1-2. (a) Balanda ba Jehova ba nga lingisana ne ku bilayela kupi? (b) Towo zwidiyani mu chidiyo ichechi?

 ROTLHE re ipotsa dipotso, re ka tswa re le basha kgotsa re le bagolo. Ka sekai, akanya ka batho bano ba bararo. Mmoledi yo mosha a ka ipotsa gore a Jehofa o a mo kgathalela. Seo se ka dira gore a okaoke go kolobediwa. Mokaulengwe yo o simolotseng go direla Jehofa a sa le mosha go na le go dira madi, gone jaanong o na le lelapa mme o kgona go le tlamela fela ka dilo tse le di tlhokang. O ipotsa gore a o dirile tshwetso e e siameng fa a sa le mosha. Kgaitsadi yo o godileng yo o sa tlholeng a na le maatla a ka nna a kgobega marapo ka gonne a sa tlhole a kgona go direla Jehofa jaaka a batla. A o kile wa ipotsa dipotso tseno: “A Jehofa o a nkgathalela? A tshwetso e ke e dirileng ya go itima dilo dingwe gore ke direle Jehofa e ne e le ya lefela? A ke sa ntse nka kgona go dira dilo dingwe mo tirong ya ga Jehofa?”

² Fa re sa batle dikarabo tsa dipotso tseno re ka felelwa ke tumelo mme ra tlogela go direla Jehofa. Mo setlhogong seno, se tlile go tlotla ka melaometheo ya Baebele e e ka re thusang fa re ipotsa go re: (1) A Jehofa o a re kgathalela? (2) A ditshwetso tse re di dirileng mo nakong e e fetileng e ne e le tsa lefela? (3) A re sa ntse re ka kgona go dira dilo dingwe mo tirong ya ga Jehofa?

 SE KWA U NGA PEDZISA KU BILAYELA KUKO

3. I zila ipi ingwe ya ti nga gwisana ne ku bilayela kwedu?

³ Fa re na le dipotso, go botlhokwa thata gore re batle dikarabo tsa tsone mo Baebeleng. Fa re dira jalo, re tla tshepa Jehofa, re tla atamalana le ene e bile re tla ‘tlhomama mo tumelong.’​—1 Bakor. 16:13.

4. Ti nga “shakisisa tjimwe ne tjimwe” chini? (1 Bathesalonika 5:21)

⁴ Bala 1 Bathesalonika 5:21. Baebele e re kgothaletsa gore re ‘tlhomamise gore a dilo tsotlhe di boammaaruri.’ Re ka dira seo jang? Fa re sa tlhomamisega ka sengwe, re tshwanetse go batlisisa gore Baebele e a reng ka kgang eo. Ka sekai, akanya ka mosha yole yo o ipotsang gore a Jehofa o a mo kgathalela. A o tshwanetse go ipotsa potso eo a bo a tswa mo go yone? Nnyaa, o tshwanetse go ‘tlhomamisa gore a dilo tsotlhe di boammaaruri’ ka go ithuta Baebele mme a bone gore Jehofa o ikutlwa jang ka ene.

5. To “ziba” chini ha Jehova e dabila buzo dzedu?

⁵ Fa re ithuta Baebele, go nna jaaka e kete Jehofa o bua le rona. Mme gone fa re batla gore Jehofa a arabe dipotso tsa rona, ga re a tshwanelwa go bala Baebele fela, go na le moo re tshwanetse go batla ditemana tse di ka arabang dipotso tseo. Re ka dira jalo ka go dira dipatlisiso mo dikgatisong tsa rona. (Diane 2:3-6) Re tshwanetse go kopa Jehofa gore a re thuse go bona dikarabo. Go tswa foo, re bo re batla melaometheo ya Baebele le tshedimosetso e e ka re thusang go bona dikarabo. Gape go bala ka dipego tsa batlhanka ba ga Jehofa ba go buiwang ka bone mo Baebeleng ba ba neng ba na le dipotso tse di tshwanang le tsa rona, go ka re tswela mosola.

