1. I kathulo ipi i no dwa i thangwa?

 GO ISE go ye kae, go tlile go direga diphetogo tse dikgolo. Jesu o tlile go atlhola batho botlhe. O ne a tlhalosa gore go tlile go direga eng mo lefatsheng pele a atlhola batho. O ile a bolelela barutwa ba gagwe gore “sesupo” sa gore o gone le sa gore ke “malatsi a bofelo” e tla nna eng. (Math. 24:3) Sesupo seo se mo go Mathaio kgaolo 24 le 25 le mo go Mareko kgaolo 13 le Luke kgaolo 21.

2. Towo zwidiya ne kwe khani ipi, ngono ini ichecho chi nga ti batsha?

² Jesu o ile a dirisa ditshwantsho tse tharo go re tlhagisa. Sa ntlha, ke sa dinku le dipodi. Sa bobedi, ke sa makgarebane a a botlhale le a a dieleele. Sa boraro, ke sa ditalenta. Ditshwantsho tseno di re thusa go tlhaloganya gore Jesu o tla atlhola motho go ya ka se a se dirang. Mo setlhogong seno, re tla tlotla ka ditshwantsho tseno le gore re ka ithuta eng mo go tsone. A re simololeng ka sa ntlha.

PKHWIZI NE MBUDZI

3. Jesu u nowo athula bathu lini?

³ Mo setshwantshong sa dinku le dipodi, Jesu o ne a re o tla atlhola batho go ikaegile ka gore a ba amogela dikgang tse di molemo le gore a ba ema batlodiwa nôkeng. (Math. 25:31-46) O tla dira jalo ka nako ya “pitlagano e kgolo,” pele ga Aramagedona. (Math. 24:21) Fela jaaka modisa a kgaoganya dinku le dipodi, Jesu o tla kgaoganya ba ba emang batlodiwa nôkeng le ba ba sa ba emeng nôkeng.

4. Ku yenda na Izaya 11:3, 4, ini ti nga duma kuti Jesu u nowo athula bathu ne zila ya ka lulwama? (Bona itshwantsho chi mu khavara.)

⁴ Baebele e a re Jesu o tla atlhola batho ka tshiamo ka gonne Jehofa ke ene a mo tlhophileng gore a dire jalo. (Bala  Isaia 11:3, 4.) O leba se batho ba se dirang, se ba se akanyang le se ba se buang, go akaretsa le gore ba tshwara bomorwarraagwe ba ba tloditsweng jang. (Math. 12:36, 37; 25:40) Ka jalo, Jesu o tla lemoga gore ke bomang ba ba emang batlodiwa nôkeng mo tirong ya bone. a Tiro e ba dinku tse dingwe ba ka e dirang go bontsha gore ba ema bomorwarraagwe Jesu nôkeng ke go rera dikgang tse molemo. Ba ba e dirang ba tla atlholwa e le “basiami” e bile ba tla nna le tshono ya go “bona botshelo jo bo sa khutleng” mo lefatsheng. (Math. 25:46; Tshen. 7:16, 17) Ruri eo ke tuelo e e itumedisang e e tla newang batho ba ba ikanyegang! Gore maina a bone a nne a le mo “bukeng ya botshelo,” ba tshwanetse go tswelela ba ikanyega ka nako ya pitlagano e kgolo le morago ga moo.​—Tshen. 20:15.

5. To zwidiyani mu itshwantsho che pkhwizi ne mbudzi, ngono ndi boyani ba ka fanila ku chi shathila?

⁵ Ikanyege. Fa Jesu a bua ka setshwantsho sa dinku le dipodi, o ne a akantse thata ka ba ba nang le tsholofelo ya go tshelela ruri mo lefatsheng. Ba bontsha gore ba na le tumelo ka go thusa bomorwarraagwe mo tirong ya go rera. Gape ba ikobela kaelo e ba e newang ke motlhanka yo o boikanyego le yo o botlhale yo o tlhomilweng ke Jesu. (Math. 24:45) Mme gone, ba ba nang le tsholofelo ya go tshela kwa legodimong le bone ba tshwanetse go reetsa tlhagiso e e mo setshwantshong sa dinku le dipodi. Goreng? Ka gonne Jesu o bona se ba se dirang, se ba se akanyang le se ba se buang. Le bone ba tshwanetse go bontsha gore ba a ikanyega. Tota e bile, Jesu o ile a ba tlhagisa mo ditshwantshong tse pedi tse a ileng a bua ka tsone. Ditshwantsho tseo di mo go Mathaio kgaolo 25. A jaanong re tlotleng ka makgarebane a a botlhale le a a dieleele.

