa a akanyang ka yone. Mme seo se ka re thusa gore re kgone go itshoka. Bakaulengwe ba ka re thusa ka ditsela tse dingwe gape. Ka sekai, ba ka re naya dijo gore re ikutlwe botoka.

16. Ti nga thamani kuti ti batshiwe ne bangwe?

¹⁶ Ka dinako dingwe re ka tshwanelwa ke go kopa batho ba bangwe gore ba re thuse. Bakaulengwe le bokgaitsadi ba a re rata e bile ba batla go re thusa. (Diane 17:17) Mme gone, ba ka tswa ba sa itse gore re ikutlwa jang kgotsa gore re tlhoka eng. (Diane 14:10) Fa e le gore o tlhobaela  ka sengwe, bolelela ditsala tsa gago gore o ikutlwa jang. Go tswa foo, ba bolelele gore o ka rata gore ba go thuse jang. Gongwe o ka bua le mogolwane a le mongwe kgotsa ba le babedi ba o atamalaneng thata le bone. Bokgaitsadi bangwe ba ikutlwa ba phuthologile fa ba bua le kgaitsadi yo o nang le maitemogelo.

17. I zwithu zwipi zwi nga thama kuti ti si batshiwe ne bangwe, ngono ti nga lingisana nazo chini?

¹⁷ Boammaaruri ke gore fa o utlwile botlhoko, o ka nna wa se ka wa batla go kopana le batho ba bangwe. Mme gone, o se ka wa fetsa nako e ntsi o le nosi. Ka dinako dingwe, bakaulengwe le bokgaitsadi ba ka tswa ba sa tlhaloganye gore o ikutlwa jang, kgotsa ba ka bua dilo dingwe tse di go utlwisang botlhoko. (Jak. 3:2) Le fa go ntse jalo, o se ka wa katogela kgakala le bone. Jehofa a ka ba dirisa gore ba go kgothatse. Mogolwane mongwe yo o bidiwang Gavin, yo o nang le dipreshene a re: “Go le gantsi ga ke batle go nna le ditsala tsa me kgotsa go bua le tsone.” Le fa go ntse jalo, Gavin o dira sotlhe se a ka se kgonang go nna le bakaulengwe le bokgaitsadi ba gagwe. Seo se dira gore a ikutlwe botoka. Kgaitsadi mongwe yo o bidiwang Amy a re: “Go thata gore ke tshepe batho ba bangwe ka ntlha ya dilo tse di ntiragaletseng mo nakong e e fetileng. Mme gone, ke leka ka natla go tshepa bakaulengwe le bokgaitsadi le go ba rata fela jaaka Jehofa. Ke a itse gore go dira jalo go dira gore Jehofa a itumele, e bile le nna go dira gore ke itumele.”

NYALADZIWA NE KU PODZIWA NA JEHOVA

18. Ti nga lingililani mu chibaka chi no zha, ngono ini cha ti nga thama ngwenu?

¹⁸ Go ise go ye kae, Jehofa o tla nyeletsa sengwe le sengwe se se re tlhobaetsang, e bile ga re kitla re tlhola re utlwa botlhoko bope. (Tshen. 21:3, 4) Ka nako eo, dilo tse di utlwisang botlhoko tse di re diragaletseng, “ga di kitla di tla mo pelong.” (Isa. 65:17) Re ithutile gore tota le mo nakong eno, Jehofa o a re tlhokomela fa re boga. O re neile dilo di le dintsi tse di ka re gomotsang le tse di ka re thusang. Ka jalo, amogela thuso ya gagwe, mme le ka motlha o se ka wa belaela gore o a go “kgathalela.”​—1 Pet. 5:7.