Muwakati au wa maduva lamwisho, wetu tunkupitila malingo loe lakukamadyanga. Myanda vinji, wetu tundaligwa kenga malingo letu ni loe namene na hatunaulula shinu kulipililila. Pavedoni, wetu tukauka mushu tummandika Yeova, nae andauka ndatupwashela ata mu malingo lakukamadyanga latuleka na shipalodi. (Ishai. 43:2, 4) Wetu tulota kuulula dashi kummandika Yeova muwakati watupitila malingo?

Shwali. Wetu tukashwali na ntima wetu uti kumwe Yeova, nae andatupa amani ya mmakumbukililo na dimongo pakulota tulipililile.—Vapil. 4:6, 7; 1 Vates. 5:17.

Mikutano. Kwaumwiu, wetu tunkulota shakulya sha mwimumu na lyunganilo lyatupa Yeova kupitila mikutano. (Vabal. 10:24, 25) Wetu tukalipanganiyanga, tukapagwa ku mikutano na tukajang’ula vyakudya ku mikutano, tundapatangila paida lipwashalelo lya imumu yanashwe imwe Yeova.—Mao. 2:29.

Kwandadya ntenga. Wetu tundona kenga hainakamadyanga shinu kulola vinu vyambone, tukatenda shoeshoe pakulota tuke mushu tupagwa mushimadengo shakwandadya ntenga. Yadavo tundananowanga umbodi wetu namu Yeova pamo na vanung’unumunu vetu.—1 Vakol. 3:5-10.

LOLA VIDEO YEOVA ANDAKUKANAVO KU, NA BADAE JANG’ULA VYAKUDYA VYAATIKA:

• Nyamani shimpwashadíle Malu kummandika Yeova muwakati washipitila malingo?

  Your answer

• Kenga Malu, malove lapatikana mu Dimu 34:18 lalota kutupa dashi lipambadyangidyo muwakati watupitila malingo?

  Your answer

• Mpano umwe Malu unkulodya dashi kenga Yeova ankutupa wetu “dimongo dipunda apo” muwakati watupitila malingo?—2 Vakol. 4:7

  Your answer