BAANADI BE ZWILENGWE NE BA KA CHENJELA

6. Baanadi ba shano ba ka zwilakidza ba ka chenjela chini? (Matewu 25:6-10)

⁶ Mo setshwantshong sa makgarebane, Jesu o ile a bua ka makgarebane a le lesome a a neng a ya go kgatlhantsha monyadi. (Math. 25:1-4) Makgarebane ano a ne a batla go ya le monyadi kwa moketeng wa gagwe wa lenyalo. Jesu o ne a re makgarebane a matlhano a ne a le “botlhale” mme a mangwe a matlhano a ne a le “dieleele.” Makgarebane a a “botlhale” a ne a ipaakantse e bile a ntshitse matlho dinameng. A ne a ipaakanyeditse go letela monyadi le fa a ne a ka tsaya lobaka, tota le fa a ne a ka goroga bosigo. A ne a tshotse dipone gore di bonese fa go nna lefifi, gape a ne a rekile leokwane le le oketsegileng gore dipone tsa one di se ka tsa tima fa monyadi a ka diega. (Bala Mathaio 25:6-10.) Fa monyadi a goroga, makgarebane a a “botlhale” a ile a tsena le ene mo moketeng wa gagwe wa lenyalo. Ka tsela e e tshwanang, Bakeresete ba ba tloditsweng ba ba tla tswelelang ba ikanyega e bile ba ntshitse matlho dinameng go fitlha Jesu a tla go atlhola batho, ba tla tsena le monyadi e bong Jesu, mo Bogosing jwa gagwe. b (Tshen. 7:1-3) Go tla direga eng ka makgarebane a a “dieleele?”

7. Baanadi ba shano be zwilengwe ba ka shingikaligwa neni, ngono ne kutini?

⁷ Ka maswabi, makgarebane a a dieleele one, a ne a sa ipaakanya fa Jesu a goroga. Dipone tsa one di ne di tloga di tima, e bile a ne a sa tsaya leokwane le le oketsegileng. Fa a  utlwa gore monyadi o tloga a goroga, a ne a ya go reka leokwane. Monyadi o ile a goroga a seyo. Ka nako eo, “makgarebane a a neng a ipaakantse a ne a tsena le ene mo moketeng wa lenyalo, mme kgoro ya tswalwa.” (Math. 25:10) Moragonyana fa makgarebane a a dieleele a boa, a ne a batla go tsena, mme monyadi o ile a a raya a re: “Ga ke lo itse.” (Math. 25:11, 12) Makgarebane ao, a ne a sa ipaakanyetsa go letela monyadi go fitlha a goroga. Batlodiwa ba ka ithuta eng mo setshwantshong seno?

8-9. Ba ka dothedzegwa ba nga zwidiyani mu itshwantsho che baanadi? (Bona itshwantsho.)

⁸ Nna o ipaakantse e bile o ntshitse matlho dinameng. Jesu o ne a sa reye gore go ne go tlile go nna le ditlhopha tse pedi tsa batlodiwa, se se neng se tla nna se mo letile go fitlha kwa bokhutlong jwa lefatshe leno, le se se neng se se kitla se dira jalo. Go na le moo, o ne a tlhalosa gore go tla direga eng ka batlodiwa fa ba sa itshoke go fitlha kwa bokhutlong. Ga ba kitla ba bona tuelo ya bone fa ba sa nne ba ipaakantse. (Joh. 14:3, 4) Ruri eno ke kgang e e masisi! Re tshwanetse go reetsa tlhagiso e re e newang mo setshwantshong seno sa makgarebane, re ka tswa re na le tsholofelo ya go tshela kwa legodimong kgotsa mo lefatsheng. Re tshwanetse go nna re disitse, re ipaakantse e bile re ikemiseditse go itshoka go fitlha kwa bokhutlong.​—Math. 24:13.

⁹ Jesu o ile a dirisa setshwantsho sa makgarebane go re bontsha gore go botlhokwa go ipaakanya le go nna re ntshitse matlho dinameng. Morago ga moo, o ile a bua ka setshwantsho sa ditalenta. Setshwantsho seno, se bontsha gore re tshwanetse go dira ka natla.