6. Zwidiyo zwe gubungano zo ti batsha chini mu ku pedzisa ku bilayela kwedu?

⁶ Gape fa re ithuta Baebele re le kwa dipokanong, go nna jaaka e kete Jehofa o bua le rona. Fa re nna teng kwa dipokanong ka metlha, dipotso tsa rona di ka arabiwa mo puong kgotsa fa mongwe wa bareetsi a arabela. (Diane 27:17) A re boneng gore ke eng se se ka re thusang go araba dipotso tse re nang le tsone.

HA U BILAYELA KUTI JEHOVA U NO KU DA

7. Bangwe ba nga zwibuzwa buzo ipi?

⁷ Bangwe ba ipotsa go re: “A Jehofa o a nkgathalela?” Fa o tsaya gore ga o motho wa sepe, go ka nna thata gore o akanye gore o ka nna tsala ya ga Jehofa. Kgosi Dafide le ene a ka tswa a ne a ikutlwa jalo. O ile a gakgamadiwa ke go itse gore Jehofa o amega ka batho. O ne a botsa jaana: “Jehofa, tota motho ke eng gore o ka mo tsaya tsia, morwa motho ke eng gore o ka mo tlhokomela?” (Pes. 144:3) Re ka bona kae karabo ya potso e e reng: “A Jehofa o a re kgathalela?”

8. Ku yenda na 1 Samuele 16:6, 7, 10-12, Jehova u no bonani mu bathu?

⁸ Baebele e re bolelela gore Jehofa o kgathalela batho ba ba tseelwang kwa tlase. Ka sekai, o ne a roma Samuele gore a ye kwa ntlong ya ga Jese gore a ye go tlotsa mongwe wa bomorwawe gore e nne kgosi ya Iseraele. Jese o ne a na le barwa ba le robedi, mme o ne a bitsa ba le supa gore ba ye go kopana le Samuele, ga a a ka a bitsa Dafide yo o neng a le monnye. a Le fa go ntse jalo, Jehofa o ne a setse a tlhophile Dafide gore a nne kgosi. (Bala 1 Samuele 16:6, 7, 10-12.) O ne a itse gore Dafide ke motho yo o ntseng jang le gore o ne a mo rata.

9. Ini chi nga ku gadzikanya moyo kuti Jehova u no ku da? (Bona itshwantsho.)

⁹ Leka go akanya ka dilo tse Jehofa a go diretseng tsone go bontsha gore o a go  kgathalela. O go naya kgakololo mo boemong bongwe le bongwe jo o kopanang le jone. (Pes. 32:8) Seno se bontsha gore o itse se o se tlhokang. (Pes. 139:1) Fa o dirisa kgakololo e Jehofa a go nayang yone e bile o bona tsela e e go thusang ka yone mo botshelong, o tla tlhatswega pelo gore o a go kgathalela. (1 Ditir. 28:9; Dit. 17:26, 27) Jehofa o bona matsapa a o a tsayang go mo direla le go mo ikobela. O bona dinonofo tse dintle tse o nang le tsone e bile o batla go nna tsala ya gago. (Jer. 17:10) O itumela tota fa a bona gore le wena o batla go nna tsala ya gagwe.​—1 Joh. 4:19.

HA U BILAYELA THAMBO DZA WA KA TONGO TOLA

10. Ha ti kumbula ne kwe zwa ta ka tongo thama, ti nga zwibuzwa buzo dzipi?

¹⁰ Ka dinako dingwe, bangwe ba a tle ba akanye ka ditshwetso tse ba di dirileng mo nakong e e fetileng ba bo ba ipotsa gore a mme tota ba dirile ditshwetso tse di siameng. Gongwe ba ka tswa ba ile ba tlogela tiro e e neng e ba duela madi a le mantsi kgotsa ga ba a ka ba simolola kgwebo ka gonne ba ne ba batla go direla Jehofa mo go oketsegileng. Morago ga dingwaga di le dintsi, go ka nna ga lebega e kete batho ba ba dirileng ditshwetso tse di farologaneng le tsa bone ba tshela monate e bile ba na le madi. Seo se ka dira gore ba ipotse go re: “A ke dirile tshwetso e e siameng ka go direla Jehofa? Kgotsa a nkabo ke ile ka bereka thata gore ke nne le madi a le mantsi?”