DZITALENTA

10. Balanda babili ba ka lakidza chini kuti ba no thembeka? (Matewu 25:19-23)

¹⁰ Mo setshwantshong sa ditalenta, Jesu o ile a bua ka batlhanka ba le bararo. Ba babedi  ba ne ba ikanyega mo go mong wa bone, mme yo mongwe o ne a sa ikanyege. (Math. 25:14-18) Batlhanka ba babedi ba ile ba bontsha gore ba a ikanyega ka go dira ka natla gore ba oketse madi a mong wa bone. Pele mong wa batlhanka bano a tsaya loeto, o ile a naya mongwe le mongwe wa bone ditalenta kgotsa madi a le mantsi. Batlhanka ba babedi ba ba neng ba ikanyega, ba ne ba dira ka natla e bile ba ile ba dirisa madi ao sentle. Fa mong wa bone a boa, ba ne ba okeditse ditalenta tse a ba neileng tsone ka tse dingwe tse di lekanang le tsone. Mong wa bone o ile a ba akgola e bile ba ne ba itumela le ene. (Bala Mathaio 25:19-23.) Go ile ga direga eng ka motlhanka wa boraro? O ile a dira eng ka madi a mong wa gagwe a neng a mo neile one?

11. Nlanda we “simbe” wa ka shingikaligwa neni, ngono ne kutini?

¹¹ Motlhanka wa boraro o ile a newa talenta e le nngwe, mme e ne e le “setshwakga.” Ga a a ka a dira dilo sentle. Mong wa gagwe o ne a lebeletse gore a oketse madi a a mo neileng one, mme ene o ile a a epela mo mmung. Fa mong wa gagwe a boa, motlhanka yono ga a a ka a mo kopa gore a mo itshwarele ka gonne a sa oketsa madi a a neng a mo neile one. Go na le moo, o ile a re ke “motho yo o bogale.” Mong wa gagwe o ne a sa itumela. Mo godimo ga moo, o ile a mo tseela talenta e a neng a mo neile yone, a bo a mo leleka.​—Math. 25:24, 26-30.

12. Balanda ba ka chenjela ba no milila boyani ngwenu?

¹² Batlhanka ba babedi ba ba ikanyegang, ba emela Bakeresete ba ba ikanyegang ba batlodiwa. Mong wa bone e bong Jesu, o ba kopa gore ba itumele le ene. Ba newa tuelo ya go tshela kwa legodimong, e leng tsogo ya ntlha. (Math. 25:21, 23; Tshen. 20:5b) Mme gone, batlodiwa ba ka ithuta sengwe mo motlhankeng yo o setshwakga. Ba ka ithuta eng?

13-14. Ba ka dothedzegwa ba nga zwidiyani mu itshwantsho che dzitalenta? (Bona itshwantsho.)

¹³ Dira ka natla. Mo setshwantshong seno fela jaaka mo setshwantshong sa makgarebane,  Jesu o ne a sa reye gore batlodiwa ba ne ba tla nna ditshwakga. Go na le moo, o ne a tlhalosa se se neng se ka direga fa ba ne ba ka simolola go goga dinao. Ba ne ba ka se tlhole ba tshwanelega, e bile ba ne ba ka se letlelelwe go tsena mo Bogosing Jwa Modimo.​—2 Pet. 1:10.

¹⁴ Setshwantsho sa ga Jesu sa makgarebane le sa ditalenta, se re bontsha gore Bakeresete botlhe ba ba tloditsweng ba tshwanetse go nna ba ipaakantse, ba ntshitse matlho dinameng e bile ba dira ka natla. Mme gone, go na le tlhagiso e nngwe gape e Jesu a e nayang Bakeresete ba ba tloditsweng. Tlhagiso eo, e mo go Mathaio 24:40 le 41.

NDI BOYANI “BA NOWO TOGWA”?

15-16. Matewu 24:40, 41 i no lakidza chini se kwa ku sheteka kuti ba ka dothedzegwa ba gale ba ka zwilisa?

¹⁵ Pele Jesu a bua ka ditshwantsho tse tharo tse re tlotlileng ka tsone, o ile a bua ka katlholo ya bofelo e e tla bontshang gore ke batlodiwa bafe ba ba neng ba ikanyega. O ile a bua ka banna ba babedi ba ba berekang mo tshimong, le basadi ba babedi ba ba silang mo lelwaleng. Go lebega banna bano le basadi bano ba dira tiro e e tshwanang. Mme gone, Jesu o ile a re go ne go ‘tla tsewa a le mongwe go bo go tlogelwa yo mongwe.’ (Bala Mathaio 24:40, 41.) Go tswa foo, o ile a raya barutwa ba gagwe a re: “Ka jalo, nnang lo disitse, ka gonne ga lo itse letsatsi le Morena wa lona a tla tlang ka lone.” (Math. 24:42) Jesu o ile a bua se se tshwanang fa a sena go bua ka setshwantsho sa makgarebane. (Math. 25:13) A dipego tseno di a tsamaisana? Go lebega jalo. Batlodiwa ba ba ikanyegang ke bone fela ba Jesu a tla ba ‘tseelang kwa’ Bogosing jwa gagwe.​—Joh. 14:3.