11. Ini cha ka dziyidza nkwali we Pisalema 73?

¹¹ Fa e le gore o ipotsa dipotso tse di tshwanang, ela tlhoko gore Baebele e a reng ka mokwadi wa Pesalema 73. O ne a bona e kete batho ba ba sa direleng Jehofa ga ba lwale, ga ba na mathata e bile ba humile. (Pes. 73:3-5, 12) Seo se ne sa dira gore a akanye gore go direla Jehofa e ne e se tshwetso e e siameng. O ne a  ‘tshwenyega letsatsi lotlhe.’ (Pes. 73:13, 14) Ke eng se se ileng sa dira gore a se ka a tlhola a ikutlwa jalo?

12. Ku yenda na Pisalema 73:16-18, nkwali wa ka baakanya nkumbulo uwe chini?

¹² Bala Pesalema 73:16-18. Mopesalema o ne a ya kwa lefelong le le boitshepo la ga Jehofa. Fa a le koo, o ne a kgona go akanya sentle ka gonne a na le batlhanka ba bangwe ba ga Jehofa. O ne a lemoga gore le fa go lebega e kete batho ba ba sa direleng Jehofa ba tshela monate, tota ga ba na tsholofelo. Seo se ile sa mo thusa gore a se ka a tswelela a kgobegile marapo e bile o ne a tlhatswegile pelo gore o dirile tshwetso e e siameng ya go direla Jehofa. Ka jalo, o ne a ikemisetsa go tswelela a direla Jehofa.​—Pes. 73:23-28.

13. U nga gadzikanyiwa nkumbulo neni mu zwithu zwa wa ka tongo thama? (Bona itshwantsho.)

¹³ Le rona fela jaaka mokwadi wa pesalema, go na le sengwe se se ka re thusang gore re se ka ra nna re kgobegile marapo. Ke eng seo? Nna o akantse ka dilo tse dintle tse o nang le tsone go akaretsa gore Jehofa o a go segofatsa. Gape nna o gopotse gore Jehofa ga a thuse batho ba ba sa mo direleng. E re ka ba se na tsholofelo, selo sa botlhokwa thata mo go bone ke go tshela botshelo jwa manobonobo. Mme gone, Jehofa o solofetsa gore o tla go segofatsa gone jaanong, le gore o tla go direla dilo tse dintsi tse dintle mo nakong e e tlang. (Pes. 145:16) Leka go akanya gore botshelo jwa gago bo ka bo bo ntse jang fa o ne o sa direle Jehofa. Se re se itseng ke gore batho ba  ba direlang Jehofa ka gonne ba mo rata e bile ba rata baagelani ba bone, ga ba ke ba tlhoka sepe.

HA U BILAYELA KUTI JEHOVA U NGA KU SHINGISA

14. Ini bangwe ba singa zwithembe, ngono ba nga zwibuzwa buzo dzipi?

¹⁴ Bangwe ga ba kgone go direla Jehofa jaaka ba batla ka gonne ba tsofetse, ba lwala kgotsa ba na le makoa mangwe. Seo se ka dira gore ba akanye gore ga ba botlhokwa mo go Jehofa. Ba ka ipotsa go re: “A go sa ntse go na le dilo tse nka di dirang mo tirong ya ga Jehofa?”