¹⁶ Nna o disitse. Batlodiwa botlhe ba ba sa nneng ba disitse, ga ba kitla ba phuthiwa le “ba ba tlhophilweng.” (Math. 24:31) Batlhanka botlhe ba ga Jehofa ba ba nang le tsholofelo ya go tshelela ruri mo lefatsheng le bone ba tshwanetse go nna ba disitse le go nna ba ikanyega.

17. Ini ti sa ka fanila khataziwa ne kuti Jehova U no dothedzela bathu meya dzidze dza ka yengemala lini?

¹⁷ Re ithutile dilo di le dintsi ka Jehofa. Re a itse gore sengwe le sengwe se a se dirang se siame. Ka jalo, ga re tshwenyege fa Jehofa a tlhopha Bakeresete ba bangwe gore e nne batlodiwa mo motlheng wa rona. c Seno se re gopotsa batho ba Jesu a neng a bua ka bone mo setshwantshong sa tshimo ya morara ba ba neng ba simolola go bereka ka 5:00 maitseboa. (Math. 20:1-16) Ba ile ba newa tuelo e e lekanang le ya ba ba ileng ba simolola tiro mo mosong. Ka tsela e e tshwanang, batlodiwa ba ba tlhophilweng mo nakong e re tshelang mo go yone, ba tla newa tuelo e e tshwanang le ya batlodiwa ba ba tlhophilweng bogologolo fa ba tswelela ba ikanyega.

TEEDZA HA U CHENJEDZIWA

18-19. Ta zwidiya zwidiyo zwipi ne ku chenjedziwa?

¹⁸ Re tlotlile ka eng? Mo setshwantshong sa dinku le dipodi, re ile ra bona gore ba ba nang le tsholofelo ya go tshelela ruri mo lefatsheng, ba tshwanetse go nna ba ikanyega mo go Jehofa gone jaanong le ka nako ya pitlagano e kgolo. Ka nako eo, Jesu o tla atlhola batho ba ba ikanyegang e le ba ba tshwanelwang ke go “bona botshelo jo bo sa khutleng.”​—Math. 25:46.

¹⁹ Gape re tlotlile ka ditshwantsho di le pedi tse di tlhagisang batlodiwa. Mo setshwantshong  sa ga Jesu sa makgarebane, a le matlhano a ile a bontsha gore a botlhale. A ne a ntshitse matlho dinameng e bile a ipaakanyeditse go letela monyadi go fitlha a goroga. Mme makgarebane a mangwe a matlhano, a ne a sa ipaakanya. Ka jalo, monyadi o ile a gana go a amogela kwa moketeng wa gagwe wa lenyalo. Le rona re tshwanetse go ikemisetsa go letela Jesu go fitlha a fedisa lefatshe leno. Gape mo setshwantshong sa ga Jesu sa ditalenta, re tlotlile ka batlhanka ba babedi ba ba ikanyegang, ba ba neng ba dira ka natla. Tiro ya bone e e duleng diatla, e ile ya itumedisa mong wa bone. Motlhanka yo o setshwakga ene, o ile a lelekiwa. Re ithuta eng? Re ithuta gore re tshwanetse go nna re dira ka natla mo tirong ya ga Jehofa go fitlha kwa bokhutlong. Mo godimo ga moo, re bone gore batlodiwa ba tshwanetse go nna ba disitse gore Jesu a ba tseele kwa legodimong gore ba bone tuelo ya bone. Ba lebile pele go bona Jesu a ba phuthela kwa legodimong. Morago ga ntwa ya Aramagedona, ba tla nna monyadiwa wa ga Kwana kwa lenyalong la gagwe.​—2 Bathes. 2:1; Tshen. 19:9.

20. Jehova u nowo thamilani ba no teedza ha be chenjedziwa?

²⁰ Nako ya gore Jesu a atlhole batho e gaufi, mme ga re tlhoke go tshoga. Fa re tswelela re ikanyega, Jehofa o tla re naya “maatla a a sa tlwaelegang” gore re “kgone go ema fa pele ga Morwa motho.” (2 Bakor. 4:7; Luke 21:36) Re ka tswa re na le tsholofelo ya go tshelela ruri kwa legodimong kgotsa mo lefatsheng, re tla itumedisa Jehofa fa re reetsa tlhagiso e re e newang mo ditshwantshong tsa ga Jesu. E re ka Jehofa a na le bopelonomi jo bogolo, maina a rona a tla ‘fitlhelwa a kwadilwe mo bukeng’ ya botshelo.​—Dan. 12:1; Tshen. 3:5.