15. Nkwali we Pisalema 71 wa ka gadzikanyiwa moyo neni?

¹⁵ Mokwadi wa Pesalema 71 o ne a tshwenyegile tota ka gonne a ne a felelwa ke maatla. O ne a rapela Jehofa a re: “O se ka wa ntlogela fa ke felelwa ke nonofo.” (Pes. 71:9, 18) Tota le fa mokwadi wa pesalema eno a ne a le bokoa, o ne a tlhatswegile pelo gore Jehofa o ne a tla mo thusa fa fela a tswelela a ikanyega mo go ene. O ne a itse gore Jehofa o a itumela fa batho ba dira sotlhe se ba ka se kgonang go mo direla le fa ba na le makoa.​—Pes. 37:23-25.

16. Bathu ba chi kula ba no shingisiwa na Jehova chini? (Pisalema 92:12-15)

¹⁶ Fa e le gore o tsofetse, leka go akanya ka tsela e Jehofa a go lebang ka yone. A ka go thusa gore o tswelele o mo direla ka boikanyegi le fa o le bokoa mo mmeleng. (Bala Pesalema 92:12-15.) O se ka wa tlhoma mogopolo mo dilong tse o sa tlholeng o kgona go di dira, go na le moo akanya ka dilo tse o kgonang go di dira. Ka sekai, o ka nonotsha ba bangwe ka go ba tlhomela sekao le ka go ba bontsha gore o a ba rata. O ka ba bolelela kafa Jehofa a ileng a go ema nôkeng ka gone ka dingwaga di  le dintsi le gore o lebile pele go bona a diragatsa ditsholofetso dife mo nakong e e tlang. Gape o ka rapelela bakaulengwe le bokgaitsadi. (1 Pet. 3:12) Nna o gopotse gore le fa re ka tswa re le mo maemong afe, rotlhe fela re ka kgona go dira sengwe mo tirong ya ga Jehofa le go thusa ba bangwe.

17. Ini ti sa ka fanila ku zwifanidzanya ne bangwe?

¹⁷ Fa o utlwisiwa botlhoko ke gore ga o sa tlhole o kgona go direla Jehofa jaaka o batla, tlhomamisega gore o itumelela sepe fela se o kgonang go mo direla sone. O ka tswa o bapisa se o se dirang le se ba bangwe ba se dirang. Fa e le gore go ntse jalo, tsweetswee tlogela go dira jalo ka gonne Jehofa ga a go bapise le batho ba bangwe. (Bagal. 6:4) Ka sekai, Marea o ile a naya Jesu mpho ya leokwane le le nkgang monate le le jeleng madi a mantsi. (Joh. 12:3-5) Mme motlholagadi yo o humanegileng ene o ile a ntsha madi a mabedi a tshipi kwa tempeleng. Madi ao a ne a le mannye thata. (Luke 21:1-4) Le fa go ntse jalo, Jesu o ne a sa bapise basadi bano ba babedi, go na le moo o ne a lemoga gore botlhe ba ne ba na le tumelo. Jesu o ne a etsa Rraagwe, ka jalo o ka tlhomamisega gore Jehofa o bona sengwe le sengwe se o mo direlang sone ka gonne o na le tumelo e bile o mo rata, le gore o se tsaya se le botlhokwa le fa se ka tswa se le sennye.

18. Ti nga batshiwa neni ku pedzisa ku bilayela kwedu? (Bona box li noti “ Lefoko la Modimo Le ka Go Thusa go Bona Dikarabo Tsa Dipotso Tse o Nang le Tsone.”)

¹⁸ Rotlhe re ipotsa dipotso ka dinako dingwe. Mme jaaka re bone, Lefoko la Modimo le ka re thusa go bona dikarabo. Ka jalo, dira sotlhe se o ka se kgonang go bona dikarabo tsa dipotso tseo. Seo se tla go thusa gore o se ka wa kgobega marapo le gore o se ka wa nna o tshwenyegile. Jehofa o a go kgathalela. O itumelela tshwetso e o e dirileng ya go mo direla e bile o tla go segofatsa. Tlhomamisega gore Jehofa o rata batlhanka ba gagwe botlhe ba ba ikanyegang e bile o tla ba tlhokomela.